𝗪𝗔𝗥𝗠-𝗨𝗣
• Balikan ang isang pagkakataon kung kailan nanalo ang paborito mong koponan sa sports sa kabila ng pangungulelat nila. Ano ang naramdaman mo?
• Nakakita ka na ba ng isang halaman na muling tumubo matapos itong putulin sa bahaging kapantay na ng lupa? Ano ang naging reaksyon mo dito?
• Naranasan mo na bang magkwento sa iba tungkol sa nakita o naranasan mo, at hindi nila ito pinaniwalaan sa umpisa? Paano mo sila nakumbinsi?


𝗪𝗢𝗥𝗗
𝘚𝘢𝘱𝘢𝘨𝘬𝘢𝘵 𝘪𝘣𝘪𝘯𝘪𝘨𝘢𝘺 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘱𝘪𝘯𝘢𝘬𝘢𝘮𝘢𝘩𝘢𝘭𝘢𝘨𝘢𝘯𝘨 𝘢𝘳𝘢𝘭 𝘯𝘢 𝘪𝘣𝘪𝘯𝘪𝘨𝘢𝘺 𝘴𝘢 𝘢𝘬𝘪𝘯: 𝘕𝘢 𝘴𝘪 𝘊𝘳𝘪𝘴𝘵𝘰ʼ𝘺 𝘯𝘢𝘮𝘢𝘵𝘢𝘺 𝘶𝘱𝘢𝘯𝘨 𝘪𝘭𝘪𝘨𝘵𝘢𝘴 𝘵𝘢𝘺𝘰 𝘴𝘢 𝘢𝘵𝘪𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯, 𝘢𝘺𝘰𝘯 𝘴𝘢 𝘒𝘢𝘴𝘶𝘭𝘢𝘵𝘢𝘯. 𝘐𝘯𝘪𝘭𝘪𝘣𝘪𝘯𝘨 𝘴𝘪𝘺𝘢 𝘯𝘨𝘶𝘯𝘪𝘵 𝘮𝘶𝘭𝘪𝘯𝘨 𝘯𝘢𝘣𝘶𝘩𝘢𝘺 𝘴𝘢 𝘪𝘬𝘢𝘵𝘭𝘰𝘯𝘨 𝘢𝘳𝘢𝘸, 𝘢𝘺𝘰𝘯 𝘥𝘪𝘯 𝘴𝘢 𝘒𝘢𝘴𝘶𝘭𝘢𝘵𝘢𝘯. 𝘕𝘢𝘨𝘱𝘢𝘬𝘪𝘵𝘢 𝘴𝘪𝘺𝘢 𝘬𝘢𝘺 𝘗𝘦𝘥𝘳𝘰, 𝘢𝘵 𝘴𝘢 𝘪𝘣𝘢 𝘱𝘢𝘯𝘨 12 𝘢𝘱𝘰𝘴𝘵𝘰𝘭. 𝟭 𝗖𝗢𝗥𝗜𝗡𝗧𝗢 𝟭𝟱:𝟯–𝟱

(Basahin din ang 𝟭 𝗖𝗢𝗥𝗜𝗡𝗧𝗢 𝟭𝟱:𝟲–𝟴, 𝟭𝟮–𝟭𝟵.)

Ang kamatayan ni Cristo ay hindi natapos sa krus o kaya ay sa libingan. Nang tila gumuho na ang lahat, binaligtad ng Diyos ang isang malinaw na pagkatalo at ginagawa itong mapagpakumbaba at maluwalhating tagumpay. Ang tagumpay na ito ay nakatahi sa buong Kasulatan at dito nakatatag ang ating buhay bilang mga Kristiyano. Kung wala ang muling pagkabuhay, walang ebanghelyo, at ang lahat ng mga pinaniniwalaan natin ay hindi totoo. Sa araw na ito, titingnan natin kung ano ang kahulugan ng muling pagkabuhay ni Cristo para sa atin at kung paano natin maibabahagi ang mabuting balita ng Kanyang tagumpay laban sa kasalanan at kamatayan.

𝟭. 𝗗𝗮𝗵𝗶𝗹 𝗺𝘂𝗹𝗶𝗻𝗴 𝗻𝗮𝗯𝘂𝗵𝗮𝘆 𝘀𝗶 𝗝𝗲𝘀𝘂𝘀, 𝗵𝗶𝗻𝗱𝗶 𝗻𝗮 𝘁𝗮𝘆𝗼 𝗽𝗮𝘁𝗮𝘆 𝘀𝗮 𝗮𝘁𝗶𝗻𝗴 𝗺𝗴𝗮 𝗸𝗮𝘀𝗮𝗹𝗮𝗻𝗮𝗻.
At kung si Cristoʼy hindi muling nabuhay, walang silbi ang inyong pananampalataya at hindi pa kayo napapatawad sa inyong mga kasalanan. 1 CORINTO 15:17

(Basahin din ang 𝗠𝗚𝗔 𝗧𝗔𝗚𝗔-𝗥𝗢𝗠𝗔 𝟲:𝟴.)

Noong tinalo ni Jesus ang libingan, hindi lamang Siya nagtagumpay laban sa kamatayan—tinalo din Niya ang kapangyarihan ng kasalanan sa ating mga buhay. Dahil sa naging sakripisyo Niya sa krus at sa pamamagitan ng pananampalataya sa Kanyang ginawa, ang mga mananampalataya ay hindi na mahahatulan sa kanilang kasalanan. At higit pa rito, natanggap din nila ang biyaya ng Diyos upang magawa nilang tumanggi sa kasalanan at makapamuhay nang matuwid kapiling ang Diyos. Paano ka natulungan ng katotohanang ito sa mga panahong nakakaranas ka ng tukso at pagkalito? Ano ang sinasabi sa Mga Taga-Roma 6:13 tungkol sa kung paano natin dapat iharap ang ating mga sarili sa Diyos?

𝟮. 𝗗𝗮𝗵𝗶𝗹 𝗺𝘂𝗹𝗶𝗻𝗴 𝗻𝗮𝗯𝘂𝗵𝗮𝘆 𝘀𝗶 𝗝𝗲𝘀𝘂𝘀, 𝗵𝗶𝗻𝗱𝗶 𝗻𝗮 𝘁𝗮𝘆𝗼 𝗻𝗮𝘄𝗮𝘄𝗮𝗹𝗮𝗻 𝗻𝗴 𝗽𝗮𝗴-𝗮𝘀𝗮.
At nangangahulugan din na ang mga mananampalataya kay Cristo na namatay na ay hindi naligtas. Kung ang pag-asa natin kay Cristo ay hanggang sa buhay na ito lamang, tayo ang pinakakawawa sa lahat ng tao. 𝟭 𝗖𝗢𝗥𝗜𝗡𝗧𝗢 𝟭𝟱:𝟭𝟴–𝟭𝟵

Mayroon tayong pag-asa sa hinaharap dahil sa ginawa ni Jesus sa krus. Ang pananampalataya natin ay may kabuluhan. Ang buhay natin ay hindi lamang puro pagsubok na kailangang harapin. At ang pagkaunawa na may pag-asa tayo kay Cristo ay nakakatulong sa atin na tumingin sa kinabukasan. Ang pag-asang ito ay hindi lamang para sa hinaharap. Kahit pa magdusa tayo at mamatay, ang pag-asa natin ay naka-angkla o nakabatay sa katotohanan na muli tayong mabubuhay kay Cristo at habambuhay natin Siyang makakapiling. Ito ang dakilang pag-asa ng mga mananampalataya. Paano binabago ng pag-asang dala ng ating muling pagkabuhay ang pananaw natin sa mga pagsubok at paghihirap na kasalukuyan nating kinakaharap? Ano ang sinasabi sa 2 Corinto 4:17–18 tungkol sa pag-asa na mayroon tayo kay Cristo?

𝟯. 𝗗𝗮𝗵𝗶𝗹 𝗺𝘂𝗹𝗶𝗻𝗴 𝗻𝗮𝗯𝘂𝗵𝗮𝘆 𝘀𝗶 𝗝𝗲𝘀𝘂𝘀, 𝗵𝗶𝗻𝗱𝗶 𝘁𝗮𝘆𝗼 𝗺𝗴𝗮 𝗵𝘂𝘄𝗮𝗱 𝗻𝗮 𝘀𝗮𝗸𝘀𝗶.
At kung si Cristoʼy hindi muling nabuhay, walang kabuluhan ang aming pangangaral, at wala ring silbi ang inyong pananampalataya. At hindi lang iyan, lalabas din na sinungaling kami tungkol sa Diyos dahil ipinapahayag namin na binuhay niyang muli si Cristo. 𝟭 𝗖𝗢𝗥𝗜𝗡𝗧𝗢 𝟭𝟱:𝟭𝟰–𝟭𝟱

Ang muling pagkabuhay ni Cristo ang pundasyong bato ng ebanghelyo. Ito ang pagpapatunay ng pagka-Diyos at ng ministeryo ni Jesus. At hindi lamang ito isang kuwento. Isa itong katotohanan sa kasaysayan na nasaksihan ng higit sa 500 na katao (1 Corinto 15:6). Ang pagkaunawa sa katotohanang ito ay hindi lamang nagpapatunay ng batayan ng ating pananampalataya. Nagbibigay din ito sa atin ng lakas ng loob na makipag-ugnayan at maging saksi sa pagmamahal at sakripisyo ng Diyos. Tayo ang nagpapahayag ng pinakamahalagang katotohanan. Paano naaapektuhan ng katotohanang ito ang ating lakas ng loob na ipangaral ang ebanghelyo sa iba?

Habang pinag-iisipan natin ang bigat ng sakripisyo ng Diyos, nawa ay maalala nating ipahayag ang mabuting balita sa mga tao sa ating paligid. Nawa ay mabigyan tayo ng pagkakataon na ipakita sa kanila ang lawak ng biyaya at pagmamahal sa atin ng Diyos.


𝗔𝗣𝗣𝗟𝗜𝗖𝗔𝗧𝗜𝗢𝗡
• Maglaan ng panahon upang pag-isipan ang kinakailangan upang mabuhay tayo kay Cristo. Paano mo matutulungan ang iba na makita ang biyaya at katuwiran na nagmumula lamang sa Diyos?
• Paano ka nabigyan ng Diyos ng pag-asa? Ibahagi ito sa isang tao na nahihirapang makahanap ng pag-asa sa mga panahong ito.
• Isipin ang isang taong nangangailangang makarinig ng mensahe ng sakripisyo ni Cristo. Hingin sa Diyos ang pagkakataon na ipahayag ito sa kanya ngayong linggo.


𝗣𝗥𝗔𝗬𝗘𝗥
• Ipagpasalamat sa Diyos na ang kasalanan at kamatayan ay wala nang kapangyarihan sa iyo. Purihin Siya sa Kanyang biyaya na nag-uumapaw sa buhay mo.
• Isuko sa Diyos ang lahat ng iyong takot at alalahanin. Ipanalangin na bigyan ka Niya ng kalakasan upang magawa mong panghawakan ang pag-asa na mayroon ka sa Kanya, anuman ang sitwasyon.
• Purihin ang Diyos para sa kaligtasan mo kay Cristo. Hangarin ang karunungan, biyaya, at lakas ng loob habang nagpapatotoo ka sa pag-asa at tagumpay na mayroon ka sa Kanya.