𝗪𝗔𝗥𝗠-𝗨𝗣
• Ano ang isang bagay na inaabangan mo tuwing Pasko? Bakit?
• Naranasan mo na bang magtanim ng isang binhi? Ano ang nagpadali ng paghihintay para sa iyo?
• Magkuwento ng isang karanasan na nagpapakita ng “expectation versus reality” o kaibahan ng inaasahan sa katotohanan, na naranasan mo.


𝗪𝗢𝗥𝗗
𝘚𝘪𝘯𝘢𝘣𝘪 𝘯𝘢𝘮𝘢𝘯 𝘯𝘪 𝘐𝘴𝘢𝘪𝘢𝘴, “𝘔𝘢𝘨𝘮𝘶𝘮𝘶𝘭𝘢 𝘴𝘢 𝘭𝘢𝘩𝘪 𝘯𝘪 𝘑𝘦𝘴𝘴𝘦 𝘢𝘯𝘨 𝘪𝘴𝘢𝘯𝘨 𝘮𝘢𝘮𝘶𝘮𝘶𝘯𝘰 𝘴𝘢 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰, 𝘢𝘵 𝘢𝘢𝘴𝘢 𝘴𝘪𝘭𝘢 𝘴𝘢 𝘬𝘢𝘯𝘺𝘢.” 𝘕𝘢𝘸𝘢 𝘢𝘯𝘨 𝘋𝘪𝘺𝘰𝘴 𝘯𝘢 𝘯𝘢𝘨𝘣𝘪𝘣𝘪𝘨𝘢𝘺 𝘴𝘢 𝘢𝘵𝘪𝘯 𝘯𝘨 𝘱𝘢𝘨-𝘢𝘴𝘢 𝘢𝘯𝘨 𝘴𝘪𝘺𝘢 𝘳𝘪𝘯𝘨 𝘮𝘢𝘨𝘣𝘪𝘨𝘢𝘺 𝘴𝘢 𝘪𝘯𝘺𝘰 𝘯𝘨 𝘣𝘶𝘰𝘯𝘨 𝘬𝘢𝘨𝘢𝘭𝘢𝘬𝘢𝘯 𝘢𝘵 𝘬𝘢𝘱𝘢𝘺𝘢𝘱𝘢𝘢𝘯 𝘥𝘢𝘩𝘪𝘭 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢, 𝘱𝘢𝘳𝘢 𝘱𝘢𝘵𝘶𝘭𝘰𝘺 𝘯𝘢 𝘭𝘶𝘮𝘢𝘨𝘰 𝘢𝘯𝘨 𝘪𝘯𝘺𝘰𝘯𝘨 𝘱𝘢𝘨-𝘢𝘴𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟱:𝟭𝟮–𝟭𝟯

(Basahin din ang 𝗜𝗦𝗔𝗜𝗔𝗦 𝟭𝟭:𝟭–𝟭𝟬.)

Sa gitna ng mga pagsubok, madaling mawalan ng pag-asa at mauwi sa desperasyon. Subalit kahit gaano pa kaimposible o kahirap ang ating sitwasyon, palaging may pag-asa sa Diyos. Ipinapakita sa Isaias 11:1–10 ang isang napakaganda at detalyadong paglalarawan ng pag-asa na maaaring matanggap ng lahat sa pamamagitan ni Cristo. Ang pagkakaroon ng pag-asa ay nangangahulugang kahit na tila malungkot at nakakabahala ang mga nangyayari, maaari nating panabikan nang may panatag na kalooban ang mga mangyayari sa hinaharap: ang pag-asang kaligtasan at ang katuparan ng lahat ng ipinangako ng Diyos. Sa araw na ito, titingnan natin kung paano dumating si Jesus upang magdala sa atin ng pag-asa—para sa ating kinabukasan, para sa hinaharap, at maging sa nakaraan natin.


𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝗽𝗶𝗻𝗮𝗴𝗺𝘂𝗺𝘂𝗹𝗮𝗻 𝗻𝗴 𝗽𝗮𝗴-𝗮𝘀𝗮 𝗽𝗮𝗿𝗮 𝘀𝗮 𝗹𝗮𝗵𝗮𝘁.
𝘚𝘪𝘯𝘢𝘣𝘪 𝘯𝘢𝘮𝘢𝘯 𝘯𝘪 𝘐𝘴𝘢𝘪𝘢𝘴, “𝘔𝘢𝘨𝘮𝘶𝘮𝘶𝘭𝘢 𝘴𝘢 𝘭𝘢𝘩𝘪 𝘯𝘪 𝘑𝘦𝘴𝘴𝘦 𝘢𝘯𝘨 𝘪𝘴𝘢𝘯𝘨 𝘮𝘢𝘮𝘶𝘮𝘶𝘯𝘰 𝘴𝘢 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰, 𝘢𝘵 𝘢𝘢𝘴𝘢 𝘴𝘪𝘭𝘢 𝘴𝘢 𝘬𝘢𝘯𝘺𝘢.” 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟱:𝟭𝟮

Hindi lamang ang mga Judio ang umasa kay Jesus bilang ang Mesias na matagal na hinintay. Kabilang sa plano Niya ang kaligtasan din ng mga hindi Judio—ang mga grupo ng tao na hindi bahagi ng kasunduan Niya sa mga Judio at itinuturing na marumi at hindi karapat-dapat. Sa halip na magkaroon ng katapusang walang pag-asa, ang mga hindi Judio ay nagkaroon ng walang hanggang pag-asa kay Cristo. Dahil dito, magagawa nating panghawakan ang pag-asa na ibinigay sa atin ni Jesus—kahit sino pa tayo at anuman ang naging nakaraan natin. Sa buhay mo, paano ka natulungan ng pag-asa na mayroon tayo kay Cristo upang pagdaanan ang mga nangyari noong nakaraang taon? Paano mo magagamit ang karanasang ito upang mapalakas ang loob ng ibang tao?

𝟮. 𝗣𝗶𝗻𝘂𝗽𝘂𝗻𝗼 𝘁𝗮𝘆𝗼 𝗻𝗶 𝗝𝗲𝘀𝘂𝘀 𝗻𝗴 𝗸𝗮𝘀𝗶𝘆𝗮𝗵𝗮𝗻 𝗮𝘁 𝗸𝗮𝗽𝗮𝘆𝗮𝗽𝗮𝗮𝗻 𝗵𝗮𝗯𝗮𝗻𝗴 𝘁𝗮𝘆𝗼 𝗮𝘆 𝗻𝗮𝗻𝗶𝗻𝗶𝘄𝗮𝗹𝗮.
𝘕𝘢𝘸𝘢 𝘢𝘯𝘨 𝘋𝘪𝘺𝘰𝘴 𝘯𝘢 𝘯𝘢𝘨𝘣𝘪𝘣𝘪𝘨𝘢𝘺 𝘴𝘢 𝘢𝘵𝘪𝘯 𝘯𝘨 𝘱𝘢𝘨-𝘢𝘴𝘢 𝘢𝘯𝘨 𝘴𝘪𝘺𝘢 𝘳𝘪𝘯𝘨 𝘮𝘢𝘨𝘣𝘪𝘨𝘢𝘺 𝘴𝘢 𝘪𝘯𝘺𝘰 𝘯𝘨 𝘣𝘶𝘰𝘯𝘨 𝘬𝘢𝘨𝘢𝘭𝘢𝘬𝘢𝘯 𝘢𝘵 𝘬𝘢𝘱𝘢𝘺𝘢𝘱𝘢𝘢𝘯 𝘥𝘢𝘩𝘪𝘭 𝘴𝘢 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢, 𝘱𝘢𝘳𝘢 𝘱𝘢𝘵𝘶𝘭𝘰𝘺 𝘯𝘢 𝘭𝘶𝘮𝘢𝘨𝘰 𝘢𝘯𝘨 𝘪𝘯𝘺𝘰𝘯𝘨 𝘱𝘢𝘨-𝘢𝘴𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟱:𝟭𝟯

Sa patuloy nating pagtitiwala sa Diyos, pinupuno Niya tayo ng nag-uumapaw na kasiyahan at kapayapaan na higit pa sa kakayahan nating maunawaan. Binibigyan Niya tayo ng pag-asa na may katiyakan at katatagan. Ang umasa kay Cristo ay nangangahulugan ng paniniwala sa Kanya—ang tumingin sa Kanya sa kabila ng lahat ng pagsubok na kinakaharap natin. Maaaring patuloy na nagiging magulo ang mga sitwasyon natin sa bawat paglipas ng mga araw, subalit maaari nating panghawakan ang Kanyang mga pangako at hayaang mag-umapaw sa atin ang Kanyang pag-asa. Paano binago ng
kasiyahan at kapayapaan ng Diyos ang pananaw mo sa mga bagay? Paano ka nila nabigyan ng kaginhawaan sa mga panahong ito?

𝟯. 𝗦𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗻𝗴 𝗕𝗮𝗻𝗮𝗹 𝗻𝗮 𝗘𝘀𝗽𝗶𝗿𝗶𝘁𝘂, 𝗺𝗮𝗮𝗮𝗿𝗶 𝘁𝗮𝘆𝗼𝗻𝗴 𝗺𝗮𝗴-𝘂𝗺𝗮𝗽𝗮𝘄 𝘀𝗮 𝗽𝗮𝗴-𝗮𝘀𝗮.
. . . 𝘱𝘢𝘳𝘢 𝘱𝘢𝘵𝘶𝘭𝘰𝘺 𝘯𝘢 𝘭𝘶𝘮𝘢𝘨𝘰 𝘢𝘯𝘨 𝘪𝘯𝘺𝘰𝘯𝘨 𝘱𝘢𝘨-𝘢𝘴𝘢 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟭𝟱:𝟭𝟯

Ang kasiyahan, kapayapaan, at pag-asa ay nagmumula lahat sa Diyos. Sa pamamagitan ng Banal na Espiritu na nasa atin, maaari tayong magkaroon ng lumalago at nag-uumapaw na pag-asa. Kahit gaano pa man kaalanganin ang kinabukasan, maaari tayong mapuno ng pag-asa dahil alam nating kasama natin Siya. Ang pag-asa na mayroon tayo sa Kanya ay mas higit pa sa anumang naranasan natin sa nakaraan o anumang nararanasan natin sa kasalukuyan. Ano ang sinasabi sa Tito 2:12–14 tungkol sa napakaganda nating pag-asa?


𝗔𝗣𝗣𝗟𝗜𝗖𝗔𝗧𝗜𝗢𝗡
• Maglaan ng panahon upang pag-isipan kung saan ka umaasa. Kung umaasa ka sa iba maliban sa Diyos, isuko mo ito ngayon sa Kanya at ipanalangin na Siya lamang ang tanging aasahan mo.
• Ano ang mga bagay na maaari mong ikasiya sa buhay mo ngayon? Ano ang mga ipinagpapasalamat mo sa Diyos?
• Isipin ang mga nasa paligid mo—pamilya, mga kaibigan, kakilala—na nangangailangan ng pag-asa na ibinibigay ni Jesus. Ipanalangin na magkaroon sila ng pag-asa sa gitna ng mga paghihirap.


𝗣𝗥𝗔𝗬𝗘𝗥
• Pasalamatan ang Diyos sa walang hanggang pag-asa na ibinigay Niya sa atin sa pamamagitan ni Jesu-Cristo. Pasalamatan Siya na ito ay para sa lahat ng tao sa lahat ng sitwasyon at estado sa buhay.
• Isuko ang lahat ng maliliit, at pang-araw-araw na detalye ng buhay mo sa Diyos. Pasalamatan Siya sa nag-uumapaw na pag-asa na ibinibigay Niya sa pamamagitan ng Banal na Espiritu.
• Pasalamatan ang Diyos para sa kasiyahan at kapayapaan na ibinibigay Niya sa atin sa araw-araw. Ipanalangin na maranasan mo ito nang ganap sa bawat araw at magawa mo itong ibahagi sa iba.