𝗪𝗔𝗥𝗠 𝗨𝗣

• Ilarawan ang pinakakakaibang litrato o senaryo na nakita mo. Bakit ito nagmukhang kakaiba?

• Nasubukan mo na bang gumamit ng filter sa pagkuha ng larawan? Ano ang naramdaman mo nang makita mo ang isang larawang hindi mo kamukha? 

• Magkwento tungkol sa isang bagay na nilikha mo (halimbawa: ipinintang larawan, isinulat na kwento, likhang sining). Ano ang naging inspirasyon mo para ilikha ito?

𝗪𝗢𝗥𝗗

𝘗𝘪𝘯𝘢𝘨𝘮𝘢𝘴𝘥𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘭𝘢𝘩𝘢𝘵 𝘯𝘪𝘺𝘢𝘯𝘨 𝘯𝘪𝘭𝘪𝘬𝘩𝘢 𝘢𝘵 𝘭𝘶𝘣𝘰𝘴 𝘴𝘪𝘺𝘢𝘯𝘨 𝘯𝘢𝘴𝘪𝘺𝘢𝘩𝘢𝘯. 𝘓𝘶𝘮𝘪𝘱𝘢𝘴 𝘢𝘯𝘨 𝘨𝘢𝘣𝘪 𝘢𝘵 𝘥𝘶𝘮𝘢𝘵𝘪𝘯𝘨 𝘢𝘯𝘨 𝘶𝘮𝘢𝘨𝘢. 𝘐𝘺𝘰𝘯 𝘢𝘯𝘨 𝘪𝘬𝘢𝘢𝘯𝘪𝘮 𝘯𝘢 𝘢𝘳𝘢𝘸.  𝗚𝗘𝗡𝗘𝗦𝗜𝗦 𝟭:𝟯𝟭

Tuwing tinitingnan natin ang mundo sa ating paligid, ang nakikita natin—kasama na ang pagkawasak at kawalang-katarungan—ay malayo sa kondisyong katangi-tangi. Ang ating buhay ay minarkahan ng kung paano tayo nakiki-angkop sa nagkasalang mundong ito. Ngunit ito ay hindi bahagi ng plano ng Diyos noong nilikha Niya ang buong sansinukob. Ano kaya ang nangyari? Ngayon, titingnan natin ang salita ng Diyos upang matuklasan ang plano Niya para sa atin at sa iba pang mga nilikha, at kung ano ang gumambala dito.

𝟭. 𝗡𝗶𝗹𝗶𝗸𝗵𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝗯𝘂𝗼𝗻𝗴 𝘀𝗮𝗻𝘀𝗶𝗻𝘂𝗸𝗼𝗯.

𝘗𝘪𝘯𝘢𝘨𝘮𝘢𝘴𝘥𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘭𝘢𝘩𝘢𝘵 𝘯𝘪𝘺𝘢𝘯𝘨 𝘯𝘪𝘭𝘪𝘬𝘩𝘢 𝘢𝘵 𝘭𝘶𝘣𝘰𝘴 𝘴𝘪𝘺𝘢𝘯𝘨 𝘯𝘢𝘴𝘪𝘺𝘢𝘩𝘢𝘯. 𝘓𝘶𝘮𝘪𝘱𝘢𝘴 𝘢𝘯𝘨 𝘨𝘢𝘣𝘪 𝘢𝘵 𝘥𝘶𝘮𝘢𝘵𝘪𝘯𝘨 𝘢𝘯𝘨 𝘶𝘮𝘢𝘨𝘢. 𝘐𝘺𝘰𝘯 𝘢𝘯𝘨 𝘪𝘬𝘢𝘢𝘯𝘪𝘮 𝘯𝘢 𝘢𝘳𝘢𝘸. 𝘕𝘢𝘵𝘢𝘱𝘰𝘴 𝘭𝘪𝘬𝘩𝘢𝘪𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘬𝘢𝘭𝘢𝘯𝘨𝘪𝘵𝘢𝘯, 𝘢𝘯𝘨 𝘮𝘶𝘯𝘥𝘰 𝘢𝘵 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘳𝘰𝘰𝘯. 𝘕𝘢𝘵𝘢𝘱𝘰𝘴 𝘯𝘪𝘺𝘢 𝘪𝘵𝘰 𝘴𝘢 𝘭𝘰𝘰𝘣 𝘯𝘨 𝘢𝘯𝘪𝘮 𝘯𝘢 𝘢𝘳𝘢𝘸 𝘢𝘵 𝘯𝘢𝘨𝘱𝘢𝘩𝘪𝘯𝘨𝘢 𝘴𝘪𝘺𝘢 𝘴𝘢 𝘪𝘬𝘢𝘱𝘪𝘵𝘰𝘯𝘨 𝘢𝘳𝘢𝘸. 𝗚𝗘𝗡𝗘𝗦𝗜𝗦 𝟭:𝟯𝟭 - 𝟮:𝟮

(Aralin ang 𝗚𝗘𝗡𝗘𝗦𝗜𝗦 𝟭.)

Sa simula, nilikha ng Diyos ang lahat mula sa kawalan sa pamamagitan ng kapangyarihan ng Kanyang salita. Sa pamamagitan ng pagbigkas ng Kanyang salita nalikha ang mundo at ang lahat ng nandito. Siya rin ang nagdala ng kaayusan mula sa kaguluhan (Genesis 1:1–2) at nagdisenyo ng natural na kaayusan ng mga bagay. Kaya naman ang Diyos ang tanging tunay na Lumikha. Hanggang ngayon, sinusuportahan at pinamamahalaan Niya ang buong nilikha para sa Kanyang kaluwalhatian at para sa ating kapakinabangan. Dahil sa kaalamang ito, ano ang dapat na saloobin natin? (Mateo 6:25–26).

𝟮. 𝗡𝗶𝗹𝗶𝗸𝗵𝗮 𝗻𝗴 𝗗𝗶𝘆𝗼𝘀 𝗮𝗻𝗴 𝘁𝗮𝗼 𝗮𝘆𝗼𝗻 𝘀𝗮 𝗞𝗮𝗻𝘆𝗮𝗻𝗴 𝘀𝗮𝗿𝗶𝗹𝗶𝗻𝗴 𝗶𝗺𝗮𝗵𝗲. 

𝘗𝘢𝘨𝘬𝘢𝘵𝘢𝘱𝘰𝘴, 𝘴𝘪𝘯𝘢𝘣𝘪 𝘯𝘨 𝘋𝘪𝘺𝘰𝘴, “𝘓𝘪𝘬𝘩𝘢𝘪𝘯 𝘯𝘢𝘵𝘪𝘯 𝘢𝘯𝘨 𝘵𝘢𝘰 𝘢𝘺𝘰𝘯 𝘴𝘢 𝘢𝘵𝘪𝘯𝘨 𝘸𝘢𝘯𝘨𝘪𝘴. 𝘚𝘪𝘭𝘢 𝘢𝘯𝘨 𝘮𝘢𝘮𝘢𝘮𝘢𝘩𝘢𝘭𝘢 𝘴𝘢 𝘭𝘢𝘩𝘢𝘵 𝘯𝘨 𝘶𝘳𝘪 𝘯𝘨 𝘩𝘢𝘺𝘰𝘱: 𝘮𝘨𝘢 𝘭𝘶𝘮𝘢𝘭𝘢𝘯𝘨𝘰𝘺, 𝘭𝘶𝘮𝘪𝘭𝘪𝘱𝘢𝘥, 𝘭𝘶𝘮𝘢𝘭𝘢𝘬𝘢𝘥 𝘢𝘵 𝘨𝘶𝘮𝘢𝘨𝘢𝘱𝘢𝘯𝘨.” 𝘒𝘢𝘺𝘢 𝘯𝘪𝘭𝘪𝘬𝘩𝘢 𝘯𝘨 𝘋𝘪𝘺𝘰𝘴 𝘢𝘯𝘨 𝘵𝘢𝘰, 𝘭𝘢𝘭𝘢𝘬𝘪 𝘢𝘵 𝘣𝘢𝘣𝘢𝘦 𝘢𝘺𝘰𝘯 𝘴𝘢 𝘸𝘢𝘯𝘨𝘪𝘴 𝘯𝘪𝘺𝘢. 𝗚𝗘𝗡𝗘𝗦𝗜𝗦 𝟭:𝟮𝟲-𝟮𝟳

(Aralin ang 𝗚𝗘𝗡𝗘𝗦𝗜𝗦 𝟭:𝟮𝟴–𝟯𝟬; 𝟮:𝟰–𝟵, 𝟭𝟱–𝟮𝟱.)

Ginawa ng Diyos ang mga tao, lalaki at babae, ayon sa Kanyang ‘wangis’ o imahe. Tulad ng Diyos, mayroon tayong kakayahang mag-isip, makadama, makipag-usap, maging malikhain, at magkaroon ng ugnayan sa Kanya at sa iba. Ang pagiging nilikha sa Kanyang imahe ay nangangahulugang tinawag tayo ng Diyos upang maging mga katiwala at kinatawan Niya dito sa lupa, na sumasalamin sa Kanyang katangian, puso, at kalooban. Ipinapahiwatig din nito ang likas na halaga ng bawat tao. Anuman ang ating nakaraan o katayuan, ang ating buhay ay mahalaga sa Diyos. Mahal na mahal Niya tayo kaya ninanais Niya na magkaroon ng ugnayan sa atin at nagtakda Siya ng layunin para sa atin (Genesis 1:28). Sa palagay mo, paano nito mababago ang paraan ng pagtingin natin sa Diyos, sa ating sarili, at sa iba?

𝟯. 𝗕𝗶𝗻𝗮𝗹𝘂𝗸𝘁𝗼𝘁 𝗻𝗴 𝗸𝗮𝘀𝗮𝗹𝗮𝗻𝗮𝗻 𝗮𝗻𝗴 𝗶𝗺𝗮𝗵𝗲 𝗻𝗴 𝗗𝗶𝘆𝗼𝘀 𝘀𝗮 𝘁𝗮𝗼 𝗮𝘁 𝘀𝗶𝗻𝗶𝗿𝗮 𝗮𝗻𝗴 𝗞𝗮𝗻𝘆𝗮𝗻𝗴 𝗻𝗶𝗹𝗶𝗸𝗵𝗮.

𝘕𝘢𝘨𝘵𝘢𝘯𝘰𝘯𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴, “𝘚𝘪𝘯𝘰 𝘢𝘯𝘨 𝘯𝘢𝘨𝘴𝘢𝘣𝘪 𝘴𝘢 𝘪𝘺𝘰 𝘯𝘢 𝘩𝘶𝘣𝘢𝘥 𝘬𝘢? 𝘒𝘶𝘮𝘢𝘪𝘯 𝘬𝘢 𝘣𝘢 𝘯𝘨 𝘣𝘶𝘯𝘨𝘢 𝘯𝘨 𝘱𝘶𝘯𝘰𝘯𝘨𝘬𝘢𝘩𝘰𝘺 𝘯𝘢 𝘴𝘪𝘯𝘢𝘣𝘪 𝘬𝘰 𝘴𝘢 𝘪𝘺𝘰 𝘯𝘢 𝘩𝘶𝘸𝘢𝘨 𝘯𝘪𝘯𝘺𝘰𝘯𝘨 𝘬𝘢𝘬𝘢𝘪𝘯𝘪𝘯?” 𝘚𝘶𝘮𝘢𝘨𝘰𝘵 𝘢𝘯𝘨 𝘭𝘢𝘭𝘢𝘬𝘪, “𝘈𝘯𝘨 𝘣𝘢𝘣𝘢𝘦 𝘱𝘰 𝘬𝘢𝘴𝘪 𝘯𝘢 𝘪𝘣𝘪𝘯𝘪𝘨𝘢𝘺 𝘯ʼ𝘺𝘰 𝘴𝘢 𝘢𝘬𝘪𝘯 𝘢𝘺 𝘣𝘪𝘯𝘪𝘨𝘺𝘢𝘯 𝘢𝘬𝘰 𝘯𝘨 𝘣𝘶𝘯𝘨𝘢 𝘯𝘨 𝘱𝘶𝘯𝘰𝘯𝘨𝘬𝘢𝘩𝘰𝘺 𝘯𝘢 𝘪𝘺𝘰𝘯 𝘢𝘵 𝘬𝘪𝘯𝘢𝘪𝘯 𝘬𝘰.” 𝘛𝘪𝘯𝘢𝘯𝘰𝘯𝘨 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴 𝘢𝘯𝘨 𝘣𝘢𝘣𝘢𝘦, “𝘉𝘢𝘬𝘪𝘵 𝘮𝘰 𝘨𝘪𝘯𝘢𝘸𝘢 𝘪𝘺𝘰𝘯?” 𝘚𝘶𝘮𝘢𝘨𝘰𝘵 𝘢𝘯𝘨 𝘣𝘢𝘣𝘢𝘦, “𝘕𝘪𝘭𝘪𝘯𝘭𝘢𝘯𝘨 𝘱𝘰 𝘬𝘢𝘴𝘪 𝘢𝘬𝘰 𝘯𝘨 𝘢𝘩𝘢𝘴, 𝘬𝘢𝘺𝘢 𝘬𝘶𝘮𝘢𝘪𝘯 𝘱𝘰 𝘢𝘬𝘰.” 𝘒𝘢𝘺𝘢 𝘴𝘪𝘯𝘢𝘣𝘪 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘪𝘺𝘰𝘴 𝘴𝘢 𝘢𝘩𝘢𝘴, “𝘋𝘢𝘩𝘪𝘭 𝘴𝘢 𝘨𝘪𝘯𝘢𝘸𝘢 𝘮𝘰𝘯𝘨 𝘪𝘵𝘰, 𝘱𝘢𝘳𝘶𝘳𝘶𝘴𝘢𝘩𝘢𝘯 𝘬𝘪𝘵𝘢. . . .” 𝗚𝗘𝗡𝗘𝗦𝗜𝗦 𝟯:𝟭𝟭-𝟭𝟰

(Aralin 𝗚𝗘𝗡𝗘𝗦𝗜𝗦 𝟯.)

Matapos likhain ang mundo, pinagpala ng Diyos ang lalaki at babae, at ibinigay Niya sa kanila ang pamamahala sa mga nilikha (Genesis 1:28). Binigyan din Niya sila ng isang utos—huwag kumain ng bunga ng punongkahoy na nagbibigay ng kaalaman kung ano ang mabuti at masama (Genesis 2:17). Isang araw, nilinlang sila ng isang tusong ahas para mawalan ng tiwala at sumuway sa Diyos. Dahil dito, ang magandang disenyo ng Diyos ay nadungisan, ang Kanyang imahe sa sangkatauhan ay nabaluktot ng kasalanan, at ang ating ugnayan sa Diyos, sa isa’t isa, at sa Kanyang nilikha ay nasira. Higit pa rito, ang iba pang nilikha ay napinsala at napasailalim sa kamatayan at pagkabulok. Ano ang sinasabi ng Mga Taga-Roma 8:20–24 tungkol sa kalagayan ng sangkatauhan at ng buong nilikha?

Ano ang magandang balita? Hindi tayo iniwan ng Diyos sa ating makasalanang kalagayan. Kahit sa gitna ng ating pagkakasala, may plano na ang Diyos na tubusin ang sangkatauhan (Genesis 3:14–15). Natupad ito nang ipadala ng Diyos ang Kanyang Anak, si Jesu-Cristo, upang isaayos ang Kanyang larawan sa atin at ang ating kaugnayan sa Kanya. Ang sagot natin dito ay pananampalataya sa Kanyang tinapos na gawain.

𝗔𝗣𝗣𝗟𝗜𝗖𝗔𝗧𝗜𝗢𝗡

• Dahil alam mo na ikaw ay ginawa ayon sa imahe ng Diyos, ano ang sinasabi nito tungkol sa iyong pagkakakilanlan na ibinigay ng Diyos? Sa palagay mo, paano ito dapat makaapekto sa iyong pang-araw-araw na pamumuhay?

• Sa anong mga paraan mo nakikita ang pagkasira at kawalan ng katarungan sa paligid mo? Paano ka makakapagdala ng pag-asa at magiging katiwala ng nilikha ng Diyos?

• Sino sa palagay mo ang kailangang makarinig ng mensaheng ito tungkol sa kasalanan at kaligtasan? Paano mo ito maibabahagi sa kanya ngayong linggo?

𝗣𝗥𝗔𝗬𝗘𝗥

• Sa mundong inaayon ang pagkakakilanlan sa iba’t ibang lugar at tao, ipanalangin na ang pagkakakilanlan mo ay manatiling nakaayon sa Diyos lamang.

• Hilingin sa Diyos na bigyan ka ng biyaya upang makilahok sa Kanyang misyon na ibalik ang buong nilikha, ang mga tao, at mga ugnayan, sa ilalim ng liwanag ng pagiging nilikha ayon sa Kanyang imahe.

• Ipagdasal na ang lahat ng mga ginagawa mo para sa iba ay manggaling sa pagmamahal, at maging daan para sila ay magkaroon ng ugnayan sa Diyos.