𝗪𝗔𝗥𝗠-𝗨𝗣
• Sino sa pamilya mo ang pinakamalapit sa iyo. Ano ang pinakanagustuhan mo sa kanya?
• Gusto mo ba ang mga gawaing kasama ang isang grupo ng tao o mas gusto mong mag-isa? Bakit?
• Magkwento tungkol sa isa sa mga kinabibilangan mong grupo ng magkakaibigan. Ano ang humatak sa iyo upang mapabilang sa grupong ito?


𝗪𝗢𝗥𝗗
𝘒𝘢𝘺𝘢 𝘬𝘢𝘺𝘰𝘯𝘨 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘨𝘢 𝘥𝘢𝘺𝘶𝘩𝘢𝘯 𝘰 𝘵𝘢𝘨𝘢-𝘪𝘣𝘢𝘯𝘨 𝘣𝘢𝘯𝘴𝘢, 𝘬𝘶𝘯𝘥𝘪 𝘬𝘢𝘪𝘴𝘢 𝘯𝘢 𝘯𝘨 𝘮𝘨𝘢 𝘱𝘪𝘯𝘢𝘣𝘢𝘯𝘢𝘭 𝘢𝘵 𝘬𝘢𝘣𝘪𝘭𝘢𝘯𝘨 𝘴𝘢 𝘱𝘢𝘮𝘪𝘭𝘺𝘢 𝘯𝘨 𝘋𝘪𝘺𝘰𝘴. 𝘛𝘢𝘺𝘰𝘯𝘨 𝘮𝘨𝘢 𝘮𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘢𝘺 𝘬𝘢𝘵𝘶𝘭𝘢𝘥 𝘯𝘨 𝘨𝘶𝘴𝘢𝘭𝘪 𝘯𝘢 𝘢𝘯𝘨 𝘮𝘨𝘢 𝘩𝘢𝘭𝘪𝘨𝘪 𝘢𝘺 𝘢𝘯𝘨 𝘮𝘨𝘢 𝘢𝘱𝘰𝘴𝘵𝘰𝘭 𝘢𝘵 𝘮𝘨𝘢 𝘱𝘳𝘰𝘱𝘦𝘵𝘢, 𝘢𝘵 𝘢𝘯𝘨 𝘱𝘶𝘯𝘥𝘢𝘴𝘺𝘰𝘯 𝘢𝘺 𝘴𝘪 𝘊𝘳𝘪𝘴𝘵𝘰 𝘑𝘦𝘴𝘶𝘴. 𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘩𝘢𝘨𝘪 𝘯𝘨 𝘨𝘶𝘴𝘢𝘭𝘪 𝘢𝘺 𝘯𝘢𝘨𝘬𝘢𝘬𝘢𝘶𝘨𝘯𝘢𝘺-𝘶𝘨𝘯𝘢𝘺 𝘢𝘵 𝘯𝘢𝘨𝘪𝘨𝘪𝘯𝘨 𝘪𝘴𝘢𝘯𝘨 𝘣𝘢𝘯𝘢𝘭 𝘯𝘢 𝘵𝘦𝘮𝘱𝘭𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘈𝘵 𝘥𝘢𝘩𝘪𝘭 𝘬𝘢𝘺𝘰 𝘢𝘺 𝘯𝘢𝘬𝘢𝘺 𝘊𝘳𝘪𝘴𝘵𝘰, 𝘣𝘢𝘩𝘢𝘨𝘪 𝘯𝘢 𝘳𝘪𝘯 𝘬𝘢𝘺𝘰 𝘯𝘪𝘵𝘰𝘯𝘨 𝘨𝘶𝘴𝘢𝘭𝘪𝘯𝘨 𝘪𝘵𝘪𝘯𝘢𝘵𝘢𝘺𝘰, 𝘬𝘶𝘯𝘨 𝘴𝘢𝘢𝘯 𝘯𝘢𝘯𝘢𝘯𝘢𝘩𝘢𝘯 𝘢𝘯𝘨 𝘋𝘪𝘺𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟵–𝟮𝟮

Sumulat si Apostol Pablo sa mga mananampalataya sa Efeso, sa mga Judio at mga hindi Judio, para ipaalala sa kanila kung sino si Jesus at kung ano ang mga ginawa Niya para sa atin. Si Jesus ang pundasyong-bato, na itinakwil ng maraming tao pero ginamit ng Diyos para sa kaligtasan ng sangkatauhan (Salmo 118:21–22). Bilang ating pundasyong-bato, Siya ang Tagapagligtas at ang pundasyon kung saan natin maitatatag at maiaayon ang ating mga buhay. Sa kabila ng pabago-bagong panahon at pangyayari, maaari tayong maging matatag at sigurado dahil tayo ay nakay Cristo, na matatag at sigurado. Ngayon, tingnan natin ang bunga ng pagiging pundasyong-bato ni Cristo sa buhay natin.

𝟭. 𝗞𝗮𝘆 𝗖𝗿𝗶𝘀𝘁𝗼, 𝘁𝗮𝘆𝗼 𝗮𝘆 𝗵𝗶𝗻𝗱𝗶 𝗻𝗮 𝗺𝗴𝗮 𝗱𝗮𝘆𝘂𝗵𝗮𝗻 𝗼 𝘁𝗮𝗴𝗮-𝗶𝗯𝗮𝗻𝗴 𝗯𝗮𝗻𝘀𝗮, 𝗸𝘂𝗻𝗱𝗶 𝗸𝗮𝗯𝗶𝗹𝗮𝗻𝗴 𝘀𝗮 𝗽𝗮𝗺𝗶𝗹𝘆𝗮 𝗻𝗴 𝗗𝗶𝘆𝗼𝘀.
𝘒𝘢𝘺𝘢 𝘬𝘢𝘺𝘰𝘯𝘨 𝘮𝘨𝘢 𝘩𝘪𝘯𝘥𝘪 𝘑𝘶𝘥𝘪𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘨𝘢 𝘥𝘢𝘺𝘶𝘩𝘢𝘯 𝘰 𝘵𝘢𝘨𝘢-𝘪𝘣𝘢𝘯𝘨 𝘣𝘢𝘯𝘴𝘢, 𝘬𝘶𝘯𝘥𝘪 𝘬𝘢𝘪𝘴𝘢 𝘯𝘢 𝘯𝘨 𝘮𝘨𝘢 𝘱𝘪𝘯𝘢𝘣𝘢𝘯𝘢𝘭 𝘢𝘵 𝘬𝘢𝘣𝘪𝘭𝘢𝘯𝘨 𝘴𝘢 𝘱𝘢𝘮𝘪𝘭𝘺𝘢 𝘯𝘨 𝘋𝘪𝘺𝘰𝘴. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟭𝟵

Bago tayo nakakilala at naniwala kay Cristo, malayo tayo at hindi sakop ng kasunduan ng Diyos na batay sa pangako Niya, at namuhay nang walang pag-asa at walang Diyos (Mga Taga-Efeso 2:12). Ngunit dahil sa sakripisyo ni Jesus, nailapit tayo at naibalik kay Cristo, bilang kabilang sa Kanyang pamilya. Dati, tayo ay mga kaaway Niyang namumuhay sa kasalanan at rebelyon laban Diyos, pero dahil sa pag-ibig, inampon Niya tayo sa pamamagitan ni Jesu-Cristo, ayon sa layunin ng Kanyang kagustuhan. Ngayon tayo ay kabilang na sa pamilya ng Diyos. Siya ang ating mapagmahal na Ama, at tayo ang Kanyang minamahal na mga anak. Ano ang ibig sabihin para sa iyo ng pagiging anak ng Diyos?

𝟮. 𝗞𝗮𝘆 𝗖𝗿𝗶𝘀𝘁𝗼, 𝘁𝗮𝘆𝗼 𝗮𝘆 𝗶𝘁𝗶𝗻𝗮𝘁𝗮𝘁𝗮𝗴 𝗮𝘁 𝗽𝗶𝗻𝗮𝗴-𝘂𝘂𝗴𝗻𝗮𝘆 𝘀𝗮 𝗶𝘀𝗮’𝘁 𝗶𝘀𝗮.
𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘩𝘢𝘨𝘪 𝘯𝘨 𝘨𝘶𝘴𝘢𝘭𝘪 𝘢𝘺 𝘯𝘢𝘨𝘬𝘢𝘬𝘢𝘶𝘨𝘯𝘢𝘺-𝘶𝘨𝘯𝘢𝘺 𝘢𝘵 𝘯𝘢𝘨𝘪𝘨𝘪𝘯𝘨 𝘪𝘴𝘢𝘯𝘨 𝘣𝘢𝘯𝘢𝘭 𝘯𝘢 𝘵𝘦𝘮𝘱𝘭𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟮𝟭

Binigyang-diin ni Apostol Pablo ang katotohanang si Cristo, na Siyang kapayapaan natin, ang gumiba sa pader na naghihiwalay sa atin (Mga Taga-Efeso 2:14). Ibig sabihin, sa kabila ng pagkakaroon ng magkaibang pagkakakilanlan bilang Judio o Griyego, iisa lamang ang pagkakakilanlan ng mga mananampalataya ni Cristo, ang ating pundasyong-bato. Sa kabila ng ganap na pagkakaiba ng dalawang grupong ito, napag-isa sila sa isang komunidad dahil sa pananampalataya nila sa Panginoong Jesu-Cristo—isang katawan ng mga tagasunod ni Cristo (Mga Taga-Galacia 3:28). Maging sa kasalukuyan, pinapalakas nito ang loob natin. Sa kabila ng nagkakaiba-iba nating mga kagustuhan, personalidad, politikal na pananaw, at kulturang pinanggagalingan, Siya na nagbubuklod sa atin ay nakahihigit sa anumang maaaring maghiwalay sa atin. Magbahagi ng panahong naging totoo ito para sa iyo.

𝟯. 𝗞𝗮𝘆 𝗖𝗿𝗶𝘀𝘁𝗼, 𝘁𝗮𝘆𝗼 𝗮𝘆 𝗯𝗮𝗻𝗮𝗹 𝗻𝗮 𝘁𝗲𝗺𝗽𝗹𝗼 𝗮𝘁 𝘁𝗶𝗿𝗮𝗵𝗮𝗻 𝗻𝗴 𝗗𝗶𝘆𝗼𝘀 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗞𝗮𝗻𝘆𝗮𝗻𝗴 𝗘𝘀𝗽𝗶𝗿𝗶𝘁𝘂.
𝘚𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪 𝘊𝘳𝘪𝘴𝘵𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘣𝘢𝘩𝘢𝘨𝘪 𝘯𝘨 𝘨𝘶𝘴𝘢𝘭𝘪 𝘢𝘺 𝘯𝘢𝘨𝘬𝘢𝘬𝘢𝘶𝘨𝘯𝘢𝘺-𝘶𝘨𝘯𝘢𝘺 𝘢𝘵 𝘯𝘢𝘨𝘪𝘨𝘪𝘯𝘨 𝘪𝘴𝘢𝘯𝘨 𝘣𝘢𝘯𝘢𝘭 𝘯𝘢 𝘵𝘦𝘮𝘱𝘭𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯. 𝘈𝘵 𝘥𝘢𝘩𝘪𝘭 𝘬𝘢𝘺𝘰 𝘢𝘺 𝘯𝘢𝘬𝘢𝘺 𝘊𝘳𝘪𝘴𝘵𝘰, 𝘣𝘢𝘩𝘢𝘨𝘪 𝘯𝘢 𝘳𝘪𝘯 𝘬𝘢𝘺𝘰 𝘯𝘪𝘵𝘰𝘯𝘨 𝘨𝘶𝘴𝘢𝘭𝘪𝘯𝘨 𝘪𝘵𝘪𝘯𝘢𝘵𝘢𝘺𝘰, 𝘬𝘶𝘯𝘨 𝘴𝘢𝘢𝘯 𝘯𝘢𝘯𝘢𝘯𝘢𝘩𝘢𝘯 𝘢𝘯𝘨 𝘋𝘪𝘺𝘰𝘴 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶. 𝗠𝗚𝗔 𝗧𝗔𝗚𝗔-𝗘𝗙𝗘𝗦𝗢 𝟮:𝟮𝟭–𝟮𝟮

Bilang komunidad ng mga mananampalataya, tayo ang iglesya kung saan nananahan ang Diyos. Ipinakita rin ni Jesus ang katotohanang ito sa mga disipulo Niya: “Sapagkat kung saan may dalawa o tatlong nagkakatipon dahil sa akin, kasama nila ako” (Mateo 18:20). Bagama’t totoo na ang ating mga katawan ang templo ng Banal na Espiritu (1 Corinto 6:19), sa umpisa pa lamang ay nais na ng Diyos na manahan kasama ang Kanyang mga mamamayan. Maraming beses itong naipakita—nang maglakad Siya kasama nina Adan at Eva sa hardin ng Eden, noong ang presensya Niya ay nanahan kasama ng mga Israelita sa tabernakulo, nang mapuno ng kaluwalhatian Niya ang templong ipinatayo ni Haring Solomon, nang nagkatawang-tao si Jesus, at nang paulit-ulit na napuspos ng Banal na Espiritu ang mga grupo ng mga mananampalataya sa aklat ng Mga Gawa. Ano ang sinasabi ng katotohanang ito tungkol sa kung paano natin maipamumuhay ang pananampalataya natin bilang mga Kristiyano?

𝗔𝗣𝗣𝗟𝗜𝗖𝗔𝗧𝗜𝗢𝗡
• Naibigay mo na ba ang buo mong pagtitiwala kay Jesus, ang ating pundasyong-bato? Nais mo bang gawin ito ngayon at maging bahagi ng Kanyang pamilya? Hilingin sa isang kakilala mo na samahan kang manalangin upang tanggapin si Jesus bilang iyong Panginoon at Tagapagligtas.
• Bilang mga mananampalataya, itinakda tayong mamuhay sa isang komunidad. Saang komunidad ng iglesya ka kabilang? Paano mo natutunang mapagtagumpayan ang mga pagkakaiba mo sa kanila at lumago kasama nila?
• May mga tao ba sa paligid mo na kailangang makilala si Jesus bilang kanilang Panginoon at Tagapagligtas? Paano mo sila matutulungang maranasan ang Kanyang kaligtasan at maging bahagi ng Kanyang pamilya?


𝗣𝗥𝗔𝗬𝗘𝗥
• Magpasalamat sa Panginoon sa sakripisyo ni Jesus, na naging daan upang tayo ay maipanumbalik kay Cristo at maging bahagi ng Kanyang pamilya. Manalangin na ipaalala Niya sa iyo araw-araw na ikaw ay Kanya.
• Ipanalangin ang iyong pamilyang espiritwal. Humiling ng grasya sa Diyos upang magawa mong hindi pansinin ang inyong mga pagkakaiba at sa halip ay magtulungan kayo tungo sa Kanyang layunin.
• Humingi ng tapang sa Diyos para maibahagi mo ang ebanghelyo ni Jesu-Cristo sa iyong pamilya at mga kaibigan. Ipanalangin na maging bukas ang kanilang mga puso upang tanggapin Siya sa kanilang buhay.