Victory Groups

Filipino

Ang Salita na Nagkatawang-Tao

𝗪𝗔𝗥𝗠-𝗨𝗣 • Anong kasanayan o libangan (𝘩𝘰𝘣𝘣𝘺) ang gusto mong matutunan o gawin? Bakit? • Magkuwento tungkol sa isa o dalawang tao na hinahangaan mo at gusto mong mas makilala. • Ano ang pakiramdam mo kapag may nakikilala kang tao sa unang pagkakataon? Paano ito naiiba sa susunod na pagkakataong magkita ulit kayo? 𝗪𝗢𝗥𝗗 𝘕𝘢𝘯𝘨 𝘱𝘢𝘴𝘪𝘮𝘶𝘭𝘢, 𝘯𝘢𝘳𝘰𝘰𝘯 𝘯𝘢 𝘢𝘯𝘨 𝘵𝘪𝘯𝘢𝘵𝘢𝘸𝘢𝘨 𝘯𝘢 𝘚𝘢𝘭𝘪𝘵𝘢. 𝘈𝘯𝘨 𝘚𝘢𝘭𝘪𝘵𝘢 𝘢𝘺 𝘬𝘢𝘴𝘢𝘮𝘢 𝘯𝘨 𝘋𝘪𝘺𝘰𝘴 𝘢𝘵 𝘢𝘯𝘨 𝘚𝘢𝘭𝘪𝘵𝘢 𝘢𝘺 𝘋𝘪𝘺𝘰𝘴. 𝘚𝘢 𝘴𝘪𝘮𝘶𝘭𝘢 𝘱𝘢ʼ𝘺 𝘬𝘢𝘴𝘢𝘮𝘢 𝘯𝘢 𝘴𝘪𝘺𝘢 𝘯𝘨 𝘋𝘪𝘺𝘰𝘴. 𝗝𝗨𝗔𝗡 𝟭:𝟭–𝟮 (Basahin din ang 𝗝𝗨𝗔𝗡 𝟭:𝟯–𝟱, 𝟵–𝟭𝟰, 𝟭𝟲–𝟭𝟴.) Sa pamumuhay natin nang may pananampalataya, maraming beses na nagkakaroon tayo ng maling hinala sa kung sino ang Diyos. Minsan, nararamdaman natin na malayo sa atin ang Diyos dahil sa maling pagkakaunawa natin sa Kanya. Sa dami ng maaari nating gawin upang makalapit sa Diyos, iniisip natin kung ano ang pinakamabuting gawin. Sa kabila ng lahat ng ito, ang Diyos ay kasama natin at madali lang tayong makakalapit sa Kanya sa pamamagitan ni Jesus—ang Kanyang Salita na nagkatawang-tao. Sa araw na ito, titingnan natin kung paano ninanais ni Jesus—ang buhay na Salita ng Diyos—na makipag-ugnayan sa atin sa pamamagitan ng pagtubos na ginawa Niya. 𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝗦𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗻𝗮 𝗹𝘂𝗺𝗮𝗽𝗶𝘁 𝘀𝗮 𝗮𝘁𝗶𝗻. 𝘕𝘢𝘨𝘬𝘢𝘵𝘢𝘸𝘢𝘯𝘨-𝘵𝘢𝘰 𝘢𝘯𝘨 𝘚𝘢𝘭𝘪𝘵𝘢 𝘢𝘵 𝘯𝘢𝘮𝘶𝘩𝘢𝘺 𝘯𝘢 𝘬𝘢𝘴𝘢𝘮𝘢 𝘯𝘢𝘵𝘪𝘯. 𝘕𝘢𝘬𝘪𝘵𝘢 𝘯𝘢𝘮𝘪𝘯 𝘢𝘯𝘨 𝘬𝘢𝘥𝘢𝘬𝘪𝘭𝘢𝘢𝘯 𝘯𝘪𝘺𝘢 𝘣𝘪𝘭𝘢𝘯𝘨 𝘬𝘢𝘪𝘴𝘢-𝘪𝘴𝘢𝘯𝘨 𝘈𝘯𝘢𝘬 𝘯𝘨 𝘈𝘮𝘢. 𝘗𝘶𝘴𝘱𝘰𝘴 𝘴𝘪𝘺𝘢 𝘯𝘨 𝘣𝘪𝘺𝘢𝘺𝘢 𝘢𝘵 𝘱𝘢𝘸𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯 𝘢𝘯𝘨 𝘮𝘨𝘢 𝘴𝘪𝘯𝘢𝘴𝘢𝘣𝘪 𝘯𝘪𝘺𝘢. 𝗝𝗨𝗔𝗡 𝟭:𝟭𝟰 Si Jesus, ang Salita ng Diyos na nagkatawang-tao, ay isang patunay ng pagnanais ng Diyos na magkaroon ng malalim na ugnayan sa atin. Sa loob ng maraming taon, kinailangan ng mga Israelita na sumunod sa mahigpit na mga kaugalian bago sila makalapit sa presensya ng Diyos. Tanging ang Punong Pari lamang ang nakakapasok sa Banal na Lugar sa Tabernakulo ng Templo. Nang dumating na ang takdang panahon, si Jesus ay naging isang ganap na tao na maaaring makilala ng kahit na sino. Sinasalubong Niya tayo kung nasaan man tayo, kahit ano pa ang kalagayan natin sa buhay. Mas malapit pa Siya sa atin kaysa sa inaakala natin. Nakaranas ka na ba ng panahong ang pakiramdam mo ay malayo ka sa Diyos, ngunit natuklasan mong malapit lang pala Siya sa iyo? Ano ang nangyari? 𝟮. 𝗦𝗶 𝗝𝗲𝘀𝘂𝘀 𝗮𝗻𝗴 𝗦𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗻𝗮 𝗻𝗮𝗴𝗽𝗮𝗽𝗮𝗸𝗶𝗹𝗮𝗹𝗮 𝘀𝗮 𝗔𝗺𝗮. 𝘞𝘢𝘭𝘢 𝘱𝘢𝘯𝘨 𝘯𝘢𝘬𝘢𝘬𝘪𝘵𝘢 𝘴𝘢 𝘋𝘪𝘺𝘰𝘴 𝘈𝘮𝘢 𝘬𝘢𝘩𝘪𝘵 𝘬𝘢𝘪𝘭𝘢𝘯, 𝘯𝘨𝘶𝘯𝘪𝘵 𝘪𝘱𝘪𝘯𝘢𝘬𝘪𝘭𝘢𝘭𝘢 𝘴𝘪𝘺𝘢 𝘴𝘢 𝘢𝘵𝘪𝘯 𝘯𝘨 𝘬𝘢𝘯𝘺𝘢𝘯𝘨 𝘉𝘶𝘨𝘵𝘰𝘯𝘨 𝘯𝘢 𝘈𝘯𝘢𝘬, 𝘯𝘢 𝘋𝘪𝘺𝘰𝘴 𝘥𝘪𝘯 𝘯𝘨𝘢 𝘢𝘵 𝘬𝘢𝘱𝘪𝘭𝘪𝘯𝘨 𝘯𝘨 𝘈𝘮𝘢. 𝗝𝗨𝗔𝗡 𝟭:𝟭𝟴 Nang pumarito si Jesus sa mundo, marami ang hindi nakakilala sa Kanya. Inisip ng iba na Siya ay isang tagapagturo na may karunungan, samantalang ang iba ay nakita Siya bilang isang banta sa pulitika. Naunawaan lamang ng mga tao kung sino Siya nang makatanggap sila ng personal na kapahayagan tungkol dito. Ang isa sa mga dahilan kung bakit pumarito si Jesus sa mundo ay ang ipakilala ang Diyos sa mga tao. Bilang pangalawang persona sa 𝘛𝘳𝘪𝘯𝘪𝘵𝘺, Siya ang perpektong kapahayagan ng Diyos. Sa pamamagitan ng paniniwala at pagtanggap dito, nagagawa nating sumunod sa Kanya at mas nakikilala natin Siya. Nagagawa natin ito sa pamamagitan ng pagbabasa, pangangaral, at pagsasapamuhay ng Salita ng Diyos. Sa katunayan, ang buong Bibliya ay isang tala ng buhay at mga katuruan ni Jesus. Bilang isang mananampalataya, paano mo nakilala ang Diyos at ano ang natutunan mo tungkol sa Kanya? 𝟯. 𝗦𝗶 𝗝𝗲𝘀𝘂𝘀 𝗮𝗻𝗴 𝗦𝗮𝗹𝗶𝘁𝗮 𝗻𝗴 𝗗𝗶𝘆𝗼𝘀 𝗻𝗮 𝗮𝗻𝗴 𝗸𝗮𝗴𝘂𝘀𝘁𝘂𝗵𝗮𝗻 𝗮𝘆 𝗮𝗻𝗴 𝗺𝗮𝘁𝗮𝗻𝗴𝗴𝗮𝗽. 𝘕𝘢𝘱𝘢𝘳𝘪𝘵𝘰 𝘴𝘪𝘺𝘢 𝘴𝘢 𝘮𝘶𝘯𝘥𝘰. 𝘈𝘵 𝘬𝘢𝘩𝘪𝘵 𝘯𝘢 𝘯𝘪𝘭𝘪𝘬𝘩𝘢 𝘢𝘯𝘨 𝘮𝘶𝘯𝘥𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘪𝘺𝘢, 𝘩𝘪𝘯𝘥𝘪 𝘴𝘪𝘺𝘢 𝘬𝘪𝘯𝘪𝘭𝘢𝘭𝘢 𝘯𝘨 𝘮𝘶𝘯𝘥𝘰. 𝘗𝘶𝘮𝘶𝘯𝘵𝘢 𝘴𝘪𝘺𝘢 𝘴𝘢 𝘴𝘢𝘳𝘪𝘭𝘪 𝘯𝘪𝘺𝘢𝘯𝘨 𝘮𝘨𝘢 𝘬𝘢𝘣𝘢𝘣𝘢𝘺𝘢𝘯, 𝘱𝘦𝘳𝘰 𝘵𝘪𝘯𝘢𝘯𝘨𝘨𝘪𝘩𝘢𝘯 𝘴𝘪𝘺𝘢 𝘯𝘨 𝘬𝘢𝘳𝘢𝘮𝘪𝘩𝘢𝘯. 𝘕𝘨𝘶𝘯𝘪𝘵 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘶𝘮𝘢𝘯𝘨𝘨𝘢𝘱 𝘢𝘵 𝘴𝘶𝘮𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢 𝘢𝘺 𝘣𝘪𝘯𝘪𝘨𝘺𝘢𝘯 𝘯𝘪𝘺𝘢 𝘯𝘨 𝘬𝘢𝘳𝘢𝘱𝘢𝘵𝘢𝘯𝘨 𝘮𝘢𝘨𝘪𝘯𝘨 𝘢𝘯𝘢𝘬 𝘯𝘨 𝘋𝘪𝘺𝘰𝘴. 𝗝𝗨𝗔𝗡 𝟭:𝟭𝟬–𝟭𝟮 Sa Kanyang pagmiministeryo, tinawag ni Jesus ang ilang tao upang sumunod sa Kanya at maging mga disipulo Niya. Tinalikuran ng ilan sa kanila ang dati nilang pamumuhay dahil personal nilang nakilala ang Diyos. Sa pamumuhay ng mga disipulo kasama ni Jesus, mas nakilala nila Siya sa sarili nilang pamamaraan. Tulad nito, tayo ay inaanyayahan ni Jesus na magkaroon ng ugnayan sa Kanya, hindi lamang bilang Kanyang mga disipulo kundi bilang Kanyang mga kapatid—bilang mga anak ng Diyos. Nang tanggapin natin si Jesus, sa pamamagitan ng paniniwala sa Kanya, nabigyan tayo ng karapatan na maging mga anak ng Diyos. Lumalago tayo sa ating ugnayan sa Kanya habang patuloy nating tinatanggap ang Kanyang salita. Ayon sa Mga Taga-Roma 8:16–17, sino tayo para sa Diyos? 𝗔𝗣𝗣𝗟𝗜𝗖𝗔𝗧𝗜𝗢𝗡 • Ang bawat araw ay isang pagkakataon upang magkaroon ng mas malalim na ugnayan kay Jesus. Ano ang isang bagay na maaari mong ibahin simula sa araw na ito upang mas makilala mo Siya? • May mga pagkakataon ba sa buhay mo na hindi mo naintindihan ang Diyos o kaya ay naramdaman mo na malayo Siya sa iyo? Hilingin sa Diyos na mas ipakita sa iyo kung sino Siya at ipaalala sa iyo na lagi mo Siyang kasama. • Isipin ang isang tao na malapit sa iyo na wala pang personal na ugnayan kay Jesus. Paano ka magiging isang buhay na patotoo ng salita sa taong ito at paano mo siya maaakay palapit kay Jesus? 𝗣𝗥𝗔𝗬𝗘𝗥 • Pasalamatan ang Diyos sa pagpapadala kay Jesus bilang tao upang maging katuparan ng Kanyang salita. Pasalamatan Siya dahil maaari natin Siyang makilala at maaari tayong mapalapit sa Kanya. • Ipanalangin na magkaroon ka ng mas malalim na pagkaunawa sa kung sino ang Diyos at kung sino ka sa paningin Niya. Ipanalangin na magbalik ang pagnanais mo na basahin at isapamuhay ang Kanyang salita. • Hingin sa Diyos ang karunungan at katapangan upang maibahagi ang Kanyang salita sa mga taong makikilala mo. Hingin sa Kanya ang kalakasan upang maipahayag sa iyong komunidad ang Kanyang kabutihan at pagmamahal.

Ang Salita ay Nagbibigay Buhay

𝗪𝗔𝗥𝗠-𝗨𝗣 • Ano ang pinakamagandang nangyari sa iyo kamakailan lang? • Kung maaari kang mabuhay sa pamamagitan lamang ng limang bagay at magagawa mong piliin kung ano ang limang ito, anu-ano ang mga pipiliin mo at bakit? • Pangalanan ang bansang gusto mong puntahan o kaya ay magbigay ng larawan ng pinapangarap mong bahay. 𝗪𝗢𝗥𝗗 “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘵𝘰𝘵𝘰𝘰, 𝘢𝘯𝘨 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘢𝘬𝘪𝘯𝘨 𝘮𝘨𝘢 𝘴𝘢𝘭𝘪𝘵𝘢 𝘢𝘵 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘯𝘢𝘨𝘴𝘶𝘨𝘰 𝘴𝘢 𝘢𝘬𝘪𝘯 𝘢𝘺 𝘮𝘢𝘺 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯.” 𝗝𝗨𝗔𝗡 𝟱:𝟮𝟰 (Basahin din ang 𝗝𝗨𝗔𝗡 𝟱:𝟮𝟭–𝟮𝟯, 𝟮𝟱–𝟮𝟵.) Maaaring araw-araw nating naiisip ang uri ng buhay na nais natin para sa ating sarili. Pinalilibutan natin ang ating sarili ng mga taong mapagkakatiwalaan natin at kumukuha tayo ng mga bagay na magpapa-unlad ng kalidad ng ating buhay. Bagama’t mabuti naman ang mga ito, may isang mas malalim na pangangailangan na dapat mapunan. Lahat tayo ay naghahanap ng buhay na may kahulugan at layunin. Hindi ito maibibigay ng mundong ginagalawan natin. Ang magandang balita ay hindi natin kailangang tumingin pa sa mas malayo upang maranasan ang ganap na buhay. Sa araw na ito, titingnan natin ang uri ng buhay na inaanyayahan tayo ni Jesus na tanggapin habang nabubuhay tayo ayon sa Kanyang salita. 𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝗻𝗮𝗴𝗯𝗶𝗯𝗶𝗴𝗮𝘆 𝗻𝗴 𝗯𝘂𝗵𝗮𝘆. “𝘒𝘶𝘯𝘨 𝘱𝘢𝘢𝘯𝘰𝘯𝘨 𝘪𝘣𝘪𝘯𝘢𝘣𝘢𝘯𝘨𝘰𝘯 𝘯𝘨 𝘈𝘮𝘢 𝘢𝘯𝘨 𝘮𝘨𝘢 𝘱𝘢𝘵𝘢𝘺 𝘢𝘵 𝘣𝘪𝘯𝘪𝘣𝘪𝘨𝘺𝘢𝘯𝘨-𝘣𝘶𝘩𝘢𝘺 𝘢𝘯𝘨 𝘮𝘨𝘢 𝘪𝘵𝘰, 𝘨𝘢𝘯𝘰𝘰𝘯 𝘥𝘪𝘯 𝘯𝘢𝘮𝘢𝘯, 𝘣𝘪𝘯𝘪𝘣𝘪𝘨𝘺𝘢𝘯𝘨-𝘣𝘶𝘩𝘢𝘺 𝘯𝘨 𝘈𝘯𝘢𝘬 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘨𝘶𝘴𝘵𝘰 𝘯𝘪𝘺𝘢𝘯𝘨 𝘣𝘪𝘨𝘺𝘢𝘯 𝘯𝘪𝘵𝘰.” 𝗝𝗨𝗔𝗡 𝟱:𝟮𝟭 Ang Diyos ang pinagmumulan ng lahat ng buhay. Ibinigay Niya sa Kanyang Anak na si Jesus ang kapangyarihan na magbigay ng hatol, bumuhay ng mga patay, at magbigay ng buhay sa mga naniniwala sa Anak. Tulad ng pangangailangan nating panatilihing malakas ang ating pangangatawan araw-araw, kailangan natin si Jesus para mapanatili ang ating mga buhay. Sa tuwing nararamdaman natin na tayo ay walang gana o kaya ay naliligaw, maaari tayong tumingin kay Jesus bilang ating tagapagbigay ng buhay at tagapagpalakas ng espiritu. Ano ang sinasabi ni Jesus sa Juan 10:28–30 tungkol sa buhay na walang hanggan? 𝟮. 𝗔𝗻𝗴 𝗺𝗴𝗮 𝗻𝗮𝗻𝗶𝗻𝗶𝘄𝗮𝗹𝗮 𝗸𝗮𝘆 𝗝𝗲𝘀𝘂𝘀 𝗮𝘆 𝗺𝗮𝗸𝗮𝗸𝗮𝘁𝗮𝗻𝗴𝗴𝗮𝗽 𝗻𝗴 𝗯𝘂𝗵𝗮𝘆 𝗻𝗮 𝘄𝗮𝗹𝗮𝗻𝗴 𝗵𝗮𝗻𝗴𝗴𝗮𝗻. “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘵𝘰𝘵𝘰𝘰, 𝘢𝘯𝘨 𝘴𝘶𝘮𝘶𝘴𝘶𝘯𝘰𝘥 𝘴𝘢 𝘢𝘬𝘪𝘯𝘨 𝘮𝘨𝘢 𝘴𝘢𝘭𝘪𝘵𝘢 𝘢𝘵 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘯𝘢𝘨𝘴𝘶𝘨𝘰 𝘴𝘢 𝘢𝘬𝘪𝘯 𝘢𝘺 𝘮𝘢𝘺 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. . . . 𝘏𝘶𝘸𝘢𝘨 𝘬𝘢𝘺𝘰𝘯𝘨 𝘮𝘢𝘨𝘵𝘢𝘬𝘢 𝘵𝘶𝘯𝘨𝘬𝘰𝘭 𝘥𝘪𝘵𝘰, 𝘥𝘢𝘩𝘪𝘭 𝘥𝘢𝘳𝘢𝘵𝘪𝘯𝘨 𝘢𝘯𝘨 𝘱𝘢𝘯𝘢𝘩𝘰𝘯 𝘯𝘢 𝘮𝘢𝘳𝘪𝘳𝘪𝘯𝘪𝘨 𝘯𝘨 𝘭𝘢𝘩𝘢𝘵 𝘯𝘨 𝘱𝘢𝘵𝘢𝘺 𝘢𝘯𝘨 𝘢𝘬𝘪𝘯𝘨 𝘴𝘢𝘭𝘪𝘵𝘢, 𝘢𝘵 𝘣𝘢𝘣𝘢𝘯𝘨𝘰𝘯 𝘴𝘪𝘭𝘢 𝘮𝘶𝘭𝘢 𝘴𝘢 𝘬𝘢𝘯𝘪𝘭𝘢𝘯𝘨 𝘭𝘪𝘣𝘪𝘯𝘨𝘢𝘯. 𝘈𝘯𝘨 𝘮𝘨𝘢 𝘨𝘶𝘮𝘢𝘸𝘢 𝘯𝘨 𝘮𝘢𝘣𝘶𝘵𝘪 𝘢𝘺 𝘣𝘪𝘣𝘪𝘨𝘺𝘢𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯, 𝘢𝘵 𝘢𝘯𝘨 𝘮𝘨𝘢 𝘨𝘶𝘮𝘢𝘸𝘢 𝘯𝘨 𝘮𝘢𝘴𝘢𝘮𝘢 𝘢𝘺 𝘱𝘢𝘳𝘶𝘳𝘶𝘴𝘢𝘩𝘢𝘯.” 𝗝𝗨𝗔𝗡 𝟱:𝟮𝟰, 𝟮𝟴–𝟮𝟵 Ang uri ng buhay na nais ibigay sa atin ni Jesus ay iba sa nais ibigay ng mundo. Ito ay buhay na walang hanggan kung saan mararanasan natin ang kabuuan ng Kanyang pagmamahal. Ibinibigay Niya ito sa atin hindi dahil sa mabubuting ginawa natin, kundi sa pamamagitan ng pagtanggap at paniniwala sa Kanya. Magagawa nating tumugon sa paanyayang ito, makaranas ng muling pagkabuhay, at mamuhay nang may layunin. Bilang mga mananampalataya, bakit natin magagawang tumingin sa hangganan ng ating mga buhay at sa hangganan ng mundo nang may pag-asa? 𝟯. 𝗔𝗻𝗴 𝗯𝘂𝗵𝗮𝘆 𝗻𝗮 𝘄𝗮𝗹𝗮𝗻𝗴 𝗵𝗮𝗻𝗴𝗴𝗮𝗻 𝗮𝘆 𝘁𝘂𝗺𝘂𝘁𝘂𝗸𝗼𝘆 𝘀𝗮 𝗸𝗮𝗯𝗶𝗹𝗮𝗻𝗴 𝗯𝘂𝗵𝗮𝘆 𝗮𝘁 𝘀𝗮 𝗯𝘂𝗵𝗮𝘆 𝗻𝗮𝘁𝗶𝗻 𝘀𝗮 𝗸𝗮𝘀𝗮𝗹𝘂𝗸𝘂𝘆𝗮𝗻. “𝘈𝘵 𝘪𝘵𝘰 𝘢𝘯𝘨 𝘬𝘢𝘩𝘶𝘭𝘶𝘨𝘢𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯: 𝘢𝘯𝘨 𝘮𝘢𝘬𝘪𝘭𝘢𝘭𝘢 𝘬𝘢 𝘯𝘨 𝘮𝘨𝘢 𝘵𝘢𝘰 𝘯𝘢 𝘪𝘬𝘢𝘸 𝘭𝘢𝘯𝘨 𝘢𝘯𝘨 𝘵𝘶𝘯𝘢𝘺 𝘯𝘢 𝘋𝘪𝘺𝘰𝘴, 𝘢𝘵 𝘮𝘢𝘬𝘪𝘭𝘢𝘭𝘢 𝘳𝘪𝘯 𝘯𝘪𝘭𝘢 𝘢𝘬𝘰 𝘯𝘢 𝘪𝘴𝘪𝘯𝘶𝘨𝘰 𝘮𝘰.” 𝗝𝗨𝗔𝗡 𝟭𝟳:𝟯 Ang buhay na walang hanggan na ibinibigay ni Jesus ay hindi nagsisimula sa pisikal nating kamatayan. Ang buhay na walang hanggan ay tumutukoy sa buhay na nais ng Diyos na maranasan natin sa Kanyang kaharian sa kasalukuyang panahon, at maging sa walang hanggan. Kung tayo ay mananampalataya kay Jesus, mararanasan natin ang buhay na walang hanggan simula ngayon. Hindi lamang natin malalaman ang tungkol kay Jesus. Iniimbitahan Niya tayo na sumunod at mamuhay sa piling Niya at magkaroon ng ugnayan sa Kanya. Kapag nararanasan natin kung sino Siya, magagawa nating isapamuhay ang buhay na tinawag Niya tayong isapamuhay—ang isang matagumpay na buhay Kristiyano. Sa palagay mo, bakit may mga taong naiuugnay lamang ang buhay na walang hanggan sa buhay pagkatapos ng pisikal na kamatayan? Paano nabago ang pananaw mo ng katotohanan na bahagi ng buhay na walang hanggan ang buhay natin sa kasalukuyan? 𝗔𝗣𝗣𝗟𝗜𝗖𝗔𝗧𝗜𝗢𝗡 • Ganap ka na bang nagtitiwala kay Jesus bilang iyong Panginoon at Tagapagligtas at buo na ba ang loob mo na sumunod sa Kanya? Kung hindi pa, nais mo bang manalangin tayo ngayon upang tanggapin mo ang buhay na walang hanggan na ibinibigay Niya sa iyo? • Ano ang ilang bahagi sa buhay mo na kailangan mong ibalik sa kaayusan? Ano ang panalangin mo para sa bahaging ito ng buhay mo? • Isipin ang isang kapamilya mo na namumuhay nang palayo sa Diyos. Ano ang maaari mong gawin upang masabi sa kanya ang tungkol sa walang hanggang buhay na mayroon tayo kay Cristo? Hilingin sa isang kasama mo sa grupo na pakinggan ang nais mong ibahagi sa kapamilyang ito. 𝗣𝗥𝗔𝗬𝗘𝗥 • Pasalamatan ang Diyos sa walang hanggang buhay na mayroon tayo kay Jesus. Pasalamatan Siya na maaari nating maranasan ang buhay na ito ngayon. • Hingin sa Diyos ang mas malalim na pagkakilala sa Kanya habang patuloy mong binabasa ang Kanyang salita. Ipanalangin ang patuloy na paglago ng ugnayan mo sa Diyos sa bawat paglipas ng mga araw. • Pag-isipan kung paano mo magagawang makibahagi sa pagtatatag ng kaharian ng Diyos dito sa lupa at sa pagbabago ng komunidad at industriya na kinabibilangan mo.

Ang Salita na Pagkain ng Ating Espiritu

𝗪𝗔𝗥𝗠-𝗨𝗣 • Ano ang paborito mong pagkain? Bakit ka nasisiyahang kainin ito? • Ano ang isang pagkain na hindi mo magagawang kainin nang walang kanin o tinapay? • Magkuwento tungkol sa nakaugalian mo nang gawin sa araw-araw at sa bahaging pinakanagbibigay sa iyo ng kasiyahan o ginhawa. 𝗪𝗢𝗥𝗗 “𝘈𝘬𝘰 𝘢𝘯𝘨 𝘵𝘪𝘯𝘢𝘱𝘢𝘺 𝘯𝘢 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵. 𝘏𝘪𝘯𝘥𝘪 𝘪𝘵𝘰 𝘵𝘶𝘭𝘢𝘥 𝘯𝘨 ‘𝘮𝘢𝘯𝘯𝘢’ 𝘯𝘢 𝘬𝘪𝘯𝘢𝘪𝘯 𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘯𝘪𝘯𝘶𝘯𝘰, 𝘥𝘢𝘩𝘪𝘭 𝘯𝘢𝘮𝘢𝘵𝘢𝘺 𝘱𝘢 𝘳𝘪𝘯 𝘴𝘪𝘭𝘢 𝘬𝘢𝘩𝘪𝘵 𝘬𝘶𝘮𝘢𝘪𝘯 𝘴𝘪𝘭𝘢 𝘯𝘰𝘰𝘯. 𝘕𝘨𝘶𝘯𝘪𝘵 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘬𝘶𝘮𝘢𝘪𝘯 𝘯𝘨 𝘵𝘪𝘯𝘢𝘱𝘢𝘺 𝘯𝘢 𝘪𝘵𝘰 𝘢𝘺 𝘮𝘢𝘣𝘶𝘣𝘶𝘩𝘢𝘺 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟲:𝟱𝟴 (Basahin din ang 𝗝𝗨𝗔𝗡 𝟲:𝟱𝟳–𝟲𝟵.) Noong panahon ni Moises, nagbigay ang Diyos sa mga Israelita ng 𝘮𝘢𝘯𝘯𝘢, o pagkaing mala-tinapay na mula sa langit. Ang pagkaing ito ang araw-araw na bumuhay sa kanila sa disyerto. Pinupulot nila ang 𝘮𝘢𝘯𝘯𝘢 at niluluto nila ito para maging tinapay (Mga Bilang 11:7–8). Maaari silang kumuha ng kahit gaano kadami sa umaga, ngunit hindi nila ito maaaring itabi hanggang sa susunod na araw dahil nabubulok at bumabaho ito. Ang lahat ay may sapat na mana para sa bawat araw. Ito ay isang pagsasalarawan ng tinapay na ibinibigay ni Jesus. Ang pagkaing kinakain natin ay mula sa lupa at panandalian lamang, ngunit ang ibinibigay na tinapay ni Jesus ay mula sa langit at panghabambuhay. Sa araw na ito, titingnan natin kung paano tayo napapanatili ni Jesus sa kasalukuyan nating buhay at titingnan din natin ang paparating nating buhay. 𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝘁𝗶𝗻𝗮𝗽𝗮𝘆 𝗻𝗴 𝗯𝘂𝗵𝗮𝘆. “𝘈𝘬𝘰 𝘢𝘯𝘨 𝘵𝘪𝘯𝘢𝘱𝘢𝘺 𝘯𝘢 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵. 𝘏𝘪𝘯𝘥𝘪 𝘪𝘵𝘰 𝘵𝘶𝘭𝘢𝘥 𝘯𝘨 ‘𝘮𝘢𝘯𝘯𝘢’ 𝘯𝘢 𝘬𝘪𝘯𝘢𝘪𝘯 𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘯𝘪𝘯𝘶𝘯𝘰, 𝘥𝘢𝘩𝘪𝘭 𝘯𝘢𝘮𝘢𝘵𝘢𝘺 𝘱𝘢 𝘳𝘪𝘯 𝘴𝘪𝘭𝘢 𝘬𝘢𝘩𝘪𝘵 𝘬𝘶𝘮𝘢𝘪𝘯 𝘴𝘪𝘭𝘢 𝘯𝘰𝘰𝘯. 𝘕𝘨𝘶𝘯𝘪𝘵 𝘢𝘯𝘨 𝘴𝘪𝘯𝘶𝘮𝘢𝘯𝘨 𝘬𝘶𝘮𝘢𝘪𝘯 𝘯𝘨 𝘵𝘪𝘯𝘢𝘱𝘢𝘺 𝘯𝘢 𝘪𝘵𝘰 𝘢𝘺 𝘮𝘢𝘣𝘶𝘣𝘶𝘩𝘢𝘺 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗝𝗨𝗔𝗡 𝟲:𝟱𝟴 Ang pisikal na pagkaing kinakain natin ay nagbibigay kalakasan sa ating katawan, at dahil dito, nawawala ang ating gutom. Bahagi ito ng likas na daloy ng buhay at mahalaga ito upang tayo ay mabuhay. Subalit tulad ng pagkain na mula sa mundo at panandalian lamang, ang katawan natin ay may hangganan din. Ang mabuting balita ay si Jesus Mismo ang tinapay ng buhay na 𝘣𝘶𝘮𝘢𝘣𝘢 𝘮𝘶𝘭𝘢 𝘴𝘢 𝘭𝘢𝘯𝘨𝘪𝘵 𝘢𝘵 𝘯𝘢𝘨𝘣𝘪𝘣𝘪𝘨𝘢𝘺-𝘣𝘶𝘩𝘢𝘺 𝘴𝘢 𝘮𝘨𝘢 𝘵𝘢𝘰 𝘴𝘢 𝘮𝘶𝘯𝘥𝘰 (Juan 6:33). Siya ang tagapagbigay ng buhay na magpapanatili ng ating buhay hanggang sa walang hanggan at hindi panandalian lamang. Bagama’t mahalaga para sa atin ang magkaroon ng pisikal na kalakasan, ang ating espirituwal na kalakasan ang pinakamahalaga. Inihahandog sa atin ni Jesus ang tinapay na higit pa sa 𝘮𝘢𝘯𝘯𝘢 na natanggap ng mga Israelita. Paano ka pinalakas ng salita ng Diyos at paano nito binago ang paraan mo ng pamumuhay? 𝟮. 𝗡𝗮𝘁𝗮𝘁𝗮𝗻𝗴𝗴𝗮𝗽 𝗻𝗮𝘁𝗶𝗻 𝗮𝗻𝗴 𝘁𝗶𝗻𝗮𝗽𝗮𝘆 𝗻𝗴 𝗯𝘂𝗵𝗮𝘆 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗽𝗮𝗻𝗶𝗻𝗶𝘄𝗮𝗹𝗮 𝗸𝗮𝘆 𝗝𝗲𝘀𝘂𝘀. “𝘚𝘢𝘱𝘢𝘨𝘬𝘢𝘵 𝘬𝘢𝘭𝘰𝘰𝘣𝘢𝘯 𝘯𝘨 𝘢𝘬𝘪𝘯𝘨 𝘈𝘮𝘢 𝘯𝘢 𝘢𝘯𝘨 𝘭𝘢𝘩𝘢𝘵 𝘯𝘨 𝘬𝘶𝘮𝘪𝘬𝘪𝘭𝘢𝘭𝘢 𝘢𝘵 𝘴𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘈𝘯𝘢𝘬 𝘢𝘺 𝘮𝘢𝘨𝘬𝘢𝘳𝘰𝘰𝘯 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯, 𝘢𝘵 𝘣𝘶𝘣𝘶𝘩𝘢𝘺𝘪𝘯 𝘬𝘰 𝘴𝘪𝘭𝘢𝘯𝘨 𝘮𝘶𝘭𝘪 𝘴𝘢 𝘩𝘶𝘭𝘪𝘯𝘨 𝘢𝘳𝘢𝘸.” 𝗝𝗨𝗔𝗡 𝟲:𝟰𝟬 Ang pagtanggap ng tinapay ay pagtitiwala kay Jesus at sa Kanyang ginagawang pagtubos. Nangangahulugan din ito ng pagkakaroon ng ugnayan sa Kanya. Sa patuloy nating pagtanggap sa Kanyang salita na nagbibigay sa atin ng buhay, natututunan nating mas naisin ito at talikuran ang mga bagay na nakakasama sa ating mga espiritu. Ang kagustuhan ng Ama ay makaranas ang sinumang naniniwala kay Jesus ng buhay na ganap at walang hanggan. Paano mo natutunang manampalataya kay Jesu-Cristo. 𝟯. 𝗔𝗿𝗮𝘄-𝗮𝗿𝗮𝘄 𝗮𝘆 𝗽𝗶𝗻𝗮𝗴𝗽𝗮𝗽𝗮𝘀𝘆𝗮𝗵𝗮𝗻 𝗻𝗮𝘁𝗶𝗻𝗴 𝘁𝗮𝗻𝗴𝗴𝗮𝗽𝗶𝗻 𝗦𝗶𝘆𝗮. 𝘒𝘢𝘺𝘢 𝘵𝘪𝘯𝘢𝘯𝘰𝘯𝘨 𝘯𝘪 𝘑𝘦𝘴𝘶𝘴 𝘢𝘯𝘨 12 𝘢𝘱𝘰𝘴𝘵𝘰𝘭, “𝘒𝘢𝘺𝘰 𝘣𝘢, 𝘨𝘶𝘴𝘵𝘰 𝘳𝘪𝘯 𝘯𝘪𝘯𝘺𝘰𝘯𝘨 𝘶𝘮𝘢𝘭𝘪𝘴?” 𝘚𝘶𝘮𝘢𝘨𝘰𝘵 𝘴𝘪 𝘚𝘪𝘮𝘰𝘯 𝘗𝘦𝘥𝘳𝘰, “𝘗𝘢𝘯𝘨𝘪𝘯𝘰𝘰𝘯, 𝘬𝘢𝘯𝘪𝘯𝘰 𝘱𝘢 𝘱𝘰 𝘬𝘢𝘮𝘪 𝘱𝘶𝘱𝘶𝘯𝘵𝘢? 𝘒𝘢𝘺𝘰 𝘭𝘢𝘯𝘨 𝘢𝘯𝘨 𝘮𝘢𝘺 𝘮𝘦𝘯𝘴𝘢𝘩𝘦𝘯𝘨 𝘯𝘢𝘨𝘣𝘪𝘣𝘪𝘨𝘢𝘺 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯. 𝘚𝘶𝘮𝘢𝘴𝘢𝘮𝘱𝘢𝘭𝘢𝘵𝘢𝘺𝘢 𝘬𝘢𝘮𝘪 𝘴𝘢 𝘪𝘯𝘺𝘰 𝘢𝘵 𝘢𝘭𝘢𝘮 𝘯𝘢𝘮𝘪𝘯𝘨 𝘬𝘢𝘺𝘰 𝘢𝘯𝘨 𝘉𝘢𝘯𝘢𝘭 𝘯𝘢 𝘴𝘶𝘨𝘰 𝘯𝘨 𝘋𝘪𝘺𝘰𝘴.” 𝗝𝗨𝗔𝗡 𝟲:𝟲𝟳–𝟲𝟵 Nang magsalita si Jesus tungkol sa pagiging tinapay ng buhay, maraming tao ang hindi tumanggap sa Kanyang salita. Dahil ito ay isang mahirap na katuruan, tinalikuran nila Siya. Subalit nagpasya ang mga disipulo na manatili dahil kilala nila si Jesus at personal ang naging ugnayan nila sa Kanya. Tulad nito, pinagpapasyahan nating tumanggap ng Kanyang salita at makaranas ng buhay na ibinibigay Niya. Sa pamamagitan ng pakikipag-ugnayan sa Diyos, pagbabasa ng Kanyang salita, at pakikibahagi ng buhay natin sa iba pang mananampalataya, lumalago tayo sa pananampalataya at nagkakaroon ng mas maigting na kagustuhang sumunod sa Kanya. Ano ang mga nakaugalian o nakasanayan mong gawin na nakakatulong sa iyo upang maranasan mo ang presensya ng Diyos araw-araw? 𝗔𝗣𝗣𝗟𝗜𝗖𝗔𝗧𝗜𝗢𝗡 • Ano ang madalas mong inaasahan upang mabigyan mo ng kalakasan ang iyong sarili? Ano ang isang bagay na sisimulan mong ibahin simula ngayon upang sa halip ay makatanggap ka ng salita ng Diyos? • Ano ang ibig sabihin ng pagsunod kay Jesus araw-araw? Sa palagay mo, paano ka tutugon kung nakarinig ka ng mahirap na katuruan mula kay Jesus at tinanong ka Niya kung gusto mo na rin bang umalis? Maglaan ng oras ngayong linggo upang pag-isipan ang naging tugon ni Pedro sa katanungan ni Jesus. • Sinasadya mo bang maglaan ng oras upang makapiling ang Diyos araw-araw? Sa palagay mo, paano nito maaapektuhan ang iba pang bahagi ng buhay mo, kabilang na ang iyong ugnayan sa ibang tao? 𝗣𝗥𝗔𝗬𝗘𝗥 • Pasalamatan ang Diyos dahil Siya ang tunay na tinapay ng buhay na bumubuhay sa ating espiritu. Pasalamatan Siya dahil maaari nating matanggap ang Kanyang salita araw-araw. • Hingin sa Diyos na muling palakasin ang pagnanais mo na makatanggap ng Kanyang salita araw-araw. Hingin sa Kanya ang mas malalim na pagkaunawa ng Kanyang katangian at pamamaraan. • Ipanalangin ang isang tao na nahihirapang mamuhay para kay Cristo. Hilingin sa Diyos na gawin kang daluyan ng Kanyang pagmamahal para sa taong ito at magawa mong ituro sa kanya ang daan pabalik kay Cristo.

Ang Salita ang Nagpapalaya sa Atin

𝗪𝗔𝗥𝗠-𝗨𝗣 • Kapag gusto mong magpagaan ng pakiramdam o kaya ay magtanggal ng 𝘴𝘵𝘳𝘦𝘴𝘴, ano ang ginagawa mo? • Pangalanan ang isang taong pinagkakatiwalaan mo. Kailan mo nalamang mapagkakatiwalaan mo siya? Ano ang naramdaman mo dahil dito? • Naramdaman mo na ba na tila naipit ka sa isang sitwasyon at hindi ka na makalabas dito? Paano ito nangyari? 𝗪𝗢𝗥𝗗 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘑𝘶𝘥𝘪𝘰𝘯𝘨 𝘴𝘶𝘮𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢, “𝘒𝘶𝘯𝘨 𝘱𝘢𝘵𝘶𝘭𝘰𝘺 𝘬𝘢𝘺𝘰𝘯𝘨 𝘴𝘶𝘴𝘶𝘯𝘰𝘥 𝘴𝘢 𝘢𝘳𝘢𝘭 𝘬𝘰, 𝘵𝘰𝘵𝘰𝘰 𝘯𝘨𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘬𝘰 𝘬𝘢𝘺𝘰. 𝘔𝘢𝘭𝘢𝘭𝘢𝘮𝘢𝘯 𝘯𝘪𝘯𝘺𝘰 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘢𝘵 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯 𝘢𝘯𝘨 𝘮𝘢𝘨𝘱𝘢𝘱𝘢𝘭𝘢𝘺𝘢 𝘴𝘢 𝘪𝘯𝘺𝘰.” 𝗝𝗨𝗔𝗡 𝟴:𝟯𝟭–𝟯𝟮 Tinawag ni Jesus ang mga Judio upang magtiwala sa Kanya, dahil kung hindi nila ito gagawin, sila ay mamamatay sa kanilang kasalanan. Marami ang naniwala sa Kanya noong araw na iyon. Subalit kahit napalaya na sila mula sa pagkaalipin sa kasalanan sa pamamagitan ng paniniwala sa Kanya, alam ni Jesus na ang pamumuhay bilang mga malayang tao, at hindi mga alipin, ay magiging isang paglalakbay para sa kanila. Mangangailangan ito ng pananatili, paglago, at pagtitiwala sa Diyos. Sa araling ito, titingnan natin kung paano maisasapamuhay at mararanasan ng mga Kristiyano ang kalayaan bilang mga disipulo ni Jesus. 𝟭. 𝗔𝗻𝗴 𝗺𝗴𝗮 𝗱𝗶𝘀𝗶𝗽𝘂𝗹𝗼 𝗻𝗶 𝗝𝗲𝘀𝘂𝘀 𝗮𝘆 𝗻𝗮𝗻𝗮𝗻𝗮𝘁𝗶𝗹𝗶 𝘀𝗮 𝗞𝗮𝗻𝘆𝗮𝗻𝗴 𝘀𝗮𝗹𝗶𝘁𝗮. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘑𝘶𝘥𝘪𝘰𝘯𝘨 𝘴𝘶𝘮𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢, “𝘒𝘶𝘯𝘨 𝘱𝘢𝘵𝘶𝘭𝘰𝘺 𝘬𝘢𝘺𝘰𝘯𝘨 𝘴𝘶𝘴𝘶𝘯𝘰𝘥 𝘴𝘢 𝘢𝘳𝘢𝘭 𝘬𝘰, 𝘵𝘰𝘵𝘰𝘰 𝘯𝘨𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘬𝘰 𝘬𝘢𝘺𝘰.” 𝗝𝗨𝗔𝗡 𝟴:𝟯𝟭 Upang manatili sa salita ng Diyos, dapat muna nating malaman kung ano ang sinasabi nito, pagkatapos ay maniwala dito, at sa huli ay kumilos nang naaayon dito. Ang pananatili at pagsunod sa Kanyang Salita ay hindi mangyayari kung hindi muna tayo maniniwala at magtitiwala kay Jesus. Magbahagi ng isang panahon kung kailan kumilos ka nang may pananampalataya ayon sa salita ng Diyos, kahit pa hindi malinaw kung bakit mo ito dapat gawin. Ano ang nangyari? 𝟮. 𝗔𝗻𝗴 𝗺𝗴𝗮 𝗻𝗮𝗻𝗮𝗻𝗮𝘁𝗶𝗹𝗶 𝘀𝗮 𝘀𝗮𝗹𝗶𝘁𝗮 𝗮𝘆 𝗺𝗮𝗸𝗮𝗸𝗮𝗮𝗹𝗮𝗺 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻. 𝘚𝘪𝘯𝘢𝘣𝘪 𝘯𝘪 𝘑𝘦𝘴𝘶𝘴 𝘴𝘢 𝘮𝘨𝘢 𝘑𝘶𝘥𝘪𝘰𝘯𝘨 𝘴𝘶𝘮𝘢𝘮𝘱𝘢𝘭𝘢𝘵𝘢𝘺𝘢 𝘴𝘢 𝘬𝘢𝘯𝘺𝘢, “𝘒𝘶𝘯𝘨 𝘱𝘢𝘵𝘶𝘭𝘰𝘺 𝘬𝘢𝘺𝘰𝘯𝘨 𝘴𝘶𝘴𝘶𝘯𝘰𝘥 𝘴𝘢 𝘢𝘳𝘢𝘭 𝘬𝘰, 𝘵𝘰𝘵𝘰𝘰 𝘯𝘨𝘢𝘯𝘨 𝘮𝘨𝘢 𝘵𝘢𝘨𝘢𝘴𝘶𝘯𝘰𝘥 𝘬𝘰 𝘬𝘢𝘺𝘰. 𝘔𝘢𝘭𝘢𝘭𝘢𝘮𝘢𝘯 𝘯𝘪𝘯𝘺𝘰 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯 . . .” 𝗝𝗨𝗔𝗡 𝟴:𝟯𝟭–𝟯𝟮 Kapag naniwala at nagtiwala tayo kay Jesus, magagawa nating manatili sa Kanyang salita sa pamamagitan ng pananampalataya. May katiyakan tayo mula kay Jesus na kapag kumilos tayo nang may pananampalataya, malalaman natin ang katotohanan. Hindi tayo lilipad nang bulag o kaya ay kikilos nang walang pagkaunawa. May panahon bang kumilos ka ayon sa salita ng Diyos at dahil dito ay nabuksan ang iyong mga mata upang makita ang katotohanan ng iyong sitwasyon? Ibahagi ang naranasan mo. 𝟯. 𝗔𝗻𝗴 𝗺𝗴𝗮 𝗻𝗮𝗸𝗮𝗸𝗮𝗮𝗹𝗮𝗺 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻 𝗮𝘆 𝗺𝗮𝗸𝗮𝗸𝗮𝗿𝗮𝗻𝗮𝘀 𝗻𝗴 𝗸𝗮𝗹𝗮𝘆𝗮𝗮𝗻. “ . . . 𝘢𝘵 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯 𝘢𝘯𝘨 𝘮𝘢𝘨𝘱𝘢𝘱𝘢𝘭𝘢𝘺𝘢 𝘴𝘢 𝘪𝘯𝘺𝘰.” 𝗝𝗨𝗔𝗡 𝟴:𝟯𝟮 Bilang mga disipulo ni Jesus, paano natin mararanasan ang kalayaan? Kapag naniwala tayo sa Kanya at nanatili tayo sa Kanyang salita, tinitiyak sa atin ni Jesus na malalaman natin ang katotohanan. Sa pamamagitan ng katotohanang ito, mararanasan natin ang kalayaan. Bakit hindi posibleng magkaroon ng kalayaan nang hindi nalalaman ang katotohanan? Paano ka napalaya ng kaalaman mo sa katotohanan? 𝗔𝗣𝗣𝗟𝗜𝗖𝗔𝗧𝗜𝗢𝗡 • Humantong ka na ba sa puntong naniniwala at nagtitiwala ka kay Jesus bilang iyong Panginoon at Tagapagligtas? Gusto mo bang magtiwala sa Kanya ngayon? • Ano ang ibig sabihin para sa iyo ng pananatili sa salita ng Diyos? May bahagi ba sa buhay mo kung saan hindi ka pa namumuhay nang naaayon sa sinasabi ng Kanyang salita? Ano ang maaari mong baguhin ngayong linggo? • May mga kapamilya o kaibigan ka bang kailangang kausapin upang maibahagi mo sa kanila ang katotohanan at kalayaang mula sa Diyos? Paano mo masisimulan ang pag-uusap na ito ngayong linggo? 𝗣𝗥𝗔𝗬𝗘𝗥 • Pasalamatan ang Diyos para sa Kanyang Anak at salita. Pasalamatan Siya sa pagpapalaya sa atin mula sa pagiging alipin ng kasalanan. • Ipanalangin na patuloy kang mananatili sa Kanyang salita araw-araw. Ipanalangin na patuloy Niyang pananatilihin sa puso mo at ipapaalala sa iyo ang Kanyang salita. • Hingin sa Diyos ang mga pagkakataon upang maibahagi mo ang Kanyang katotohanan at kalayaan sa iyong mga kapamilya at kaibigan ngayong linggo. Ipanalangin na bigyan ka ng Diyos ng mga nararapat na salita upang masimulan ang pakikipag-usap sa kanila.

Ang Salita ay Namumunga

𝗪𝗔𝗥𝗠-𝗨𝗣 •Naranasan mo na bang mag-alaga ng isang halaman? Kumusta ang naging karanasan mo? • Kapag nakakaranas ka ng paghihirap o balakid sa iyong daan, paano ka tumutugon? Balikan ang isang pangyayaring magpapaliwanag nito. • Magkuwento ng isang pagkakataon na pakiramdam mo ay naligaw ka ng landas. Paano ka nakabalik sa tamang daan? 𝗪𝗢𝗥𝗗 “𝘔𝘢𝘯𝘢𝘵𝘪𝘭𝘪 𝘬𝘢𝘺𝘰 𝘴𝘢 𝘢𝘬𝘪𝘯 𝘢𝘵 𝘢𝘬𝘰ʼ𝘺 𝘮𝘢𝘯𝘢𝘯𝘢𝘵𝘪𝘭𝘪 𝘴𝘢 𝘪𝘯𝘺𝘰. 𝘏𝘪𝘯𝘥𝘪 𝘮𝘢𝘬𝘢𝘬𝘢𝘱𝘢𝘮𝘶𝘯𝘨𝘢 𝘢𝘯𝘨 𝘪𝘴𝘢𝘯𝘨 𝘴𝘢𝘯𝘨𝘢 𝘮𝘢𝘭𝘪𝘣𝘢𝘯𝘨 𝘯𝘢𝘬𝘢𝘬𝘢𝘣𝘪𝘵 𝘪𝘵𝘰 𝘴𝘢 𝘱𝘶𝘯𝘰. 𝘎𝘢𝘯𝘰𝘰𝘯 𝘥𝘪𝘯 𝘯𝘢𝘮𝘢𝘯, 𝘩𝘪𝘯𝘥𝘪 𝘬𝘢𝘺𝘰 𝘮𝘢𝘬𝘢𝘬𝘢𝘱𝘢𝘮𝘶𝘯𝘨𝘢 𝘬𝘶𝘯𝘨 𝘩𝘪𝘯𝘥𝘪 𝘬𝘢𝘺𝘰 𝘮𝘢𝘯𝘢𝘯𝘢𝘵𝘪𝘭𝘪 𝘴𝘢 𝘢𝘬𝘪𝘯. 𝘈𝘬𝘰 𝘢𝘯𝘨 𝘱𝘶𝘯𝘰 𝘯𝘨 𝘶𝘣𝘢𝘴, 𝘢𝘵 𝘬𝘢𝘺𝘰 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘴𝘢𝘯𝘨𝘢. 𝘈𝘯𝘨 𝘵𝘢𝘰𝘯𝘨 𝘯𝘢𝘯𝘢𝘯𝘢𝘵𝘪𝘭𝘪 𝘴𝘢 𝘢𝘬𝘪𝘯 𝘢𝘵 𝘢𝘬𝘰 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘺 𝘮𝘢𝘮𝘶𝘮𝘶𝘯𝘨𝘢 𝘯𝘢𝘯𝘨 𝘮𝘢𝘳𝘢𝘮𝘪. 𝘚𝘢𝘱𝘢𝘨𝘬𝘢𝘵 𝘸𝘢𝘭𝘢 𝘬𝘢𝘺𝘰𝘯𝘨 𝘮𝘢𝘨𝘢𝘨𝘢𝘸𝘢 𝘬𝘶𝘯𝘨 𝘩𝘪𝘸𝘢𝘭𝘢𝘺 𝘬𝘢𝘺𝘰 𝘴𝘢 𝘢𝘬𝘪𝘯.” 𝗝𝗨𝗔𝗡 𝟭𝟱:𝟰–𝟱 (Basahin din ang 𝗝𝗨𝗔𝗡 𝟭𝟱:𝟭–𝟭𝟭.) Inilarawan ni Jesus ang Kanyang sarili bilang ang tunay na puno ng ubas, at ang Diyos Ama bilang ang tagapag-alaga. Tungkulin ng tagapag-alaga na pangalagaan ang puno ng ubas upang ito ay lumago at mamunga. Sa paglalarawang ito, ang mga tagasunod ni Jesus ang mga sanga sa puno ng ubas. Pinangangalagaan ng Diyos Ama ang puno ng ubas at ipinapakita Niya ang Kanyang pagmamahal sa pamamagitan ng pag-aalaga sa mga nananatili kay Jesus. Sa araling ito, pag-aaralan natin ang mga katotohanang nabanggit. 𝟭. 𝗦𝗶 𝗝𝗲𝘀𝘂𝘀 𝗮𝗻𝗴 𝘁𝘂𝗻𝗮𝘆 𝗻𝗮 𝗽𝘂𝗻𝗼 𝗻𝗴 𝘂𝗯𝗮𝘀. “𝘈𝘬𝘰 𝘢𝘯𝘨 𝘵𝘶𝘯𝘢𝘺 𝘯𝘢 𝘱𝘶𝘯𝘰 𝘯𝘨 𝘶𝘣𝘢𝘴, 𝘢𝘵 𝘢𝘯𝘨 𝘢𝘬𝘪𝘯𝘨 𝘈𝘮𝘢 𝘢𝘯𝘨 𝘵𝘢𝘨𝘢𝘱𝘢𝘨-𝘢𝘭𝘢𝘨𝘢.” 𝗝𝗨𝗔𝗡 𝟭𝟱:𝟭 Ang mga sanga ay kumukuha ng sustansya mula sa puno ng ubas upang ang mga ito ay mabuhay at lumago. Sa pamamagitan ng pagtawag sa Kanyang sarili bilang ang tunay na puno ng ubas, tinukoy ni Jesus na Siya ang tanging mapagkukunan natin ng ating mga kinakailangan upang mabuhay at lumago. Naranasan mo na bang umasa sa isang huwad o pekeng pinagkukunan ng mga kailangan mo para mabuhay at lumago? Ano ang nangyari? Paano ka tumugon? 𝟮. 𝗡𝗮𝗺𝘂𝗺𝘂𝗻𝗴𝗮 𝘁𝗮𝘆𝗼 𝗸𝗮𝗽𝗮𝗴 𝘁𝗮𝘆𝗼 𝗮𝘆 𝗻𝗮𝗻𝗮𝗻𝗮𝘁𝗶𝗹𝗶 𝗸𝗮𝘆 𝗝𝗲𝘀𝘂𝘀. “𝘈𝘬𝘰 𝘢𝘯𝘨 𝘱𝘶𝘯𝘰 𝘯𝘨 𝘶𝘣𝘢𝘴, 𝘢𝘵 𝘬𝘢𝘺𝘰 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘴𝘢𝘯𝘨𝘢. 𝘈𝘯𝘨 𝘵𝘢𝘰𝘯𝘨 𝘯𝘢𝘯𝘢𝘯𝘢𝘵𝘪𝘭𝘪 𝘴𝘢 𝘢𝘬𝘪𝘯 𝘢𝘵 𝘢𝘬𝘰 𝘳𝘪𝘯 𝘴𝘢 𝘬𝘢𝘯𝘺𝘢 𝘢𝘺 𝘮𝘢𝘮𝘶𝘮𝘶𝘯𝘨𝘢 𝘯𝘢𝘯𝘨 𝘮𝘢𝘳𝘢𝘮𝘪. 𝘚𝘢𝘱𝘢𝘨𝘬𝘢𝘵 𝘸𝘢𝘭𝘢 𝘬𝘢𝘺𝘰𝘯𝘨 𝘮𝘢𝘨𝘢𝘨𝘢𝘸𝘢 𝘬𝘶𝘯𝘨 𝘩𝘪𝘸𝘢𝘭𝘢𝘺 𝘬𝘢𝘺𝘰 𝘴𝘢 𝘢𝘬𝘪𝘯.” 𝗝𝗨𝗔𝗡 𝟭𝟱:𝟱 Tayo ay nagkakaroon lamang ng bunga kapag tayo ay nananatili kay Jesus. Ang pananatili kay Jesus ay nangangahulugan ng paniniwala sa Kanya, pag-alam ng Kanyang salita, at patuloy na pagkilos nang ayon sa Kanyang salita. Ang pagiging mabunga ay resulta ng ating ugnayan kay Jesus. Kung mas pagtutuunan natin ng pansin ang pagkakaroon ng bunga kaysa sa pananatili kay Cristo, ano sa palagay mo ang mangyayari? Bakit? 𝟯. 𝗞𝗮𝗽𝗮𝗴 𝗻𝗮𝗻𝗮𝗻𝗮𝘁𝗶𝗹𝗶 𝘁𝗮𝘆𝗼 𝗸𝗮𝘆 𝗝𝗲𝘀𝘂𝘀, 𝗻𝗮𝗿𝗮𝗿𝗮𝗻𝗮𝘀𝗮𝗻 𝗻𝗮𝘁𝗶𝗻 𝗮𝗻𝗴 𝗹𝘂𝗯𝗼𝘀 𝗻𝗮 𝗸𝗮𝗴𝗮𝗹𝗮𝗸𝗮𝗻. “𝘔𝘢𝘩𝘢𝘭 𝘬𝘰 𝘬𝘢𝘺𝘰 𝘨𝘢𝘺𝘢 𝘯𝘨 𝘱𝘢𝘨𝘮𝘢𝘮𝘢𝘩𝘢𝘭 𝘴𝘢 𝘢𝘬𝘪𝘯 𝘯𝘨 𝘈𝘮𝘢. 𝘔𝘢𝘯𝘢𝘵𝘪𝘭𝘪 𝘬𝘢𝘺𝘰 𝘴𝘢 𝘢𝘬𝘪𝘯𝘨 𝘱𝘢𝘨-𝘪𝘣𝘪𝘨. 𝘒𝘶𝘯𝘨 𝘴𝘪𝘯𝘶𝘴𝘶𝘯𝘰𝘥 𝘯𝘪𝘯𝘺𝘰 𝘢𝘯𝘨 𝘮𝘨𝘢 𝘶𝘵𝘰𝘴 𝘬𝘰, 𝘮𝘢𝘯𝘢𝘯𝘢𝘵𝘪𝘭𝘪 𝘢𝘯𝘨 𝘱𝘢𝘨-𝘪𝘣𝘪𝘨 𝘬𝘰 𝘴𝘢 𝘪𝘯𝘺𝘰. 𝘒𝘢𝘵𝘶𝘭𝘢𝘥 𝘬𝘰, 𝘴𝘪𝘯𝘶𝘴𝘶𝘯𝘰𝘥 𝘬𝘰 𝘢𝘯𝘨 𝘶𝘵𝘰𝘴 𝘯𝘨 𝘢𝘬𝘪𝘯𝘨 𝘈𝘮𝘢, 𝘬𝘢𝘺𝘢 𝘯𝘢𝘯𝘢𝘯𝘢𝘵𝘪𝘭𝘪 𝘢𝘯𝘨 𝘬𝘢𝘯𝘺𝘢𝘯𝘨 𝘱𝘢𝘨-𝘪𝘣𝘪𝘨 𝘴𝘢 𝘢𝘬𝘪𝘯. 𝘚𝘪𝘯𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘣𝘢𝘨𝘢𝘺 𝘯𝘢 𝘪𝘵𝘰 𝘱𝘢𝘳𝘢 𝘮𝘢𝘨𝘢𝘭𝘢𝘬 𝘬𝘢𝘺𝘰 𝘬𝘢𝘵𝘶𝘭𝘢𝘥 𝘬𝘰 𝘢𝘵 𝘮𝘢𝘭𝘶𝘣𝘰𝘴 𝘥𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘬𝘢𝘨𝘢𝘭𝘢𝘬𝘢𝘯.” 𝗝𝗨𝗔𝗡 𝟭𝟱:𝟵–𝟭𝟭 Sinasabi ni Jesus na mahal Niya tayo gaya ng pagmamahal ng ating Diyos Ama sa Kanya. Pinangangalagaan Niya tayo at nais Niyang maranasan natin ang lubos na kagalakan sa Kanya. Kung tayo ay nananatili kay Jesus, tayo ay nagiging mabunga, nakakapagbigay ng karangalan sa Diyos, at nakakaranas ng Kanyang lubos na kagalakan sa ating mga buhay. Ano sa palagay mo ang ibig sabihin ng pagkakaroon ng Kanyang lubos na kagalakan sa buhay mo? Para sa iyo, paano ito nakikita? 𝗔𝗣𝗣𝗟𝗜𝗖𝗔𝗧𝗜𝗢𝗡 • Ano ang naging karanasan mo tungkol sa pagiging tunay na puno ng ubas ni Jesus (Juan 15:1)? Paano lalago ang ugnayan mo sa Kanya araw-araw? • Kapag ikaw ay patuloy na mananatili kay Jesus, ano ang mga bunga na makikita mo sa buhay mo? Paano mo magagamit ang kaalamang ito upang patuloy na manatili sa Kanya? • Ang pananatili kay Jesus ay nagbubunga ng pamumunga at pagbibigay ng karangalan sa Diyos. Paano mo maibabahagi ang katotohanang ito sa iyong mga kaibigan at kapamilya ngayong linggo? 𝗣𝗥𝗔𝗬𝗘𝗥 • Pasalamatan ang Diyos sa pangangalaga Niya sa atin bilang tagapag-alaga ng ubasan, at sa pagmamahal na ibinubuhos Niya sa Kanyang Anak na si Jesus, at sa ating buhay. • Ipanalangin na patuloy kang mananatili kay Jesus. Hingin sa Kanya na palakasin ka sa pananalangin at pananatili sa Kanyang salita. • Sa patuloy mong pananalangin kay Jesus, hingin sa Diyos na magkaroon ka ng mas marami pang pagkakataon upang maibahagi mo ngayong linggo ang Kanyang kaligayahan sa iyong pamilya at mga kaibigan.

Ang Salita ang Nag-iingat sa Atin Laban sa Kasamaan

𝗪𝗔𝗥𝗠-𝗨𝗣 • Anong regalo ang labis mong ipinagpapasalamat na natanggap mo? Bakit labis itong mahalaga para sa iyo? • Kapag nakakaranas ka ng isang pagsubok, sino ang taong naiisip mong tawagan? Bakit siya ang pinipili mong tawagan? • Magbahagi tungkol sa panahong may pinagdaraanan kang isang mahirap na sitwasyon at may taong nanatili sa tabi mo. Ano ang nangyari? 𝗪𝗢𝗥𝗗 “𝘚𝘢𝘱𝘢𝘨𝘬𝘢𝘵 𝘪𝘵𝘪𝘯𝘶𝘳𝘰 𝘬𝘰 𝘴𝘢 𝘬𝘢𝘯𝘪𝘭𝘢 𝘢𝘯𝘨 𝘮𝘨𝘢 𝘪𝘵𝘪𝘯𝘶𝘳𝘰 𝘮𝘰 𝘴𝘢 𝘢𝘬𝘪𝘯, 𝘢𝘵 𝘵𝘪𝘯𝘢𝘯𝘨𝘨𝘢𝘱 𝘯𝘢𝘮𝘢𝘯 𝘯𝘪𝘭𝘢. 𝘚𝘪𝘨𝘶𝘳𝘢𝘥𝘰 𝘴𝘪𝘭𝘢𝘯𝘨 𝘯𝘢𝘨𝘮𝘶𝘭𝘢 𝘢𝘬𝘰 𝘴𝘢 𝘪𝘺𝘰, 𝘢𝘵 𝘯𝘢𝘯𝘪𝘯𝘪𝘸𝘢𝘭𝘢 𝘴𝘪𝘭𝘢𝘯𝘨 𝘪𝘴𝘪𝘯𝘶𝘨𝘰 𝘮𝘰 𝘢𝘬𝘰. 𝘐𝘥𝘪𝘯𝘢𝘥𝘢𝘭𝘢𝘯𝘨𝘪𝘯 𝘬𝘰 𝘴𝘪𝘭𝘢. 𝘏𝘪𝘯𝘥𝘪 𝘢𝘬𝘰 𝘯𝘢𝘯𝘢𝘯𝘢𝘭𝘢𝘯𝘨𝘪𝘯 𝘱𝘢𝘳𝘢 𝘴𝘢 𝘮𝘨𝘢 𝘵𝘢𝘰𝘯𝘨 𝘮𝘢𝘬𝘢𝘮𝘶𝘯𝘥𝘰 𝘬𝘶𝘯𝘥𝘪 𝘱𝘢𝘳𝘢 𝘴𝘢 𝘮𝘨𝘢 𝘵𝘢𝘰𝘯𝘨 𝘪𝘣𝘪𝘯𝘪𝘨𝘢𝘺 𝘮𝘰 𝘴𝘢 𝘢𝘬𝘪𝘯, 𝘥𝘢𝘩𝘪𝘭 𝘴𝘪𝘭𝘢 𝘢𝘺 𝘴𝘢 𝘪𝘺𝘰." 𝗝𝗨𝗔𝗡 𝟭𝟳:𝟴–𝟵 Makikita sa ika-17 kabanata ng aklat ni Juan ang panalangin ni Jesus para sa Kanyang mga disipulo bago Siya arestuhin at ipako sa krus. Dahil alam Niya na malapit nang magtapos ang pananatili Niya sa piling ng mga tao sa lupa, ipinanalangin ni Jesus ang Kanyang mga disipulo at ipinadala Niya sila sa mundo. Si Jesus, ang ating Panginoon at Tagapagligtas, ay nananalangin para sa ating mga disipulo Niya, upang mailayo tayo sa kaaway at maging banal habang isinasagawa natin ang Kanyang misyon para sa atin. Tingnan natin ang panalanging ito ngayon. 𝟭. 𝗜𝗽𝗶𝗻𝗮𝗻𝗮𝗹𝗮𝗻𝗴𝗶𝗻 𝗻𝗶 𝗝𝗲𝘀𝘂𝘀 𝗻𝗮 𝗺𝗮𝗶𝗻𝗴𝗮𝘁𝗮𝗻 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗱𝗶𝘀𝗶𝗽𝘂𝗹𝗼 𝗹𝗮𝗯𝗮𝗻 𝘀𝗮 𝗸𝗮𝗮𝘄𝗮𝘆. “𝘏𝘪𝘯𝘥𝘪 𝘬𝘰 𝘪𝘥𝘪𝘯𝘢𝘥𝘢𝘭𝘢𝘯𝘨𝘪𝘯 𝘯𝘢 𝘬𝘶𝘯𝘪𝘯 𝘮𝘰 𝘯𝘢 𝘴𝘪𝘭𝘢 𝘴𝘢 𝘮𝘶𝘯𝘥𝘰, 𝘬𝘶𝘯𝘥𝘪 𝘪𝘯𝘨𝘢𝘵𝘢𝘯 𝘮𝘰 𝘴𝘪𝘭𝘢 𝘭𝘢𝘣𝘢𝘯 𝘬𝘢𝘺 𝘚𝘢𝘵𝘢𝘯𝘢𝘴. 𝘏𝘪𝘯𝘥𝘪 𝘴𝘪𝘭𝘢 𝘮𝘢𝘬𝘢𝘮𝘶𝘯𝘥𝘰, 𝘵𝘶𝘭𝘢𝘥 𝘬𝘰 𝘯𝘢 𝘩𝘪𝘯𝘥𝘪 𝘮𝘢𝘬𝘢𝘮𝘶𝘯𝘥𝘰." 𝗝𝗨𝗔𝗡 𝟭𝟳:𝟭𝟱–𝟭𝟲 Bilang mga disipulo ni Jesus, mararanasan natin ang paghihirap, pag-uusig, at maging ang kamatayan ng ating pisikal na pangangatawan habang tayo ay nabubuhay dito sa lupa. Subalit ipinapanalangin ni Jesus na mapangalagaan ng Diyos ang ating mga puso at isipan sa pamamagitan ng Kanyang pagmamahal at presensya sa bawat sitwasyong nararanasan natin. Ano ang mga pagsubok na naranasan ni apostol Pablo at ng iba pang mga mananampalataya sa 2 Corinto 1:8–10? Paano nila napagtagumpayan ang paghihirap na ito? 𝟮. 𝗜𝗽𝗶𝗻𝗮𝗻𝗮𝗹𝗮𝗻𝗴𝗶𝗻 𝗻𝗶 𝗝𝗲𝘀𝘂𝘀 𝗻𝗮 𝗺𝗮𝗶𝗯𝘂𝗸𝗼𝗱 𝗮𝗻𝗴 𝗞𝗮𝗻𝘆𝗮𝗻𝗴 𝗺𝗴𝗮 𝗱𝗶𝘀𝗶𝗽𝘂𝗹𝗼 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝘀𝗮𝗹𝗶𝘁𝗮. "𝘐𝘣𝘶𝘬𝘰𝘥 𝘮𝘰 𝘴𝘪𝘭𝘢 𝘶𝘱𝘢𝘯𝘨 𝘮𝘢𝘨𝘪𝘯𝘨 𝘪𝘺𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯; 𝘢𝘯𝘨 𝘴𝘢𝘭𝘪𝘵𝘢 𝘮𝘰 𝘢𝘺 𝘬𝘢𝘵𝘰𝘵𝘰𝘩𝘢𝘯𝘢𝘯." 𝗝𝗨𝗔𝗡 𝟭𝟳:𝟭𝟳 Ang ikalawang bahagi ng panalangin ni Jesus ay ang pagpapabanal o pagbubukod sa atin sa pamamagitan ng salita ng Diyos. Sa patuloy nating pananatili sa Kanyang salita, patuloy nating mararanasan ang kaligtasan laban sa kapangyarihan ng kasalanan. Sa pamamagitan ng kapangyarihan ng salita ng Diyos na bumabago at nagpapabanal sa atin, tayo ay nagiging mas katulad ni Jesus araw-araw. Sa palagay mo, bakit ito ang isa sa mga huling panalangin ni Jesus bago Siya arestuhin (Juan 18)? Matapos Niyang ipanalangin na mailayo sa kaaway ang Kanyang mga disipulo at maibukod sa mundo sa pamamagitan ng salita, sinabi ni Jesus sa Ama na: “𝘐𝘴𝘪𝘯𝘶𝘨𝘰 𝘮𝘰 𝘢𝘬𝘰 𝘳𝘪𝘵𝘰 𝘴𝘢 𝘮𝘶𝘯𝘥𝘰, 𝘬𝘢𝘺𝘢 𝘪𝘴𝘪𝘯𝘶𝘴𝘶𝘨𝘰 𝘬𝘰 𝘳𝘪𝘯 𝘴𝘪𝘭𝘢 𝘴𝘢 𝘮𝘶𝘯𝘥𝘰 𝘶𝘱𝘢𝘯𝘨 𝘮𝘢𝘯𝘨𝘢𝘳𝘢𝘭” (Juan 17:18). Hindi na ito isang panalangin; ito ay isa nang pagpapahayag ng katotohanan. Ang mga tagasunod ni Jesus ay dapat nang pumunta sa mundo at magpahayag ng Kanyang katotohanan saan man sila pumunta. Bagama’t mahirap ito gawin, mayroong katiyakan na dala nila ang proteksyon at kapangyarihang mula sa Diyos, gaya ng ipinahayag ng panalangin ni Jesus para sa atin. Ibinibigay ng Diyos ang lahat ng kailangan natin upang sundin at maipahayag Siya sa mundo. 𝗔𝗣𝗣𝗟𝗜𝗖𝗔𝗧𝗜𝗢𝗡 • Sa palagay mo, ano ang nararamdaman ni Jesus habang nakatingin Siya sa Kanyang mga disipulo at nananalangin para sa kanila? Ano ang tugon mo sa Kanyang panalangin? • Ang kahulugan ng pagiging katulad ni Cristo ay isang lumalago at lumalalim na ugnayan sa Diyos. Ano ang isang bagay na maaari mong gawin ngayon upang patuloy na lumalim ang pagkakaunawa mo sa Kanyang salita? • Bagama’t hindi na tayo bahagi ng mundo, tayo ay naririto pa rin sa mundo at si Jesus ang nagpadala sa atin dito. Ano ang ibig sabihin nito para sa iyo? 𝗣𝗥𝗔𝗬𝗘𝗥 • Pasalamatan ang Diyos para sa Kanyang Anak na si Jesus, na Siyang nananalangin para sa atin at humihiling ng ating kalayaan at kabanalan sa Ama habang nananatili tayo sa katotohanan. Pasalamatan Siya sa Kanyang dakila at walang hanggang pagmamahal sa atin. • Ipanalangin na patuloy mong mararanasan ang katotohanan habang patuloy kang nananatili sa salita ng Diyos at nagsasagawa ng Kanyang misyon. Ipanalangin na lalo pang lumalim ang ugnayan mo sa Diyos. • Hingin sa Diyos ang Kanyang proteksyon at kalayaan habang patuloy mong isinasagawa ang Kanyang misyon sa iyong buhay. Ipanalangin na maranasan mo ang Kanyang presensya sa mas malalim na paraan araw-araw at maipahayag mo sa iba kung sino Siya.