𝗪𝗔𝗥𝗠-𝗨𝗣
• Noong bata ka, naglalaro ka ba ng mga 𝘣𝘶𝘪𝘭𝘥𝘪𝘯𝘨 𝘣𝘭𝘰𝘤𝘬, o pagbuo ng isang istraktura gamit ang mga laruang iba’t iba ang hugis? Ano ang kadalasan mong binubuo gamit ang mga ito?
• Natutuwa ka bang panoorin ang mga 𝘷𝘪𝘥𝘦𝘰 o palabas tungkol sa pagsasaayos ng mga nasira o nalumang gamit o bahay? Bakit oo o bakit hindi?
• Anong mga kagamitan sa bahay ang gusto mong ginagamit sa iba’t ibang layunin o paraan?


𝗪𝗢𝗥𝗗
“𝘚𝘪 𝘑𝘦𝘴𝘶𝘴 𝘢𝘯𝘨 𝘵𝘪𝘯𝘶𝘵𝘶𝘬𝘰𝘺 𝘯𝘢 𝘣𝘢𝘵𝘰 𝘴𝘢 𝘵𝘢𝘭𝘢𝘵𝘢𝘯𝘨 𝘪𝘵𝘰 𝘯𝘨 𝘒𝘢𝘴𝘶𝘭𝘢𝘵𝘢𝘯: ‘𝘈𝘯𝘨 𝘣𝘢𝘵𝘰 𝘯𝘢 𝘪𝘵𝘪𝘯𝘢𝘬𝘸𝘪𝘭 𝘯𝘪𝘯𝘺𝘰𝘯𝘨 𝘮𝘨𝘢 𝘵𝘢𝘨𝘢𝘱𝘢𝘨𝘵𝘢𝘺𝘰 𝘯𝘨 𝘣𝘢𝘩𝘢𝘺 𝘢𝘯𝘨 𝘴𝘪𝘺𝘢𝘯𝘨 𝘯𝘢𝘨𝘪𝘯𝘨 𝘣𝘢𝘵𝘰𝘯𝘨 𝘱𝘶𝘯𝘥𝘢𝘴𝘺𝘰𝘯.’ 𝘞𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘮𝘶𝘯𝘥𝘰𝘯𝘨 𝘪𝘵𝘰 𝘢𝘯𝘨 𝘮𝘢𝘬𝘢𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘭𝘢𝘯𝘨.” 𝗠𝗚𝗔 𝗚𝗔𝗪𝗔 𝟰:𝟭𝟭–𝟭𝟮

(Basahin din ang 𝗠𝗚𝗔 𝗚𝗔𝗪𝗔 𝟯:𝟭–𝟭𝟬; 𝟰:𝟭–𝟭𝟬.)

Ang mga pahayag na binasa natin ngayon ay tungkol sa isang himala. Sa pamamagitan ng kapangyarihan ng pangalan ni Jesus, pinagaling nina Pedro at Juan ang isang lalaking ipinanganak na lumpo. Ang lalaki ay natuwa at nagdiwang, at ginamit ni Pedro ang pagkakataong ito upang ipangaral ang ebanghelyo ni Jesu-Cristo sa mga nakakita ng nangyaring himala. Dahil dito, sila ay inaresto at nakaranas ng pang-uusig sa harap ng isang grupo ng tao. Subalit buong tapang na ipinahayag nina Pedro at Juan na si Jesu-Cristo ang batong pundasyon. Sa araw na ito, titingnan natin ang mga aral na mapupulot natin sa binanggit na kwento.

𝟭. 𝗔𝗻𝗴 𝗸𝗮𝗹𝗶𝗴𝘁𝗮𝘀𝗮𝗻 𝗮𝘆 𝗺𝗮𝘁𝗮𝘁𝗮𝗴𝗽𝘂𝗮𝗻 𝗹𝗮𝗺𝗮𝗻𝗴 𝗸𝗮𝘆 𝗝𝗲𝘀𝘂𝘀.
“𝘞𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘮𝘶𝘯𝘥𝘰𝘯𝘨 𝘪𝘵𝘰 𝘢𝘯𝘨 𝘮𝘢𝘬𝘢𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘭𝘢𝘯𝘨.” 𝗠𝗚𝗔 𝗚𝗔𝗪𝗔 𝟰:𝟭𝟮

Nang magsalita si Pedro sa harap ng mga tao, ipinaalala niya sa kanila kung bakit si Cristo, na ipinako sa krus, ang Anak ng Diyos at Tagapagligtas ng sangkatauhan. Naparito Siya sa lupa at namuhay nang walang anumang pagkakamali. Hindi Siya kailanman nagkasala, ngunit pinagdusahan Niya ang kamatayang para sa isang taong makasalanan at inako Niya ang kasalanan nating lahat. Matagumpay Siyang nabuhay muli upang ang lahat ng mananampalataya sa Kanya ay maibalik sa tamang ugnayan sa Diyos. Bago mo nakilala si Cristo, saan ka nagtiwala? Si Cristo lamang ang tanging makakapagligtas sa atin. Paano binago ng katotohanang ito ang buhay mo?

𝟮. 𝗧𝗮𝘆𝗼 𝗮𝘆 𝗶𝗯𝗶𝗻𝗮𝗯𝗮𝗹𝗶𝗸 𝗻𝗶 𝗝𝗲𝘀𝘂𝘀 𝘀𝗮 𝘁𝗮𝗺𝗮𝗻𝗴 𝗮𝘆𝗼𝘀 𝗮𝘁 𝗺𝘂𝗹𝗶𝗻𝗴 𝗯𝗶𝗻𝘂𝗯𝘂𝗼.
“. . . 𝘥𝘢𝘱𝘢𝘵 𝘮𝘢𝘭𝘢𝘮𝘢𝘯 𝘯𝘪𝘯𝘺𝘰𝘯𝘨 𝘭𝘢𝘩𝘢𝘵 𝘢𝘵 𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘨𝘢-𝘐𝘴𝘳𝘢𝘦𝘭, 𝘯𝘢 𝘢𝘯𝘨 𝘵𝘢𝘰𝘯𝘨 𝘪𝘵𝘰 𝘯𝘢 𝘯𝘢𝘬𝘢𝘵𝘢𝘺𝘰 𝘳𝘪𝘵𝘰 𝘯𝘨𝘢𝘺𝘰𝘯 𝘢𝘺 𝘱𝘪𝘯𝘢𝘨𝘢𝘭𝘪𝘯𝘨 𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘯𝘪 𝘑𝘦𝘴𝘶-𝘊𝘳𝘪𝘴𝘵𝘰 𝘯𝘢 𝘵𝘢𝘨𝘢-𝘕𝘢𝘻𝘢𝘳𝘦𝘵. 𝘚𝘪𝘺𝘢 𝘢𝘯𝘨 𝘪𝘯𝘺𝘰𝘯𝘨 𝘪𝘱𝘪𝘯𝘢𝘬𝘰 𝘴𝘢 𝘬𝘳𝘶𝘴 𝘢𝘵 𝘱𝘪𝘯𝘢𝘵𝘢𝘺, 𝘯𝘨𝘶𝘯𝘪𝘵 𝘣𝘪𝘯𝘶𝘩𝘢𝘺 𝘴𝘪𝘺𝘢𝘯𝘨 𝘮𝘶𝘭𝘪 𝘯𝘨 𝘋𝘪𝘺𝘰𝘴. 𝘚𝘪 𝘑𝘦𝘴𝘶𝘴 𝘢𝘯𝘨 𝘵𝘪𝘯𝘶𝘵𝘶𝘬𝘰𝘺 𝘯𝘢 𝘣𝘢𝘵𝘰 𝘴𝘢 𝘵𝘢𝘭𝘢𝘵𝘢𝘯𝘨 𝘪𝘵𝘰 𝘯𝘨 𝘒𝘢𝘴𝘶𝘭𝘢𝘵𝘢𝘯: ‘𝘈𝘯𝘨 𝘣𝘢𝘵𝘰 𝘯𝘢 𝘪𝘵𝘪𝘯𝘢𝘬𝘸𝘪𝘭 𝘯𝘪𝘯𝘺𝘰𝘯𝘨 𝘮𝘨𝘢 𝘵𝘢𝘨𝘢𝘱𝘢𝘨𝘵𝘢𝘺𝘰 𝘯𝘨 𝘣𝘢𝘩𝘢𝘺 𝘢𝘯𝘨 𝘴𝘪𝘺𝘢𝘯𝘨 𝘯𝘢𝘨𝘪𝘯𝘨 𝘣𝘢𝘵𝘰𝘯𝘨 𝘱𝘶𝘯𝘥𝘢𝘴𝘺𝘰𝘯.’ 𝘞𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘮𝘶𝘯𝘥𝘰𝘯𝘨 𝘪𝘵𝘰 𝘢𝘯𝘨 𝘮𝘢𝘬𝘢𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘭𝘢𝘯𝘨.” 𝗠𝗚𝗔 𝗚𝗔𝗪𝗔 𝟰:𝟭𝟬–𝟭𝟮

Muling ipinaalala ni Pedro na si Jesus ng batong pundasyon na tinanggihan ng mga tao, subalit hinirang ng Diyos upang magdala ng kaligtasan para sa lahat. Ngunit ang kaligtasan na tinutukoy dito ni Pedro ay higit pa sa tagumpay laban sa kasalanan. Naranasan ng lumpo ang kaligtasang ito at ito ang nagdala sa kanya ng kagalingan at kalayaan sa kanyang nakapanlulumong sitwasyon. Ang kaligtasang makikita natin kay Jesus ay nagdudulot ng kabuuan at kapayapaan—sa lahat ng bahagi ng ating buhay. Sa patuloy nating pagtatatag ng ating buhay sa Kanya, ang ating batong pundasyon, mararanasan
din natin ang kagalingan, kalayaan, pag-asa, pananampalataya, kagalakan—sa madaling salita, ang lahat ng kailangan natin! Ayon sa Mga Gawa 3:6–10, ano ang nangyari nang gumaling ang lumpo? Paano mo naranasan ang kaligtasan ng Diyos, kabilang na ang kagalingan at kabuuang nagmumula sa Kanya?

𝟯. 𝗔𝗻𝗴 𝗸𝗮𝗹𝗶𝗴𝘁𝗮𝘀𝗮𝗻 𝗻𝗮𝘁𝗶𝗻 𝗸𝗮𝘆 𝗖𝗿𝗶𝘀𝘁𝗼 𝗮𝘆 𝗻𝗮𝗴𝗯𝗶𝗯𝗶𝗴𝗮𝘆 𝘀𝗮 𝗮𝘁𝗶𝗻 𝗻𝗴 𝗹𝗮𝗸𝗮𝘀 𝗻𝗴 𝗹𝗼𝗼𝗯 𝘂𝗽𝗮𝗻𝗴 𝗶𝗽𝗮𝗻𝗴𝗮𝗿𝗮𝗹 𝗮𝗻𝗴 𝗲𝗯𝗮𝗻𝗴𝗵𝗲𝗹𝘆𝗼.
“𝘞𝘢𝘭𝘢𝘯𝘨 𝘴𝘪𝘯𝘶𝘮𝘢𝘯 𝘴𝘢 𝘮𝘶𝘯𝘥𝘰𝘯𝘨 𝘪𝘵𝘰 𝘢𝘯𝘨 𝘮𝘢𝘬𝘢𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘢𝘵𝘪𝘯 𝘬𝘶𝘯𝘥𝘪 𝘴𝘪 𝘑𝘦𝘴𝘶𝘴 𝘭𝘢𝘯𝘨.” 𝘕𝘢𝘮𝘢𝘯𝘨𝘩𝘢 𝘴𝘪𝘭𝘢 𝘬𝘪𝘯𝘢 𝘗𝘦𝘥𝘳𝘰 𝘢𝘵 𝘑𝘶𝘢𝘯 𝘥𝘢𝘩𝘪𝘭 𝘴𝘢 𝘭𝘢𝘬𝘢𝘴 𝘯𝘨 𝘭𝘰𝘰𝘣 𝘯𝘪𝘭𝘢𝘯𝘨 𝘮𝘢𝘨𝘴𝘢𝘭𝘪𝘵𝘢, 𝘭𝘢𝘭𝘰 𝘯𝘢 𝘯𝘢𝘯𝘨 𝘮𝘢𝘭𝘢𝘮𝘢𝘯 𝘯𝘪𝘭𝘢𝘯𝘨 𝘮𝘨𝘢 𝘬𝘢𝘳𝘢𝘯𝘪𝘸𝘢𝘯𝘨 𝘵𝘢𝘰 𝘭𝘢𝘯𝘨 𝘴𝘪𝘭𝘢 𝘢𝘵 𝘸𝘢𝘭𝘢𝘯𝘨 𝘮𝘢𝘵𝘢𝘢𝘴 𝘯𝘢 𝘱𝘪𝘯𝘢𝘨-𝘢𝘳𝘢𝘭𝘢𝘯. 𝘕𝘢𝘮𝘶𝘬𝘩𝘢𝘢𝘯 𝘥𝘪𝘯 𝘯𝘪𝘭𝘢𝘯𝘨 𝘴𝘪𝘭𝘢ʼ𝘺 𝘮𝘨𝘢 𝘬𝘢𝘴𝘢𝘮𝘢 𝘯𝘪 𝘑𝘦𝘴𝘶𝘴 𝘯𝘰𝘰𝘯. 𝗠𝗚𝗔 𝗚𝗔𝗪𝗔 𝟰:𝟭𝟮–𝟭𝟯

Dahil sina Pedro at Juan ay nanampalataya kay Jesus, pinuspos sila ng Banal na Espiritu ng kakayahang ipangaral ang Kanyang pangalan sa lahat ng lugar. Sa kabila ng oposisyon at pag-uusig, ipinangaral nila ang salita ni Cristo hindi lamang sa pagkakataong ito, kundi maging sa ibang mga bayan. Tulad nito, habang nananampalataya tayo kay Cristo, ang ating batong pundasyon, ibibigay Niya ang katapangan, karunungan, at kapangyarihang kinakailangan natin upang maipahayag ang ebanghelyo sa kabila ng mga kinakaharap nating pagsubok. Sa patuloy nating pananalig sa Kanyang mga katotohanan at pagkilos nang may pananampalataya, makikita natin ang mas marami pang buhay na magbabago at maipapanumbalik sa Kanya. Balikan ang isang pagkakataong ipinangaral mo ang ebanghelyo sa kabila ng iyong mga pag-aalinlangan o pagsubok na pinagdaraanan. Ano ang naging bunga nito?


𝗔𝗣𝗣𝗟𝗜𝗖𝗔𝗧𝗜𝗢𝗡
• Nanampalataya ka na ba kay Cristo lamang para sa iyong kaligtasan? Kung hindi pa, manalangin sa Kanya ngayon at tanggapin Siya bilang iyong Panginoon at Tagapagligtas.
• Sa anong bahagi ng buhay mo kailangang makaranas ng kaligtasang mula sa Diyos na nagdadala ng kagalingan at kabuuan sa ating buhay? Ibinabalik ka ng Diyos sa tamang ayos o disenyo. Paano nakakatulong ang kaalamang ito upang magtagumpay ka sa mga bahaging binanggit mo?
• Kanino ka inaakay ng Diyos upang ipangaral ang ebanghelyo? Hingin sa Diyos ang katapangan at ang mga pagkakataon upang maibahagi mo ngayong linggo ang katapatan ni Jesu-Cristo sa buhay mo at ang Kanyang kapangyarihang nakapagliligtas.


𝗣𝗥𝗔𝗬𝗘𝗥
• Pasalamatan ang Diyos para sa kaligtasang matatagpuan kay Cristo lamang. Ipanalangin na biyayaan ka ng Diyos upang patuloy mong maisapamuhay ang kaligtasan mo at magawa nating magtiwala nang lubos sa Kanya lamang.
• Hingin sa Diyos na ipakita sa iyo ang mga bahagi ng buhay mo na nangangailangan ng Kanyang pagsasaayos at tagumpay. Ipanalangin na habang patuloy kang nananatili sa Kanya, ang batong pundasyon, patuloy mong mararanasan ang Kanyang kapayapaan at kabuuan.
• Ipanalangin ang mga pagkakataon at mga pusong handang tumanggap kay Jesus habang patuloy kang nangangaral ng ebanghelyo sa iyong pamilya at mga kaibigan. Ipanalangin na itatatag din nila ang kanilang buhay sa Kanya at ipapangaral din nila sa iba ang ebanghelyo.