Victory Groups

Filipino

Kaginhawahan

𝗪𝗔𝗥𝗠-𝗨𝗣 • Mahilig ka ba sa kalikasan? Ano ang pinakanagugustuhan mo tungkol dito? • Ano ang itinuturing mo na comfort food? Bakit gustong-gusto mo ang pagkaing ito? • Kaninong boses o mga salita ang pinakanagbibigay sa iyo ng kaginhawahan? Balikan ang isang pangyayari na nagpapaliwanag nito. 𝗪𝗢𝗥𝗗 𝘚𝘪𝘯𝘢𝘣𝘪 𝘯𝘨 𝘋𝘪𝘺𝘰𝘴, “𝘗𝘢𝘭𝘢𝘬𝘢𝘴𝘪𝘯 𝘢𝘵 𝘱𝘢𝘨𝘢𝘢𝘯𝘪𝘯 𝘯𝘪𝘯𝘺𝘰 𝘢𝘯𝘨 𝘭𝘰𝘰𝘣 𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘔𝘢𝘨𝘴𝘢𝘭𝘪𝘵𝘢 𝘬𝘢𝘺𝘰 𝘯𝘢𝘯𝘨 𝘮𝘢𝘩𝘪𝘯𝘢𝘩𝘰𝘯 𝘴𝘢 𝘮𝘨𝘢 𝘵𝘢𝘨𝘢-𝘑𝘦𝘳𝘶𝘴𝘢𝘭𝘦𝘮. 𝘚𝘢𝘣𝘪𝘩𝘪𝘯 𝘯𝘪𝘯𝘺𝘰 𝘴𝘢 𝘬𝘢𝘯𝘪𝘭𝘢 𝘯𝘢 𝘵𝘢𝘱𝘰𝘴 𝘯𝘢 𝘢𝘯𝘨 𝘱𝘢𝘨𝘩𝘪𝘩𝘪𝘳𝘢𝘱 𝘯𝘪𝘭𝘢, 𝘢𝘵 𝘱𝘪𝘯𝘢𝘵𝘢𝘸𝘢𝘥 𝘯𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯. 𝘚𝘢𝘱𝘢𝘨𝘬𝘢𝘵 𝘱𝘪𝘯𝘢𝘳𝘶𝘴𝘢𝘩𝘢𝘯 𝘬𝘰 𝘴𝘪𝘭𝘢 𝘯𝘢𝘯𝘨 𝘩𝘶𝘴𝘵𝘰 𝘴𝘢 𝘭𝘢𝘩𝘢𝘵 𝘯𝘨 𝘬𝘢𝘴𝘢𝘭𝘢𝘯𝘢𝘯 𝘯𝘪𝘭𝘢.” 𝘔𝘢𝘺 𝘵𝘢𝘨𝘢𝘱𝘢𝘨𝘣𝘢𝘭𝘪𝘵𝘢𝘯𝘨 𝘴𝘶𝘮𝘪𝘴𝘪𝘨𝘢𝘸 𝘯𝘢 𝘯𝘢𝘯𝘨𝘢𝘯𝘨𝘢𝘳𝘢𝘭 𝘴𝘢 𝘮𝘨𝘢 𝘵𝘢𝘰, “𝘐𝘩𝘢𝘯𝘥𝘢 𝘯𝘪𝘯𝘺𝘰 𝘢𝘯𝘨 𝘥𝘢𝘢𝘯 𝘴𝘢 𝘪𝘭𝘢𝘯𝘨 𝘱𝘢𝘳𝘢 𝘴𝘢 𝘗𝘈𝘕𝘎𝘐𝘕𝘖𝘖𝘕. 𝘎𝘢𝘸𝘪𝘯 𝘯𝘪𝘯𝘺𝘰𝘯𝘨 𝘮𝘢𝘵𝘶𝘸𝘪𝘥 𝘢𝘯𝘨 𝘥𝘢𝘢𝘯 𝘯𝘢 𝘥𝘢𝘥𝘢𝘢𝘯𝘢𝘯 𝘯𝘨 𝘢𝘵𝘪𝘯𝘨 𝘋𝘪𝘺𝘰𝘴.” 𝗜𝗦𝗔𝗜𝗔𝗦 𝟰𝟬:𝟭–𝟯 (Basahin din ang 𝗜𝗦𝗔𝗜𝗔𝗦 𝟰𝟬:𝟰–𝟭𝟭.) Bagama’t ang mga mamamayan ng Diyos ay may mahabang kasaysayan ng katigasan ng ulo at kawalan ng katapatan, ang Diyos ay may mahabang kasaysayan ng hindi nagbabago at tapat na pagmamahal. Kahit hindi nila ginawa kung ano ang tama, minahal pa rin sila ng Diyos. At sa kabila ng pagpapatapon at paghatol sa kanila, nagbigay pa rin ang Diyos ng ginhawa at pag-asa. Simula sa Isaias 40, ang pinagtuunan ng pansin ng aklat na ito ay bumaling tungo sa pag-asa, pagpapanumbalik, at tagumpay. Sa araling ito, titingnan natin kung paano nakapagbibigay sa atin ng ginhawa ang katangian at mga ginagawa ng Diyos. 𝟭. 𝗡𝗮𝗴𝘀𝗮𝗹𝗶𝘁𝗮 𝗮𝗻𝗴 𝗣𝗮𝗻𝗴𝗶𝗻𝗼𝗼𝗻. “𝘔𝘢𝘩𝘢𝘩𝘢𝘺𝘢𝘨 𝘢𝘯𝘨 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯𝘨 𝘱𝘳𝘦𝘴𝘦𝘯𝘴𝘺𝘢 𝘯𝘨 𝘗𝘈𝘕𝘎𝘐𝘕𝘖𝘖𝘕, 𝘢𝘵 𝘮𝘢𝘬𝘪𝘬𝘪𝘵𝘢 𝘪𝘵𝘰 𝘯𝘨 𝘭𝘢𝘩𝘢𝘵. 𝘔𝘢𝘯𝘨𝘺𝘢𝘺𝘢𝘳𝘪 𝘯𝘨𝘢 𝘪𝘵𝘰 𝘥𝘢𝘩𝘪𝘭 𝘴𝘪𝘯𝘢𝘣𝘪 𝘮𝘪𝘴𝘮𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕.” 𝗜𝗦𝗔𝗜𝗔𝗦 𝟰𝟬:𝟱 Para sa isang bata o taong nasa panganib, ang mapagmahal na tinig ng isang magulang o matatag na boses ng isang may awtoridad ay nakapagbibigay ng kaginhawahan, kapanatagan, at proteksyon. Bagama’t naiuugnay natin sa lakas ang tinig ng Diyos, maaari din Siyang mangusap nang tila pabulong (1 Hari 19:12). Paano man Siya mangusap, ang salita Niya ay maaasahan, tapat, at ganap. Sa pamamagitan ng sinabi ng propetang si Isaias na ang kadakilaan ng Panginoon ay makikita ng lahat, nabigyan ng Diyos ng ginhawa ang Kanyang mamamayan. Ang pahayag na ito ay tumutukoy kay Cristo. Sa pamamagitan Niya, naipakita ang pagkakatawang tao ng biyaya ng Diyos. Nakilala natin si Cristo sa pamamagitan ng salita ng Diyos, ang Bibliya. Paano ka tumutugon kapag nagsasalita ang taong pinagkakatiwalaan mo? Paano ka tumutugon kapag nangungusap ang Diyos, ang iyong Tagapaglikha at Ama sa langit? 𝟮. 𝗠𝗮𝗻𝗮𝗻𝗮𝘁𝗶𝗹𝗶 𝗺𝗮𝗴𝗽𝗮𝗸𝗮𝗶𝗹𝗮𝗻𝗺𝗮𝗻 𝗮𝗻𝗴 𝘀𝗮𝗹𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻. “𝘈𝘯𝘨 𝘥𝘢𝘮𝘰 𝘢𝘺 𝘯𝘢𝘭𝘢𝘭𝘢𝘯𝘵𝘢 𝘢𝘵 𝘢𝘯𝘨 𝘣𝘶𝘭𝘢𝘬𝘭𝘢𝘬 𝘯𝘪𝘵𝘰 𝘢𝘺 𝘯𝘢𝘭𝘢𝘭𝘢𝘨𝘭𝘢𝘨, 𝘱𝘦𝘳𝘰 𝘢𝘯𝘨 𝘴𝘢𝘭𝘪𝘵𝘢 𝘯𝘨 𝘢𝘵𝘪𝘯𝘨 𝘋𝘪𝘺𝘰𝘴 𝘢𝘺 𝘮𝘢𝘯𝘢𝘯𝘢𝘵𝘪𝘭𝘪 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.” 𝗜𝗦𝗔𝗜𝗔𝗦 𝟰𝟬:𝟴 Ang kalikasan at buhay ng tao, sa kabila ng kagandahan nito, ay maglalaho. Tanging ang salita ng Diyos ang mananatili magpakailanman. Ipinapakita sa atin ng Bibliya na ang Diyos ay matapat na tutupad sa lahat ng Kanyang ipinangako. Ang Kanyang salita ay walang hangganan at napapanahon. Totoo ito magpakailanman at totoo rin maging sa ating pang-araw-araw na sitwasyon. Ito ay nagbibigay ng ginhawa at pinagmumulan ng lakas at pag-asa. Magbahagi kung paano mo nakita na ang salita ng Diyos ay napapanahon sa pamamagitan ng isang sitwasyong pinagdaanan mo kamakailan lamang. 𝟯. 𝗠𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝗮𝘁 𝗺𝗮𝗵𝗶𝗻𝗮𝗵𝗼𝗻 𝗮𝗻𝗴 𝗣𝗮𝗻𝗴𝗶𝗻𝗼𝗼𝗻. 𝘋𝘶𝘮𝘢𝘳𝘢𝘵𝘪𝘯𝘨 𝘢𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘐𝘠𝘖𝘚 𝘯𝘢 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘵 𝘮𝘢𝘨𝘩𝘢𝘩𝘢𝘳𝘪 𝘴𝘪𝘺𝘢 𝘯𝘢 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘋𝘶𝘮𝘢𝘳𝘢𝘵𝘪𝘯𝘨 𝘴𝘪𝘺𝘢𝘯𝘨 𝘥𝘢𝘭𝘢 𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢 𝘱𝘢𝘳𝘢 𝘴𝘢 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘈𝘢𝘭𝘢𝘨𝘢𝘢𝘯 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 𝘨𝘢𝘺𝘢 𝘯𝘨 𝘱𝘢𝘴𝘵𝘰𝘭 𝘯𝘢 𝘯𝘢𝘨-𝘢𝘢𝘭𝘢𝘨𝘢 𝘯𝘨 𝘬𝘢𝘯𝘺𝘢𝘯𝘨 𝘮𝘨𝘢 𝘵𝘶𝘱𝘢. 𝘒𝘪𝘯𝘢𝘬𝘢𝘳𝘨𝘢 𝘯𝘪𝘺𝘢 𝘢𝘯𝘨 𝘮𝘢𝘭𝘪𝘭𝘪𝘪𝘵 𝘯𝘢 𝘵𝘶𝘱𝘢 𝘢𝘵 𝘮𝘢𝘪𝘯𝘨𝘢𝘵 𝘯𝘪𝘺𝘢𝘯𝘨 𝘱𝘪𝘯𝘢𝘱𝘢𝘵𝘯𝘶𝘣𝘢𝘺𝘢𝘯 𝘢𝘯𝘨 𝘮𝘨𝘢 𝘪𝘯𝘢𝘩𝘪𝘯𝘨 𝘵𝘶𝘱𝘢. 𝗜𝗦𝗔𝗜𝗔𝗦 𝟰𝟬:𝟭𝟬–𝟭𝟭 Ang bawat isa sa atin ay minamahal ng Diyos at ipinapahayag Niya ang Kanyang pagmamahal bilang tugon sa ating partikular na kabiguan at mga pasanin. Bagama’t pinahihintulutan Niya ang ilan sa atin na malayang manahan sa Kanyang presensya tulad ng tupa sa isang pastulan, hinahanap din Niya ang mga nasasaktan at nangangailangan ng katiyakan. Tinitipon Niya tayo sa Kanyang mga bisig at kinakarga sa Kanyang dibdib. Ito ay isang magandang pagsasalarawan ng kapangyarihan ng Diyos na pamunuan ang Kanyang mga mamamayan at ng Kanyang kahinahunan sa pangangalaga sa mga dumaranas ng kabiguan. Paano nakapagbibigay ng kapanatagan ang kalakasan at kabaitan ng Diyos sa Kanyang mamamayan? Sa palagay mo, bakit Niya sinabing, 𝘗𝘢𝘭𝘢𝘬𝘢𝘴𝘪𝘯 𝘢𝘵 𝘱𝘢𝘨𝘢𝘢𝘯𝘪𝘯 𝘯𝘪𝘯𝘺𝘰 𝘢𝘯𝘨 𝘭𝘰𝘰𝘣 𝘯𝘨 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯 (Isaias 40:1)? Sa Bagong Tipan, ang ministeryo ni Juan na tagapagbautismo ay katugunan ng propesiyang ito: "𝘐𝘩𝘢𝘯𝘥𝘢 𝘯𝘪𝘯𝘺𝘰 𝘢𝘯𝘨 𝘥𝘢𝘢𝘯 𝘴𝘢 𝘪𝘭𝘢𝘯𝘨 𝘱𝘢𝘳𝘢 𝘴𝘢 𝘗𝘈𝘕𝘎𝘐𝘕𝘖𝘖𝘕. 𝘎𝘢𝘸𝘪𝘯 𝘯𝘪𝘯𝘺𝘰𝘯𝘨 𝘮𝘢𝘵𝘶𝘸𝘪𝘥 𝘢𝘯𝘨 𝘥𝘢𝘢𝘯 𝘯𝘢 𝘥𝘢𝘥𝘢𝘢𝘯𝘢𝘯 𝘯𝘨 𝘢𝘵𝘪𝘯𝘨 𝘋𝘪𝘺𝘰𝘴" (Isaias 40:3). Tinutukoy Niya si Jesu-Cristo, ang Panginoon at Tagapagligtas, ang pagkakatawang tao ng kadakilaan ng Diyos, at ang pagpapahayag ng pagmamahal, habag, at biyaya ng Diyos. 𝗔𝗣𝗣𝗟𝗜𝗖𝗔𝗧𝗜𝗢𝗡 • Sa anong bahagi ng iyong buhay ka nangangailangan ng pag-asa at kaginhawahan? Aling bahagi ng aralin ngayon ang humikayat sa iyo na magtiwala sa Diyos? • Naniniwala ka ba na ang salita ng Diyos ay nananatili magpakailanman? Paano ka mas lalalim sa pag-aaral ng Kanyang salita ngayong linggo? • Isipin ang isang tao o pamilya na kailangang makaranas ng kapangyarihan at kahinahunan ng Diyos ngayong panahong ito. Paano mo magagawang magbigay ng pagpapala at lakas ng loob sa kanila? 𝗣𝗥𝗔𝗬𝗘𝗥 • Pasalamatan ang Diyos sa pakikipag-usap Niya sa atin at sa Kanyang pagiging tunay at maaasahan. Ipanalangin na araw-araw kang magtitiwala at makakaranas ng kaginhawahan sa Kanya. • Ibigay mo ngayon sa Diyos ang iyong sitwasyon at mga pangangailangan. Hingin sa Diyos ang Kanyang probisyon at ang katuparan ng Kanyang mga pangako sa iyo at sa pamilya mo. • Ipanalangin na mahimok mo ang iba na sumunod sa Diyos at maranasan nila ngayong linggo ang kaginhawahang ibinibigay Niya.

Katapangan

𝗪𝗔𝗥𝗠-𝗨𝗣 • Magkuwento tungkol sa isa sa mga pinakamahirap na desisyong kinailangan mong gawin noong nakaraang taon. • Kung hindi ka natatakot sa anumang bagay, ano ang gagawin mo? Bakit? • Noong bata ka, ano ang isang salitang ginagamit ng mga magulang o tagapangalaga mo para ilarawan ka? Ano sa palagay mo ang naging epekto nito sa iyo? 𝗪𝗢𝗥𝗗 𝘗𝘦𝘳𝘰 𝘪𝘵𝘰 𝘯𝘨𝘢𝘺𝘰𝘯 𝘢𝘯𝘨 𝘴𝘪𝘯𝘢𝘴𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕𝘎 𝘭𝘶𝘮𝘪𝘬𝘩𝘢 𝘴𝘢 𝘪𝘺𝘰, 𝘖 𝘐𝘴𝘳𝘢𝘦𝘭: “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘥𝘢𝘩𝘪𝘭 𝘪𝘭𝘪𝘭𝘪𝘨𝘵𝘢𝘴 𝘬𝘪𝘵𝘢. 𝘛𝘪𝘯𝘢𝘸𝘢𝘨 𝘬𝘪𝘵𝘢 𝘴𝘢 𝘱𝘢𝘯𝘨𝘢𝘭𝘢𝘯 𝘮𝘰, 𝘢𝘵 𝘪𝘬𝘢𝘸 𝘢𝘺 𝘢𝘬𝘪𝘯. 𝘒𝘢𝘱𝘢𝘨 𝘥𝘶𝘮𝘢𝘢𝘯 𝘬𝘢 𝘴𝘢 𝘵𝘶𝘣𝘪𝘨, 𝘢𝘬𝘰ʼ𝘺 𝘬𝘢𝘴𝘢𝘮𝘢 𝘮𝘰. 𝘒𝘢𝘱𝘢𝘨 𝘵𝘢𝘵𝘢𝘸𝘪𝘥 𝘬𝘢 𝘯𝘨 𝘮𝘨𝘢 𝘪𝘭𝘰𝘨, 𝘩𝘪𝘯𝘥𝘪 𝘬𝘢 𝘮𝘢𝘭𝘶𝘭𝘶𝘯𝘰𝘥. 𝘒𝘢𝘱𝘢𝘨 𝘥𝘶𝘮𝘢𝘢𝘯 𝘬𝘢 𝘴𝘢 𝘢𝘱𝘰𝘺, 𝘩𝘪𝘯𝘥𝘪 𝘬𝘢 𝘮𝘢𝘴𝘶𝘴𝘶𝘯𝘰𝘨; 𝘢𝘵 𝘢𝘯𝘨 𝘭𝘪𝘺𝘢𝘣 𝘯𝘪𝘵𝘰 𝘢𝘺 𝘩𝘪𝘯𝘥𝘪 𝘮𝘢𝘬𝘢𝘬𝘢𝘱𝘪𝘯𝘴𝘢𝘭𝘢 𝘴𝘢 𝘪𝘺𝘰. 𝗜𝗦𝗔𝗜𝗔𝗦 𝟰𝟯:𝟭–𝟮 (Basahin din ang 𝗜𝗦𝗔𝗜𝗔𝗦 𝟰𝟯:𝟯–𝟳.) Ang mga Israelita ay nabigong magtiwala sa Diyos. Nagtiwala sila sa maraming bagay na walang naging kapakinabangan, at nagrebelde pa sila laban sa Kanya. Dahil dito, hinarap nila ang Kanyang hatol at pagdidisiplina. Ang pakiramdam pa nga nila ay inabandona sila ng Diyos. Subalit ang Diyos ay nanatiling tapat—sa Kanyang mga pangako, sa Kanyang kasunduan sa Kanyang mga mamamayan, at sa Kanyang sariling katangian. Matapos ang lahat ng ginawa at pinagdaanan ng Israel, tinawag sila ng Diyos na 𝘢𝘬𝘪𝘯 (Isaias 43:1), at 𝘮𝘢𝘩𝘢𝘭𝘢𝘨𝘢 𝘴𝘢 𝘢𝘬𝘪𝘯𝘨 𝘱𝘢𝘯𝘪𝘯𝘨𝘪𝘯 (Isaias 43:4). Dahil nananatili Siyang matapat, ang Kanyang mamamayan ay nagkakaroon ng tapang na harapin ang lahat ng pagsubok. Sa araling ito, pagtutuunan natin ng pansin ang dalawang dahilan kung bakit hindi tayo dapat matakot. 𝟭. 𝗛𝗶𝗻𝗱𝗶 𝘁𝗮𝘆𝗼 𝗺𝗮𝘁𝗮𝘁𝗮𝗸𝗼𝘁 𝗱𝗮𝗵𝗶𝗹 𝗮𝗻𝗴 𝗗𝗶𝘆𝗼𝘀 𝗮𝗻𝗴 𝗮𝘁𝗶𝗻𝗴 𝗧𝗮𝗴𝗮𝗽𝗮𝗴𝗹𝗶𝗴𝘁𝗮𝘀. 𝘗𝘦𝘳𝘰 𝘪𝘵𝘰 𝘯𝘨𝘢𝘺𝘰𝘯 𝘢𝘯𝘨 𝘴𝘪𝘯𝘢𝘴𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕𝘎 𝘭𝘶𝘮𝘪𝘬𝘩𝘢 𝘴𝘢 𝘪𝘺𝘰, 𝘖 𝘐𝘴𝘳𝘢𝘦𝘭: “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘬𝘰𝘵 𝘥𝘢𝘩𝘪𝘭 𝘪𝘭𝘪𝘭𝘪𝘨𝘵𝘢𝘴 𝘬𝘪𝘵𝘢. 𝘛𝘪𝘯𝘢𝘸𝘢𝘨 𝘬𝘪𝘵𝘢 𝘴𝘢 𝘱𝘢𝘯𝘨𝘢𝘭𝘢𝘯 𝘮𝘰, 𝘢𝘵 𝘪𝘬𝘢𝘸 𝘢𝘺 𝘢𝘬𝘪𝘯.” 𝗜𝗦𝗔𝗜𝗔𝗦 𝟰𝟯:𝟭 Hindi lamang nilikha at hinubog ng Diyos ang Kanyang mamamayan. Tinubos din Niya sila at tinawag silang Kanya. Kapag tinawag ng Diyos ang mga tao sa kanilang pangalan, ipinapakita nito na kilala sila ng Diyos. Nagdadala din ito ng kapayapaan at katiyakan. Kung tayo ay maniniwala sa Kanya, tayo ay mapapasakanya. Dahil dito, anuman ang mangyari sa buhay natin, at kahit pa binibigo natin Siya, magagawa nating mamuhay sa pag-asa sa halip na takot. Tinubos Niya tayo kay Cristo at patuloy Niya tayong bibigyan ng katiyakan bilang Kanyang pinahahalagahang yaman. Ano ang ilan sa mga ipinangako ng Diyos sa Kanyang mamamayan sa Isaias 43:2–4 na maaari mong ilaan sa iyong buhay sa pamamagitan ng pananampalataya? 𝟮. 𝗛𝗶𝗻𝗱𝗶 𝘁𝗮𝘆𝗼 𝗺𝗮𝘁𝗮𝘁𝗮𝗸𝗼𝘁 𝗱𝗮𝗵𝗶𝗹 𝗸𝗮𝘀𝗮𝗺𝗮 𝗻𝗮𝘁𝗶𝗻 𝗮𝗻𝗴 𝗗𝗶𝘆𝗼𝘀. “𝘏𝘶𝘸𝘢𝘨 𝘬𝘢𝘯𝘨 𝘮𝘢𝘵𝘢𝘵𝘢𝘬𝘰𝘵 𝘥𝘢𝘩𝘪𝘭 𝘬𝘢𝘴𝘢𝘮𝘢 𝘮𝘰 𝘢𝘬𝘰. 𝘛𝘪𝘵𝘪𝘱𝘶𝘯𝘪𝘯 𝘬𝘰 𝘢𝘯𝘨 𝘪𝘺𝘰𝘯𝘨 𝘮𝘨𝘢 𝘭𝘢𝘩𝘪 𝘮𝘶𝘭𝘢 𝘴𝘢 𝘴𝘪𝘭𝘢𝘯𝘨𝘢𝘯 𝘩𝘢𝘯𝘨𝘨𝘢𝘯𝘨 𝘴𝘢 𝘬𝘢𝘯𝘭𝘶𝘳𝘢𝘯.” 𝗜𝗦𝗔𝗜𝗔𝗦 𝟰𝟯:𝟱 Ipinangako ng Diyos na sasamahan Niya ang Kanyang mamamayan sa lahat ng sitwasyon. Bagama't sila ay naging bihag dahil sa kanilang pagsuway, ipinangako Niya ang Kanyang presensya at pagpapanumbalik mula sa kung saan man sila mapunta. Sa patuloy nating pamumuhay kasama ang Diyos, ang kaalaman ng Kanyang presensya ay nagdadala ng kaligayahan, kapayapaan, at pag-asa sa buhay natin. Sa iyong palagay paano nabigyan ng kapanatagan ng mga salitang "huwag kang matakot" ang mga mamamayan ng Diyos? Ang pangakong pagtubos at pagpapabilang sa Diyos—sa kabila ng ating kasalanan at pagsuway—ay natupad kay Jesu-Cristo. Sa krus naganap ang Dakilang Palitan. Ibinigay ng Diyos ang Kanyang sarili para sa ating kaligtasan upang mapatawad tayo, makilala natin Siya, at magkaroon tayo ng buhay na walang hanggan. Siya na kailanman ay hindi nagkasala ay naging kasalanan para sa atin, upang 𝘮𝘢𝘪𝘵𝘶𝘳𝘪𝘯𝘨 𝘵𝘢𝘺𝘰𝘯𝘨 𝘮𝘢𝘵𝘶𝘸𝘪𝘥 𝘯𝘨 𝘋𝘪𝘺𝘰𝘴 (2 Corinto 5:21). Siya ang tinatawag na 𝘌𝘮𝘮𝘢𝘯𝘶𝘦𝘭 . . . 𝘒𝘢𝘴𝘢𝘮𝘢 𝘯𝘢𝘵𝘪𝘯 𝘢𝘯𝘨 𝘋𝘪𝘺𝘰𝘴 (Mateo 1:23), at ipinangako rin Niya na lagi natin Siyang 𝘬𝘢𝘴𝘢𝘮𝘢 𝘩𝘢𝘯𝘨𝘨𝘢𝘯𝘨 𝘴𝘢 𝘬𝘢𝘵𝘢𝘱𝘶𝘴𝘢𝘯 𝘯𝘨 𝘮𝘶𝘯𝘥𝘰 (Mateo 28:20). 𝗔𝗣𝗣𝗟𝗜𝗖𝗔𝗧𝗜𝗢𝗡 • Sa palagay mo, bakit nakakapanatag ng loob ang mga salitang “huwag kang matakot” mula sa Makapangyarihang Diyos? Sa anong bahagi ng buhay mo natututunang “huwag matakot”? • Maglaan ng oras para pag-isipan kung saan ka nagtitiwala. Ano ang handa kang gawin na iba sa karaniwan mong ginagawa upang magtiwala sa Diyos araw-araw? • Sinu-sino sa palagay mo ang magkakaroon ng lakas ng loob sa pamamagitan ng kaalaman na kasama nila ng Diyos? Ano ang maaari mong gawin ngayong linggo upang masabi mo ang katotohanang ito sa kanila? 𝗣𝗥𝗔𝗬𝗘𝗥 • Pasalamatan ang Diyos sa Kanyang kaligtasan na maaaring matanggap kay Jesu-Cristo. Pasalamatan Siya sa dakilang palitan na ginawa Niya sa krus para sa mga makasalanan. • Ipanalangin na hindi ka matatakot dahil naniniwala ka na ang Diyos ang iyong Tagapagligtas at kasama mo Siya. Ipanalangin na maging totoo ito sa buhay mo araw-araw. • Hingin sa Diyos ang lakas ng loob na sumunod at maglingkod sa Kanya, at magmahal at paglingkuran ang iba. Ipanalangin na buong tapang mong maipapangaral ang ebanghelyo.

Lumapit sa Diyos

𝗪𝗔𝗥𝗠-𝗨𝗣 • Anong kanta ang natutuwa kang pakinggan? Ano ang nagustuhan mo sa kantang ito? • Sinu-sino ang mga pinakamalalaking impluwensya sa buhay mo? Bakit ka nakikinig sa kanila? • Kapag nagbibigay ka ng payo o nagpapalakas ng loob ng iba, paano sila tumutugon? Balikan ang isang pangyayari na nagpapaliwanag nito. 𝗪𝗢𝗥𝗗 “𝘓𝘶𝘮𝘢𝘱𝘪𝘵 𝘬𝘢𝘺𝘰 𝘴𝘢 𝘢𝘬𝘪𝘯 𝘢𝘵 𝘱𝘢𝘬𝘪𝘯𝘨𝘨𝘢𝘯 𝘪𝘵𝘰: 𝘔𝘶𝘭𝘢 𝘱𝘢 𝘯𝘨 𝘱𝘢𝘴𝘪𝘮𝘶𝘭𝘢 𝘩𝘪𝘯𝘥𝘪 𝘢𝘬𝘰 𝘯𝘢𝘨𝘴𝘢𝘭𝘪𝘵𝘢 𝘯𝘢𝘯𝘨 𝘭𝘪𝘩𝘪𝘮. 𝘚𝘢 𝘱𝘢𝘯𝘢𝘩𝘰𝘯 𝘯𝘢 𝘯𝘢𝘯𝘨𝘺𝘢𝘳𝘪 𝘢𝘯𝘨 𝘴𝘪𝘯𝘢𝘣𝘪 𝘬𝘰, 𝘯𝘢𝘳𝘰𝘰𝘯 𝘢𝘬𝘰.” 𝘈𝘵 𝘯𝘨𝘢𝘺𝘰𝘯 𝘴𝘪𝘯𝘶𝘨𝘰 𝘢𝘬𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘐𝘠𝘖𝘚 𝘢𝘵 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶 . . . 𝗜𝗦𝗔𝗜𝗔𝗦 𝟰𝟴:𝟭𝟲 (Basahin din ang 𝗜𝗦𝗔𝗜𝗔𝗦 𝟰𝟴:𝟭𝟮–𝟭𝟱.) Ang pagkilala sa isang tao ay may kasamang paglapit at pakikinig. Kung magpapakatotoo tayo sa sarili natin, aaminin natin na hindi tayo magaling makinig. Ang iba ay mas pipiliing magsalita samantalang ang iba naman ay madaling nasisira ang atensyon at mas gugustuhing ilaan ang oras nila sa paggawa ng ibang bagay. Sa Isaias 48:12–15, tinatawag ng Diyos ang Kanyang mamamayan na makinig at lumapit sa Kanya. Nais Niyang makilala nila Siya. Ang walang hanggang Diyos ay nagnanais na personal na makilala ng Kanyang mamamayan. Ngayon, titingnan natin ang Kanyang imbitasyon at ang kapakinabangan ng paglapit sa Kanya. 𝟭. 𝗡𝗮𝗸𝗶𝗸𝗶𝗻𝗶𝗴 𝘁𝗮𝘆𝗼 𝘀𝗮 𝗗𝗶𝘆𝗼𝘀 𝘂𝗽𝗮𝗻𝗴 𝗺𝗮𝗹𝗮𝗺𝗮𝗻 𝗻𝗮 𝗦𝗶𝘆𝗮 𝗮𝗻𝗴 𝗻𝗮𝗺𝗮𝗺𝗮𝗵𝗮𝗹𝗮. “𝘔𝘢𝘬𝘪𝘯𝘪𝘨 𝘬𝘢𝘺𝘰 𝘴𝘢 𝘢𝘬𝘪𝘯, 𝘬𝘢𝘺𝘰𝘯𝘨 𝘮𝘨𝘢 𝘵𝘢𝘨𝘢-𝘐𝘴𝘳𝘢𝘦𝘭 𝘯𝘢 𝘢𝘬𝘪𝘯𝘨 𝘱𝘪𝘯𝘪𝘭𝘪. 𝘈𝘬𝘰 𝘢𝘯𝘨 𝘋𝘪𝘺𝘰𝘴; 𝘢𝘬𝘰 𝘢𝘯𝘨 𝘱𝘢𝘴𝘪𝘮𝘶𝘭𝘢 𝘢𝘵 𝘢𝘯𝘨 𝘸𝘢𝘬𝘢𝘴 𝘯𝘨 𝘭𝘢𝘩𝘢𝘵.” 𝗜𝗦𝗔𝗜𝗔𝗦 𝟰𝟴:𝟭𝟮 Sa Bibliya, ang salitang “makinig” ay kadalasang nangangahulugan ng pagtuon ng atensyon. Iniimbitahan tayo ng Diyos na aktibong makinig sa Kanya upang mas makilala natin Siya. Habang ganap tayong nakikinig sa Kanya at nakatuon sa Kanyang tinig, naaalala natin na Siya ang pasimula at ang wakas. Nangangahulugan ito na ang Diyos ay makapangyarihan, mapagkakatiwalaan, at walang hanggan. Bagama’t maraming bagay ang nagbabago at naglalaho, nananatili ang Diyos. Sa palagay mo, bakit nais ng Diyos na malaman ng Kanyang mamamayan na Siya ang namamahala? 𝟮. 𝗡𝗮𝗸𝗶𝗸𝗶𝗻𝗶𝗴 𝘁𝗮𝘆𝗼 𝘀𝗮 𝗗𝗶𝘆𝗼𝘀 𝘂𝗽𝗮𝗻𝗴 𝗺𝗮𝗹𝗮𝗺𝗮𝗻 𝗻𝗮 𝗹𝗮𝗴𝗶 𝗦𝗶𝘆𝗮𝗻𝗴 𝗺𝗮𝗹𝗮𝗽𝗶𝘁 𝘀𝗮 𝗮𝘁𝗶𝗻. “𝘓𝘶𝘮𝘢𝘱𝘪𝘵 𝘬𝘢𝘺𝘰 𝘴𝘢 𝘢𝘬𝘪𝘯 𝘢𝘵 𝘱𝘢𝘬𝘪𝘯𝘨𝘨𝘢𝘯 𝘪𝘵𝘰: 𝘔𝘶𝘭𝘢 𝘱𝘢 𝘯𝘨 𝘱𝘢𝘴𝘪𝘮𝘶𝘭𝘢 𝘩𝘪𝘯𝘥𝘪 𝘢𝘬𝘰 𝘯𝘢𝘨𝘴𝘢𝘭𝘪𝘵𝘢 𝘯𝘢𝘯𝘨 𝘭𝘪𝘩𝘪𝘮. 𝘚𝘢 𝘱𝘢𝘯𝘢𝘩𝘰𝘯 𝘯𝘢 𝘯𝘢𝘯𝘨𝘺𝘢𝘳𝘪 𝘢𝘯𝘨 𝘴𝘪𝘯𝘢𝘣𝘪 𝘬𝘰, 𝘯𝘢𝘳𝘰𝘰𝘯 𝘢𝘬𝘰.” 𝘈𝘵 𝘯𝘨𝘢𝘺𝘰𝘯 𝘴𝘪𝘯𝘶𝘨𝘰 𝘢𝘬𝘰 𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘋𝘐𝘠𝘖𝘚 𝘢𝘵 𝘯𝘨 𝘬𝘢𝘯𝘺𝘢𝘯𝘨 𝘌𝘴𝘱𝘪𝘳𝘪𝘵𝘶 . . . 𝗜𝗦𝗔𝗜𝗔𝗦 𝟰𝟴:𝟭𝟲 Simula sa umpisa, sinamahan na ng Diyos ang Kanyang mamamayan at pinakita Niya ang Kanyang sarili bilang matapat na Diyos. Simula noon, hinahanap na Niya ang Kanyang mamamayan at tinatawag silang lumapit sa Kanya. Iniimbitahan Niya ang Kanyang mamamayan na lumapit sa Kanya at ipinapangako Niyang Siya rin ay lalapit sa kanila (Santiago 4:8). Paano ka inaanyayahan ng Diyos na lumapit sa Kanya araw-araw? 𝗔𝗣𝗣𝗟𝗜𝗖𝗔𝗧𝗜𝗢𝗡 • Paano naapektuhan ng pakikinig sa Diyos ang buhay mo? Paano mo magagawang lumapit sa Kanya araw-araw? • Maglaan ng oras upang pag-isipan ang mga bagay na pinakikinggan mo. Ano ang ilang bagong bagay na maaari mong gawin upang mas marinig mo ang tinig ng Diyos? • Isipin ang isang taong kailangang mas makinig sa Diyos. Paano mo siya matutulungang akayin pabalik sa Diyos ngayong linggo? 𝗣𝗥𝗔𝗬𝗘𝗥 • Pasalamatan ang Diyos sa Kanyang pagmamahal sa iyo, sa Kanyang presensya, at sa katiyakan na Siya ang namamahala sa lahat ng sitwasyon. • Hingin sa Diyos na tulungan kang hindi makinig sa mga ingay na maaaring humadlang sa pakikinig mo sa Kanya. Ipanalangin na muli kang magkaroon ng kagustuhang makinig sa Kanyang salita at lumapit sa Kanya. • Ipanalanging matulungan mo ang iba upang makilala nila ang Diyos at mapalapit sila sa Kanya sa pamamagitan ng pangangaral sa kanila ng ebanghelyo.

Panunumbalik

𝗪𝗔𝗥𝗠-𝗨𝗣 • Kung may aayusin kang gamit mo dati na ngayon ay sira na, ano ito at bakit mo ito gustong ayusin? • Naranasan mo na bang pumunta sa isang lugar sa unang pagkakataon nang umaasa sa isang navigation tool o gamit na nagbibigay ng direksyon? Magkuwento tungkol sa naranasan mo at sa mga nangyari pagdating mo sa lugar. • Ano ang mga ginagamit ninyo para mapanatiling ligtas ang inyong bahay mula sa mga taong hindi ninyo kilala at sa mga magnanakaw? Gaano ka-epektibo ang mga ito sa pagbibigay sa iyo ng kapanatagan na ikaw nga ay ligtas? 𝗪𝗢𝗥𝗗 𝘐𝘵𝘰 𝘢𝘯𝘨 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘚𝘢 𝘵𝘢𝘮𝘢𝘯𝘨 𝘱𝘢𝘯𝘢𝘩𝘰𝘯 𝘢𝘺 𝘵𝘶𝘵𝘶𝘨𝘶𝘯𝘪𝘯 𝘬𝘪𝘵𝘢, 𝘴𝘢 𝘢𝘳𝘢𝘸 𝘯𝘨 𝘱𝘢𝘨𝘭𝘪𝘭𝘪𝘨𝘵𝘢𝘴 𝘢𝘺 𝘵𝘶𝘵𝘶𝘭𝘶𝘯𝘨𝘢𝘯 𝘬𝘪𝘵𝘢. 𝘐𝘪𝘯𝘨𝘢𝘵𝘢𝘯 𝘬𝘪𝘵𝘢, 𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘮𝘰 𝘨𝘢𝘨𝘢𝘸𝘢 𝘢𝘬𝘰 𝘯𝘨 𝘬𝘢𝘴𝘶𝘯𝘥𝘶𝘢𝘯 𝘴𝘢 𝘮𝘨𝘢 𝘵𝘢𝘰. 𝘔𝘶𝘭𝘪 𝘮𝘰𝘯𝘨 𝘪𝘵𝘢𝘵𝘢𝘺𝘰 𝘢𝘯𝘨 𝘭𝘶𝘱𝘢𝘪𝘯 𝘯𝘨 𝘐𝘴𝘳𝘢𝘦𝘭 𝘯𝘢 𝘯𝘢𝘸𝘢𝘴𝘢𝘬, 𝘢𝘵 𝘮𝘶𝘭𝘪 𝘮𝘰 𝘪𝘵𝘰𝘯𝘨 𝘪𝘣𝘪𝘣𝘪𝘨𝘢𝘺 𝘴𝘢 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯.” 𝗜𝗦𝗔𝗜𝗔𝗦 𝟰𝟵:𝟴 (Basahin din ang 𝗜𝗦𝗔𝗜𝗔𝗦 𝟰𝟵:𝟵–𝟭𝟳.) Dahil sa kanilang kasalanan at pagsuway, ang mga mamamayan ng Diyos ay ipinadala sa Babilonia. Talunan, dinala sila sa ibang bayan, kung saan wala silang lugar upang sumamba sa kanilang Diyos. Sa gitna ng mahirap nilang kalagayan noong panahong iyon, nagpahayag si Isaias ng mga salitang nagbigay ng pag-asa, isang pangako ng pagpapanumbalik mula sa Diyos. Nais ng Diyos na tiyakin sa Kanyang mga mamamayan na hindi Niya sila kinalimutan at hindi Niya sila kailanman iiwan. Sa pahayag na ito, titingnan natin ang ipinangako ng Diyos na pagpapanumbalik sa Kanyang mga mamamayan. 𝟭. 𝗜𝗽𝗶𝗻𝗮𝗻𝗴𝗮𝗸𝗼 𝗻𝗴 𝗗𝗶𝘆𝗼𝘀 𝗮𝗻𝗴 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝗻𝗴 𝗹𝗶𝘄𝗮𝗻𝗮𝗴 𝗽𝗮𝗿𝗮 𝘀𝗮 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. 𝘐𝘵𝘰 𝘢𝘯𝘨 𝘴𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘚𝘢 𝘵𝘢𝘮𝘢𝘯𝘨 𝘱𝘢𝘯𝘢𝘩𝘰𝘯 𝘢𝘺 𝘵𝘶𝘵𝘶𝘨𝘶𝘯𝘪𝘯 𝘬𝘪𝘵𝘢, 𝘴𝘢 𝘢𝘳𝘢𝘸 𝘯𝘨 𝘱𝘢𝘨𝘭𝘪𝘭𝘪𝘨𝘵𝘢𝘴 𝘢𝘺 𝘵𝘶𝘵𝘶𝘭𝘶𝘯𝘨𝘢𝘯 𝘬𝘪𝘵𝘢. 𝘐𝘪𝘯𝘨𝘢𝘵𝘢𝘯 𝘬𝘪𝘵𝘢, 𝘢𝘵 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘮𝘰 𝘨𝘢𝘨𝘢𝘸𝘢 𝘢𝘬𝘰 𝘯𝘨 𝘬𝘢𝘴𝘶𝘯𝘥𝘶𝘢𝘯 𝘴𝘢 𝘮𝘨𝘢 𝘵𝘢𝘰. 𝘔𝘶𝘭𝘪 𝘮𝘰𝘯𝘨 𝘪𝘵𝘢𝘵𝘢𝘺𝘰 𝘢𝘯𝘨 𝘭𝘶𝘱𝘢𝘪𝘯 𝘯𝘨 𝘐𝘴𝘳𝘢𝘦𝘭 𝘯𝘢 𝘯𝘢𝘸𝘢𝘴𝘢𝘬, 𝘢𝘵 𝘮𝘶𝘭𝘪 𝘮𝘰 𝘪𝘵𝘰𝘯𝘨 𝘪𝘣𝘪𝘣𝘪𝘨𝘢𝘺 𝘴𝘢 𝘢𝘬𝘪𝘯𝘨 𝘮𝘨𝘢 𝘮𝘢𝘮𝘢𝘮𝘢𝘺𝘢𝘯. 𝘚𝘢𝘴𝘢𝘣𝘪𝘩𝘪𝘯 𝘮𝘰 𝘴𝘢 𝘮𝘨𝘢 𝘐𝘴𝘳𝘢𝘦𝘭𝘪𝘵𝘢𝘯𝘨 𝘣𝘪𝘯𝘪𝘩𝘢𝘨 𝘢𝘵 𝘱𝘪𝘯𝘪𝘪𝘵 𝘴𝘢 𝘬𝘢𝘥𝘪𝘭𝘪𝘮𝘢𝘯, ‘𝘓𝘶𝘮𝘢𝘣𝘢𝘴 𝘬𝘢𝘺𝘰! 𝘔𝘢𝘭𝘢𝘺𝘢 𝘯𝘢 𝘬𝘢𝘺𝘰!’ 𝘔𝘢𝘵𝘶𝘵𝘶𝘭𝘢𝘥 𝘴𝘪𝘭𝘢 𝘴𝘢 𝘮𝘨𝘢 𝘵𝘶𝘱𝘢𝘯𝘨 𝘯𝘢𝘯𝘨𝘪𝘯𝘨𝘪𝘯𝘢𝘪𝘯 𝘴𝘢 𝘵𝘢𝘣𝘪 𝘯𝘨 𝘮𝘨𝘢 𝘥𝘢𝘢𝘯 𝘢𝘵 𝘮𝘨𝘢 𝘣𝘶𝘳𝘰𝘭.” 𝗜𝗦𝗔𝗜𝗔𝗦 𝟰𝟵:𝟴–𝟵 Sa pamumuhay nila bilang mga mamamayang ipinatapon sa ibang lupain, kinaharap ng mga Judio ang isang kinabukasang walang katiyakan. Hindi nila alam kung ano ang mangyayari sa kanila bilang isang mamamayan. Ang pahayag ni Isaias ay nagbigay sa kanila ng katiyakan na hindi lamang sila palalayain ng Diyos kundi dadalhin Niya sila mula sa kadiliman tungo sa liwanag. Ang Diyos ay kumikilos sa ating mga buhay ngayon. Nagdadala Siya ng kalayaan sa pamamagitan ng pag-iimbita sa mga tao na magkaroon ng ugnayan sa Kanya. Isang ugnayang puno ng pananampalataya, pag-asa, at pagmamahal sa gitna ng kawalan ng katiyakang kinakaharap natin. Paano mo naranasan sa buhay mo ang pagpapanumbalik ng kalayaan at liwanag ng Diyos? 𝟮. 𝗜𝗽𝗶𝗻𝗮𝗻𝗴𝗮𝗸𝗼 𝗻𝗴 𝗗𝗶𝘆𝗼𝘀 𝗮𝗻𝗴 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝗻𝗴 𝗺𝗮𝗺𝗮𝗻𝗮𝗵𝗶𝗻 𝗻𝗴 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. “𝘎𝘢𝘨𝘢𝘸𝘪𝘯 𝘬𝘰𝘯𝘨 𝘥𝘢𝘢𝘯𝘢𝘯 𝘢𝘯𝘨 𝘢𝘬𝘪𝘯𝘨 𝘮𝘨𝘢 𝘣𝘶𝘯𝘥𝘰𝘬 𝘯𝘢 𝘬𝘢𝘯𝘪𝘭𝘢𝘯𝘨 𝘥𝘢𝘥𝘢𝘢𝘯𝘢𝘯. 𝘈𝘯𝘨 𝘮𝘨𝘢 𝘭𝘶𝘨𝘢𝘳 𝘯𝘢 𝘮𝘢𝘵𝘢𝘵𝘢𝘢𝘴 𝘢𝘺 𝘮𝘢𝘨𝘪𝘨𝘪𝘯𝘨 𝘱𝘢𝘯𝘨𝘶𝘯𝘢𝘩𝘪𝘯𝘨 𝘥𝘢𝘢𝘯.” 𝗜𝗦𝗔𝗜𝗔𝗦 𝟰𝟵:𝟭𝟭 Minsan, nalalagay tayo sa mga sitwasyon na kabaligtaran ng ipinangako ng Diyos. Ito ang kalagayan ng mga Israelita. Ipinangako ng Diyos ang kasaganaan at pagiging mabunga sa sarili nilang lupain, ngunit dahil sa kanilang pagsuway, natalo sila sa digmaan at ipinadala sa ibang bayan. Subalit sinabi ng Diyos na gagawin Niyang daanan ang Kanyang mga bundok 𝘢𝘵 𝘢𝘯𝘨 𝘮𝘨𝘢 𝘭𝘶𝘨𝘢𝘳 𝘯𝘢 𝘮𝘢𝘵𝘢𝘵𝘢𝘢𝘴 𝘢𝘺 𝘮𝘢𝘨𝘪𝘨𝘪𝘯𝘨 𝘱𝘢𝘯𝘨𝘶𝘯𝘢𝘩𝘪𝘯𝘨 𝘥𝘢𝘢𝘯. Tumutukoy ito sa malinaw na daan na magbabalik sa Kanyang mga mamamayan sa kanilang sariling lupain. Hindi sila tinalikuran ng Diyos. Sa katunayan, pinamunuan Niya sila upang matanggap nila ang pamana at mga pagpapala na ipinangako Niya sa kanilang mga ninuno. Tulad nito, maaari rin tayong magkaroon ng katiyakan na habang pinahihintulutan natin ang Diyos na pamunuan tayo, matatanggap natin ang pamana Niya para sa atin—anuman ang ipinangako Niya sa Kanyang salita na tutuparin Niya sa buhay natin kahit na ano pa ang ating kasalukuyang kalagayan. Paano nagsilbing gabay ang daan na ibinigay sa iyo ng Diyos upang matanggap mo ang Kanyang mga pagpapala? 𝟯. 𝗜𝗽𝗶𝗻𝗮𝗻𝗴𝗮𝗸𝗼 𝗻𝗴 𝗗𝗶𝘆𝗼𝘀 𝗮𝗻𝗴 𝗽𝗮𝗴𝗽𝗮𝗽𝗮𝗻𝘂𝗺𝗯𝗮𝗹𝗶𝗸 𝗻𝗴 𝗽𝗿𝗼𝘁𝗲𝗸𝘀𝘆𝗼𝗻 𝗽𝗮𝗿𝗮 𝘀𝗮 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. 𝘗𝘦𝘳𝘰 𝘴𝘶𝘮𝘢𝘨𝘰𝘵 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘔𝘢𝘬𝘢𝘬𝘢𝘭𝘪𝘮𝘶𝘵𝘢𝘯 𝘣𝘢 𝘯𝘨 𝘪𝘴𝘢𝘯𝘨 𝘪𝘯𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘢𝘯𝘢𝘬? 𝘏𝘪𝘯𝘥𝘪 𝘣𝘢 𝘯𝘪𝘺𝘢 𝘱𝘢𝘨𝘮𝘢𝘮𝘢𝘭𝘢𝘴𝘢𝘬𝘪𝘵𝘢𝘯 𝘢𝘯𝘨 𝘪𝘴𝘪𝘯𝘪𝘭𝘢𝘯𝘨 𝘯𝘪𝘺𝘢𝘯𝘨 𝘴𝘢𝘯𝘨𝘨𝘰𝘭? 𝘔𝘢𝘢𝘢𝘳𝘪𝘯𝘨 𝘮𝘢𝘬𝘢𝘭𝘪𝘮𝘰𝘵 𝘢𝘯𝘨 𝘪𝘴𝘢𝘯𝘨 𝘪𝘯𝘢, 𝘱𝘦𝘳𝘰 𝘢𝘬𝘰, 𝘩𝘪𝘯𝘥𝘪 𝘮𝘢𝘬𝘢𝘭𝘪𝘭𝘪𝘮𝘰𝘵 𝘴𝘢 𝘪𝘯𝘺𝘰! 𝘖 𝘑𝘦𝘳𝘶𝘴𝘢𝘭𝘦𝘮, 𝘩𝘪𝘯𝘥𝘪𝘯𝘨-𝘩𝘪𝘯𝘥𝘪 𝘬𝘪𝘵𝘢 𝘮𝘢𝘭𝘪𝘭𝘪𝘮𝘶𝘵𝘢𝘯. 𝘐𝘴𝘪𝘯𝘶𝘭𝘢𝘵 𝘬𝘰 𝘢𝘯𝘨 𝘱𝘢𝘯𝘨𝘢𝘭𝘢𝘯 𝘮𝘰 𝘴𝘢 𝘢𝘬𝘪𝘯𝘨 𝘮𝘨𝘢 𝘱𝘢𝘭𝘢𝘥. 𝘗𝘢𝘭𝘢𝘨𝘪 𝘬𝘰𝘯𝘨 𝘪𝘯𝘪𝘪𝘴𝘪𝘱 𝘯𝘢 𝘮𝘢𝘪𝘵𝘢𝘺𝘰𝘯𝘨 𝘮𝘶𝘭𝘪 𝘢𝘯𝘨 𝘪𝘺𝘰𝘯𝘨 𝘮𝘨𝘢 𝘱𝘢𝘥𝘦𝘳.” 𝗜𝗦𝗔𝗜𝗔𝗦 𝟰𝟵:𝟭𝟱–𝟭𝟲 Sinabihan ng Diyos ang Kanyang mga mamamayan na huwag tumingin sa kasalukuyan lamang na sitwasyon. Nasira man ang kanilang siyudad, hindi naman sila kinalimutan ng Diyos. Lagi Niyang iniisip ang Kanyang mga mamamayan at Siya ay puno ng habag. Siya ang kanilang proteksyon. Muli Niyang patatatagin ang Kanyang mga mamamayan at magkakaroon muli sila ng kapanatagan. Sa ating mga buhay, gusto rin ng Diyos na ipakita ang Kanyang habag at proteksyon. Bibigyan pa Niya tayo ng kakayahan upang muling maitatag ang anumang nawasak sa buhay natin. Sa palagay mo, bakit ginamit ng Diyos ang larawan ng isang inang nangangalaga sa kanyang anak upang ipahayag sa Kanyang mga mamamayan ang pagmamahal at pagkalinga Niya sa kanila? Paano naging mas dakila ang Diyos kaysa sa pinakamabuting ina sa buong mundo? 𝗔𝗣𝗣𝗟𝗜𝗖𝗔𝗧𝗜𝗢𝗡 • Nakaranas ka na ba ng kawalan ng pag-asa at pagkatakot sa ilang bahagi ng buhay mo? Alin sa mga talata sa Bibliya ang nagpapakita sa iyo ng mga pangako ng Diyos na sa kasalukuyan ay may kaugnayan sa buhay mo at sa iyong pamilya? Isulat ang mga ito upang mapag-isipan mo sila ngayong linggo at makapagbigay sila ng pag-asa sa sitwasyon mo. • Nananalig ka ba na makikita mo hindi lamang ang kasalukuyan mong kalagayan at magagawa mong magtiwala na ibabalik ng Diyos ang Kanyang liwanag, pamana, at proteksyon para sa iyo? Ano ang gagawin mo bilang tugon sa mensahe ngayong araw? • Isipin ang isang tao na kailangang makaalala sa habag at proteksyon ng Diyos. Hingin sa Kanya na bigyan ka ng mga salita na magpapalakas ng loob ng taong ito. Kausapin mo siya at bigyan ng pag-asa ngayong linggo. 𝗣𝗥𝗔𝗬𝗘𝗥 • Pasalamatan ang Diyos para sa ipinangako Niyang pagpapanumbalik. Ipanalangin na magkaroon ka ng kapayapaan at kapanatagan na aakayin ka ng Diyos upang matanggap mo ang ipinangako Niya sa iyo anuman ang kalagayan mo ngayon. • Hilingin sa Diyos na tulungan kang alisin ang anumang pag-aalinlangan sa puso mo, at magtiwala ka na ipapanumbalik Niya anuman ang tinangka ng kaaway na nakawin mula sa iyo. Ipanalangin na imulat ng Diyos ang iyong mga mata at tulungan kang makita ang buhay mo nang puno ng pananampalataya. • Ipanalangin na bigyan ka ng Diyos ng mga pagkakataon ngayong linggo upang ibahagi sa iba kung paano mo naranasan ang Kanyang kalayaan at liwanag.

Katuwiran

𝗪𝗔𝗥𝗠-𝗨𝗣 • May mga damit ka bang isinusuot lamang sa mga natatanging okasyon? Bakit ito espesyal at kailan mo ito huling isinuot? • Naranasan mo na bang maglaro ng anumang sport o laro laban sa isang taong hindi sumunod sa mga panuntunan ng laro? Ano ang nangyari? • Ano ang naiisip mo sa tuwing naririnig mo ang salitang “hustisya”? Bakit ito ang pumapasok sa isipan mo? 𝗪𝗢𝗥𝗗 𝘕𝘢𝘨𝘵𝘢𝘵𝘢𝘬𝘢 𝘴𝘪𝘺𝘢 𝘴𝘢 𝘬𝘢𝘯𝘺𝘢𝘯𝘨 𝘯𝘢𝘬𝘪𝘵𝘢 𝘯𝘢 𝘸𝘢𝘭𝘢 𝘬𝘢𝘩𝘪𝘵 𝘪𝘴𝘢 𝘮𝘢𝘯 𝘯𝘢 𝘵𝘶𝘮𝘶𝘵𝘶𝘭𝘰𝘯𝘨 𝘴𝘢 𝘮𝘨𝘢 𝘪𝘯𝘢𝘢𝘱𝘪. 𝘒𝘶𝘯𝘨 𝘬𝘢𝘺𝘢, 𝘨𝘢𝘨𝘢𝘮𝘪𝘵𝘪𝘯 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘬𝘢𝘯𝘪𝘭𝘢. 𝘈𝘵 𝘥𝘢𝘩𝘪𝘭 𝘮𝘢𝘵𝘶𝘸𝘪𝘥 𝘴𝘪𝘺𝘢, 𝘵𝘶𝘵𝘶𝘭𝘶𝘯𝘨𝘢𝘯 𝘯𝘪𝘺𝘢 𝘴𝘪𝘭𝘢. 𝗜𝗦𝗔𝗜𝗔𝗦 𝟱𝟵:𝟭𝟲 (Basahin din ang 𝗜𝗦𝗔𝗜𝗔𝗦 𝟱𝟵:𝟭𝟰–𝟭𝟱, 𝟭𝟳–𝟮𝟭.) Inilarawan ng propetang si Isaias ang kalagayan ng kanilang bayan: walang pagkakapantay-pantay, walang hustisya, at puno ng karahasan at katiwalian. Sinabi niya na dahil hindi na matagpuan ang katotohanan (Isaias 59:14), ang mga tao ay nahiwalay sa Diyos. Dahil sa kawalan ng hustisya sa kanilang lupain, ang mga mamamayan ng Diyos ay nawawalan na ng pag-asa. Subalit nais ng Diyos na hindi lamang ipakita sa kanila ang kanilang kasalanan. Nais din Niyang maghatid ng pag-asa. Sa araw na ito, titingnan natin kung paano tumutugon ang Diyos sa kawalan ng hustisya sa mundo. 𝟭. 𝗔𝗻𝗴 𝗗𝗶𝘆𝗼𝘀 𝗮𝘆 𝗵𝗶𝗻𝗱𝗶 𝗻𝗮𝗴𝗯𝘂𝗯𝘂𝗹𝗮𝗴-𝗯𝘂𝗹𝗮𝗴𝗮𝗻 𝘀𝗮 𝗸𝗮𝘄𝗮𝗹𝗮𝗻 𝗻𝗴 𝗸𝗮𝘁𝘂𝘄𝗶𝗿𝗮𝗻 𝗮𝘁 𝗸𝗮𝘁𝗮𝗿𝘂𝗻𝗴𝗮𝗻. 𝘐𝘺𝘢𝘯 𝘢𝘯𝘨 𝘥𝘢𝘩𝘪𝘭𝘢𝘯 𝘬𝘶𝘯𝘨 𝘣𝘢𝘬𝘪𝘵 𝘩𝘪𝘯𝘥𝘪 𝘱𝘢 𝘱𝘪𝘯𝘢𝘳𝘶𝘳𝘶𝘴𝘢𝘩𝘢𝘯 𝘯𝘨 𝘋𝘪𝘺𝘰𝘴 𝘢𝘯𝘨 𝘢𝘵𝘪𝘯𝘨 𝘮𝘨𝘢 𝘬𝘢𝘢𝘸𝘢𝘺 𝘢𝘵 𝘩𝘪𝘯𝘥𝘪 𝘱𝘢 𝘯𝘪𝘺𝘢 𝘵𝘢𝘺𝘰 𝘣𝘪𝘯𝘪𝘣𝘪𝘨𝘺𝘢𝘯 𝘯𝘨 𝘵𝘢𝘨𝘶𝘮𝘱𝘢𝘺 𝘯𝘢 𝘮𝘢𝘺 𝘬𝘢𝘵𝘶𝘸𝘪𝘳𝘢𝘯. 𝘚𝘢𝘱𝘢𝘨𝘬𝘢𝘵 𝘩𝘪𝘯𝘥𝘪 𝘯𝘢 𝘮𝘢𝘵𝘢𝘨𝘱𝘶𝘢𝘯 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯 𝘬𝘢𝘩𝘪𝘵 𝘴𝘢𝘢𝘯, 𝘢𝘵 𝘢𝘯𝘨 𝘮𝘨𝘢 𝘵𝘢𝘰 𝘢𝘺 𝘩𝘪𝘯𝘥𝘪 𝘯𝘢 𝘮𝘢𝘱𝘢𝘨𝘬𝘢𝘬𝘢𝘵𝘪𝘸𝘢𝘭𝘢𝘢𝘯. 𝘖𝘰, 𝘯𝘢𝘸𝘢𝘭𝘢 𝘯𝘢 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯, 𝘢𝘵 𝘢𝘯𝘨 𝘮𝘨𝘢 𝘶𝘮𝘪𝘪𝘸𝘢𝘴 𝘴𝘢 𝘬𝘢𝘴𝘢𝘮𝘢𝘢𝘯 𝘢𝘺 𝘪𝘯𝘶𝘶𝘴𝘪𝘨. 𝘕𝘢𝘬𝘪𝘵𝘢 𝘪𝘵𝘰 𝘯𝘨 𝘗𝘈𝘕𝘎𝘐𝘕𝘖𝘖𝘕 𝘢𝘵 𝘯𝘢𝘭𝘶𝘭𝘶𝘯𝘨𝘬𝘰𝘵 𝘴𝘪𝘺𝘢 𝘥𝘢𝘩𝘪𝘭 𝘴𝘢 𝘬𝘢𝘸𝘢𝘭𝘢𝘯 𝘯𝘨 𝘬𝘢𝘵𝘢𝘳𝘶𝘯𝘨𝘢𝘯. 𝘕𝘢𝘨𝘵𝘢𝘵𝘢𝘬𝘢 𝘴𝘪𝘺𝘢 𝘴𝘢 𝘬𝘢𝘯𝘺𝘢𝘯𝘨 𝘯𝘢𝘬𝘪𝘵𝘢 𝘯𝘢 𝘸𝘢𝘭𝘢 𝘬𝘢𝘩𝘪𝘵 𝘪𝘴𝘢 𝘮𝘢𝘯 𝘯𝘢 𝘵𝘶𝘮𝘶𝘵𝘶𝘭𝘰𝘯𝘨 𝘴𝘢 𝘮𝘨𝘢 𝘪𝘯𝘢𝘢𝘱𝘪. . . . 𝗜𝗦𝗔𝗜𝗔𝗦 𝟱𝟵:𝟭𝟰–𝟭𝟲 Nakita ng Diyos ang kawalan ng katuwiran at katarungan sa lupa at nalungkot Siya. Naghanap Siya ng taong mamamagitan at magsisilbing tagapaglaban ng mga inaapi, tagapagtanggol ng mga walang sala—subalit wala Siyang nakita. Ang kaalaman na nakikita at nais kumilos ng Diyos laban sa kawalan ng katuwiran at katarungan sa lipunan ay nakapagbibigay sa atin ngayon ng pag-asa. Alam natin na dahil sa Kanyang pag-aalala at pagmamahal sa Kanyang mamamayan, kikilos Siya para sa kanilang kapakanan. Ayon sa Zefanias 3:5, araw-araw na ipinapakita ng Panginoon ang kanyang katarungan, at nananatili siyang tapat. Paano makapagbibigay ang katotohanang ito ng kaginhawahan sa mga tao? 𝟮. 𝗔𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗵𝗮𝗵𝗮𝘁𝗶𝗱 𝗻𝗴 𝗸𝗮𝘁𝘂𝘄𝗶𝗿𝗮𝗻. 𝘒𝘶𝘯𝘨 𝘬𝘢𝘺𝘢, 𝘨𝘢𝘨𝘢𝘮𝘪𝘵𝘪𝘯 𝘯𝘪𝘺𝘢 𝘢𝘯𝘨 𝘬𝘢𝘯𝘺𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘴𝘢 𝘱𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘬𝘢𝘯𝘪𝘭𝘢. 𝘈𝘵 𝘥𝘢𝘩𝘪𝘭 𝘮𝘢𝘵𝘶𝘸𝘪𝘥 𝘴𝘪𝘺𝘢, 𝘵𝘶𝘵𝘶𝘭𝘶𝘯𝘨𝘢𝘯 𝘯𝘪𝘺𝘢 𝘴𝘪𝘭𝘢. 𝘎𝘢𝘨𝘢𝘮𝘪𝘵𝘪𝘯 𝘯𝘪𝘺𝘢𝘯𝘨 𝘱𝘢𝘯𝘢𝘯𝘨𝘨𝘢 𝘴𝘢 𝘥𝘪𝘣𝘥𝘪𝘣 𝘢𝘯𝘨 𝘬𝘢𝘵𝘶𝘸𝘪𝘳𝘢𝘯, 𝘢𝘵 𝘩𝘦𝘭𝘮𝘦𝘵 𝘢𝘯𝘨 𝘬𝘢𝘭𝘪𝘨𝘵𝘢𝘴𝘢𝘯. 𝘐𝘴𝘶𝘴𝘶𝘰𝘵 𝘯𝘪𝘺𝘢 𝘯𝘢 𝘱𝘢𝘳𝘢𝘯𝘨 𝘥𝘢𝘮𝘪𝘵 𝘢𝘯𝘨 𝘱𝘢𝘨𝘩𝘪𝘩𝘪𝘨𝘢𝘯𝘵𝘪 𝘢𝘵 𝘢𝘯𝘨 𝘮𝘢𝘵𝘪𝘯𝘥𝘪 𝘯𝘪𝘺𝘢𝘯𝘨 𝘨𝘢𝘭𝘪𝘵. 𝗜𝗦𝗔𝗜𝗔𝗦 𝟱𝟵:𝟭𝟲–𝟭𝟳 Nang makita ng Diyos na walang taong namamagitan upang magdala ng katuwiran at katarungan sa lupa, pumarito Siya upang isakatuparan ang Kanyang misyon. Sa pamamagitan ng Kanyang kapangyarihan at katuwiran, naghatid Siya ng kaligtasan. Ang mga katagang isusuot Niya na parang damit ang paghihiganti at ang matindi Niyang galit ay tumutukoy sa ginawa Niyang paghatol sa mga nang-api sa Kanyang mamamayan. Hanggang sa araw na ito, alam natin na kumikilos ang Diyos upang ipatupad ang Kanyang katuwiran at katarungan. Paano mo naranasan ang pagiging tagapamagitan ng Diyos upang magkaroon ng katarungan sa sitwasyong pinagdaraanan mo? Paano ka nito nahimok na maghintay sa pagkilos ng Diyos upang magkaroon ng katarungan sa halip na kumilos sa sarili mong pamamaraan? 𝟯. 𝗔𝗻𝗴 𝗗𝗶𝘆𝗼𝘀 𝗮𝗻𝗴 𝗻𝗮𝗴𝗵𝗮𝗵𝗮𝘁𝗶𝗱 𝗻𝗴 𝗸𝗮𝘁𝘂𝘄𝗶𝗿𝗮𝗻 𝘀𝗮 𝗽𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗞𝗮𝗻𝘆𝗮𝗻𝗴 𝗧𝗮𝗴𝗮𝗽𝗮𝗴𝗹𝗶𝗴𝘁𝗮𝘀. 𝘚𝘪𝘯𝘢𝘣𝘪 𝘯𝘨 𝘗𝘈𝘕𝘎𝘐𝘕𝘖𝘖𝘕, “𝘋𝘢𝘳𝘢𝘵𝘪𝘯𝘨 𝘴𝘢 𝘡𝘪𝘰𝘯 𝘢𝘯𝘨 𝘮𝘢𝘨𝘭𝘪𝘭𝘪𝘨𝘵𝘢𝘴 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘭𝘢𝘩𝘪 𝘯𝘪 𝘑𝘢𝘤𝘰𝘣, 𝘢𝘵 𝘬𝘢𝘯𝘺𝘢𝘯𝘨 𝘪𝘭𝘪𝘭𝘪𝘨𝘵𝘢𝘴 𝘢𝘯𝘨 𝘮𝘨𝘢 𝘯𝘢𝘨𝘴𝘪𝘴𝘪𝘴𝘪 𝘴𝘢 𝘬𝘢𝘯𝘪𝘭𝘢𝘯𝘨 𝘮𝘨𝘢 𝘬𝘢𝘴𝘢𝘭𝘢𝘯𝘢𝘯.” 𝗜𝗦𝗔𝗜𝗔𝗦 𝟱𝟵:𝟮𝟬 Ipinangako ng Diyos ang pagpapadala ng Tagapagligtas para sa mga magsisisi at tatalikod sa kanilang mga kasalanan. Alam na natin na si Jesu-Cristo ang tinutukoy ng Diyos. Namatay si Jesus sa krus upang pagbayaran ang ating mga kasalanan. Bagama’t hindi Siya kailanman nagkasala, ibinuhos ng Diyos ang Kanyang poot kay Jesus upang maipatupad ang Kanyang katarungan. Tinanggap ni Jesus ang kaparusahan para sa ating mga kasalanan at ibinigay Niya sa atin ang Kanyang katuwiran. Tanging si Jesus lamang ang makakapagligtas sa atin at makakapagdala sa atin sa tamang ugnayan sa Diyos. Sa Isaias 59:21, makikitang ipinangako din ng Diyos sa Kanyang mga mamamayan na, “Hindi mawawala ang aking Espiritu na nasa inyo at ang mga salitang sinabi ko sa inyo. Sabihin ninyo ito sa inyong mga anak, at kailangang sabihin din ito ng inyong mga anak sa kanilang mga anak hanggang sa susunod pang mga henerasyon.” Ang ginawa para sa atin ng Tagapagligtas ay naipasa-pasa hanggang sa umabot ito sa atin at patuloy pa itong ibinabahagi sa mga tao sa buong mundo. Ano ang ginagawa mo sa kasalukuyan upang ipasa ang Espiritu at mga salita ng Diyos sa mga tao sa paligid mo? 𝗔𝗣𝗣𝗟𝗜𝗖𝗔𝗧𝗜𝗢𝗡 • Anong bahagi ng buhay mo o kaya ay ng lipunan ang pinaniniwalaan mong magkakaroon ng katarungang hatid ng Diyos? Hingin sa Diyos ang karunungan at kung ano ang nais Niyang gawin mo sa sitwasyong ito. • Pag-isipan ang Salmo 139:23–24 ngayong linggo. Hingin sa Diyos na ipakita sa iyo ang anumang nasa puso mo na hindi matuwid at ipanalanging palagi kang lalapit sa Kanya. • Sino sa mga kaibigan o miyembro ng pamilya mo ang sa palagay mo ay magkakaroon ng lakas ng loob kung maririnig niya ang mensahe ngayong araw? Paano mo siya mahihimok na magtiwala sa Diyos ngayong linggo? 𝗣𝗥𝗔𝗬𝗘𝗥 • Pasalamatan ang Diyos para sa inihahatid Niyang katuwiran at hustisya. Ipanalangin na gamitin ng Diyos ang mga taong nasa awtoridad upang tulungan ang mga inaapi at magkaroon ng hustisya sa ating bayan. • Hingin sa Diyos na ipakita sa iyo kung paano ka tumutugon sa kawalan ng katuwiran at hustisya sa paligid mo. Ipanalangin na bigyan ka Niya ng kakayahan upang tumugon nang may pananampalataya dahil alam mo na kumikilos Siya at maaari kang magsilbing mga kamay at paa Niya. • Ipanalangin ang isang taong kilala mo na alam mong dumaranas ng kawalan ng hustisya. Hingin sa Diyos na bigyan ka ng mga salitang magpapalakas ng kanyang loob upang magawa niyang magtiwala at maghintay sa pagkilos ng Diyos.

Tagumpay

𝗪𝗔𝗥𝗠-𝗨𝗣 • Balikan ang isang pagkakataon kung kailan sabik kang naghintay sa pag-uwi ng isang tao dahil alam mong may pasalubong siya sa iyo. Ano ang ginawa mo pagdating niya? • Sino ang pinakamasipag na taong kilala mo? Magbahagi ng isang ala-ala na nagpapaliwanag nito. • Naranasan mo na bang malagay sa isang nakakahiya o kaya ay mahirap na sitwasyon at kinailangang iligtas ka ng ibang tao mula sa sitwasyong ito? Ano ang nangyari? 𝗪𝗢𝗥𝗗 𝘔𝘢𝘬𝘪𝘯𝘪𝘨 𝘬𝘢𝘺𝘰! 𝘕𝘢𝘨𝘱𝘢𝘥𝘢𝘭𝘢 𝘯𝘨 𝘮𝘦𝘯𝘴𝘢𝘩𝘦 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰, 𝘯𝘢 𝘯𝘢𝘨𝘴𝘢𝘴𝘢𝘣𝘪, “𝘚𝘢𝘣𝘪𝘩𝘪𝘯 𝘯𝘪𝘯𝘺𝘰 𝘴𝘢 𝘭𝘢𝘩𝘢𝘵 𝘯𝘨 𝘵𝘢𝘨𝘢-𝘐𝘴𝘳𝘢𝘦𝘭 𝘯𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴 𝘢𝘺 𝘥𝘶𝘮𝘢𝘵𝘪𝘯𝘨 𝘯𝘢, 𝘢𝘵 𝘮𝘢𝘺 𝘥𝘢𝘭𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢. 𝘛𝘢𝘵𝘢𝘸𝘢𝘨𝘪𝘯 𝘴𝘪𝘭𝘢𝘯𝘨 ‘𝘉𝘢𝘯𝘢𝘭’ 𝘢𝘵 ‘𝘐𝘯𝘪𝘭𝘪𝘨𝘵𝘢𝘴 𝘯𝘨 𝘗𝘢𝘯𝘨𝘪𝘯𝘰𝘰𝘯.’ 𝘈𝘵 𝘢𝘯𝘨 𝘑𝘦𝘳𝘶𝘴𝘢𝘭𝘦𝘮 𝘯𝘢𝘮𝘢𝘯 𝘢𝘺 𝘵𝘢𝘵𝘢𝘸𝘢𝘨𝘪𝘯𝘨, ‘𝘓𝘶𝘯𝘨𝘴𝘰𝘥 𝘯𝘢 𝘗𝘪𝘯𝘢𝘯𝘢𝘯𝘢𝘣𝘪𝘬𝘢𝘯’ 𝘢𝘵 ‘𝘓𝘶𝘯𝘨𝘴𝘰𝘥 𝘯𝘢 𝘩𝘪𝘯𝘥𝘪 𝘯𝘢 𝘗𝘪𝘯𝘢𝘣𝘢𝘺𝘢𝘢𝘯.’ ” 𝗜𝗦𝗔𝗜𝗔𝗦 𝟲𝟮:𝟭𝟭–𝟭𝟮 (Basahin din ang 𝗜𝗦𝗔𝗜𝗔𝗦 𝟲𝟮:𝟴–𝟭𝟬.) Sa pag-aaral natin ng Isaias, paulit-ulit nating nakikita na nabigong tuparin ng mga mamamayan ng Diyos ang bahagi nila sa kasunduan. Kabaligtaran nito, ang Diyos ay palaging tumutupad sa kasunduan at sa pangakong ibinigay Niya sa Kanyang mamamayan. Sa pahayag na ito, inulit ng Diyos ang pangakong ibinigay Niya dati—palalayain Niya ang Kanyang mamamayan at itataguyod Niya ang Kanyang kasunduan sa kanila. Tatawagin silang 𝘓𝘶𝘯𝘨𝘴𝘰𝘥 𝘯𝘢 𝘗𝘪𝘯𝘢𝘯𝘢𝘯𝘢𝘣𝘪𝘬𝘢𝘯 𝘢𝘵 𝘓𝘶𝘯𝘨𝘴𝘰𝘥 𝘯𝘢 𝘩𝘪𝘯𝘥𝘪 𝘯𝘢 𝘗𝘪𝘯𝘢𝘣𝘢𝘺𝘢𝘢𝘯. Alam natin ngayon na tinupad ng Diyos ang pangakong ito sa pamamagitan ni Jesus. Ang lahat ng sinabi ng mga propeta tungkol sa Tagapagligtas ay natupad kay Cristo. Sa Kanya, natatanggap natin ang ating kaligtasan, tagumpay, at lahat ng pagpapala ng Diyos para sa atin. Sa araling ito, titingnan natin kung paano kumikilos ang Diyos upang tuparin ang Kanyang kasunduan sa Kanyang mamamayan. 𝟭. 𝗕𝗶𝗻𝗮𝗯𝗮𝗹𝗶𝗴𝘁𝗮𝗱 𝗻𝗴 𝗗𝗶𝘆𝗼𝘀 𝗮𝗻𝗴 𝗸𝗮𝗹𝗮𝗴𝗮𝘆𝗮𝗻 𝗻𝗴 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. 𝘕𝘢𝘯𝘨𝘢𝘬𝘰 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘯𝘢 𝘨𝘢𝘨𝘢𝘸𝘪𝘯 𝘯𝘪𝘺𝘢 𝘪𝘵𝘰 𝘴𝘢 𝘱𝘢𝘮𝘢𝘮𝘢𝘨𝘪𝘵𝘢𝘯 𝘯𝘨 𝘬𝘢𝘯𝘺𝘢𝘯𝘨 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘚𝘪𝘯𝘢𝘣𝘪 𝘯𝘪𝘺𝘢, “𝘏𝘪𝘯𝘥𝘪 𝘬𝘰 𝘯𝘢 𝘪𝘱𝘢𝘱𝘢𝘬𝘢𝘪𝘯 𝘢𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘵𝘳𝘪𝘨𝘰 𝘴𝘢 𝘪𝘯𝘺𝘰𝘯𝘨 𝘮𝘨𝘢 𝘥𝘢𝘺𝘶𝘩𝘢𝘯𝘨 𝘬𝘢𝘢𝘸𝘢𝘺. 𝘏𝘪𝘯𝘥𝘪 𝘯𝘢 𝘳𝘪𝘯 𝘯𝘪𝘭𝘢 𝘮𝘢𝘪𝘪𝘯𝘰𝘮 𝘢𝘯𝘨 𝘮𝘨𝘢 𝘣𝘢𝘨𝘰𝘯𝘨 𝘬𝘢𝘵𝘢𝘴 𝘯𝘨 𝘶𝘣𝘢𝘴 𝘯𝘢 𝘪𝘯𝘺𝘰𝘯𝘨 𝘱𝘪𝘯𝘢𝘨𝘩𝘪𝘳𝘢𝘱𝘢𝘯. 𝘒𝘢𝘺𝘰 𝘮𝘪𝘴𝘮𝘰𝘯𝘨 𝘯𝘢𝘨-𝘢𝘢𝘯𝘪 𝘯𝘨 𝘵𝘳𝘪𝘨𝘰 𝘢𝘯𝘨 𝘬𝘢𝘬𝘢𝘪𝘯 𝘯𝘪𝘵𝘰, 𝘢𝘵 𝘱𝘶𝘱𝘶𝘳𝘪𝘩𝘪𝘯 𝘯𝘪𝘯𝘺𝘰 𝘢𝘬𝘰. 𝘒𝘢𝘺𝘰 𝘮𝘪𝘴𝘮𝘰𝘯𝘨 𝘯𝘢𝘮𝘪𝘮𝘪𝘵𝘢𝘴 𝘯𝘨 𝘶𝘣𝘢𝘴 𝘢𝘯𝘨 𝘪𝘪𝘯𝘰𝘮 𝘯𝘨 𝘬𝘢𝘵𝘢𝘴 𝘯𝘪𝘵𝘰 𝘳𝘰𝘰𝘯 𝘴𝘢 𝘢𝘬𝘪𝘯𝘨 𝘵𝘦𝘮𝘱𝘭𝘰.” 𝗜𝗦𝗔𝗜𝗔𝗦 𝟲𝟮:𝟴–𝟵 Ang mga Israelita ay napilitang magbigay ng bahagi ng kanilang kinikita upang parangalan ang mga makapangyarihang bayan sa paligid nila. Ipinapakain nila ang kanilang mga trigo sa kanilang mga kaaway at ipinapainom ang katas ng kanilang ubas sa mga dayuhan. Sa pahayag na ito, nangako ang Diyos na babaligtarin Niya ang kanilang kalagayan. Ipinahayag Niya ang kaligtasan mula sa pang-aaping ito. Ikasisiya na ng mga Israelita ang bunga ng kanilang pinaghirapan at pupurihin nila ang Panginoon. Ginagawa din ito ng Diyos para sa atin sa kasalukuyan. Magagawa nating panghawakan ang Kanyang salita dahil kaya Niyang baligtarin ang ating mga kalagayan. Ayon sa Mga Taga-Roma 8:28, ano ang ipinangako para sa mga nagmamahal sa Diyos at tinawag ayon sa Kanyang layunin? 𝟮. 𝗡𝗮𝗴𝗵𝗮𝗵𝗮𝘁𝗶𝗱 𝗮𝗻𝗴 𝗗𝗶𝘆𝗼𝘀 𝗻𝗴 𝗸𝗮𝗹𝗮𝘆𝗮𝗮𝗻 𝗽𝗮𝗿𝗮 𝘀𝗮 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻. 𝘔𝘢𝘬𝘪𝘯𝘪𝘨 𝘬𝘢𝘺𝘰! 𝘕𝘢𝘨𝘱𝘢𝘥𝘢𝘭𝘢 𝘯𝘨 𝘮𝘦𝘯𝘴𝘢𝘩𝘦 𝘢𝘯𝘨 𝘗𝘈𝘕𝘎𝘐𝘕𝘖𝘖𝘕 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰, 𝘯𝘢 𝘯𝘢𝘨𝘴𝘢𝘴𝘢𝘣𝘪, “𝘚𝘢𝘣𝘪𝘩𝘪𝘯 𝘯𝘪𝘯𝘺𝘰 𝘴𝘢 𝘭𝘢𝘩𝘢𝘵 𝘯𝘨 𝘵𝘢𝘨𝘢-𝘐𝘴𝘳𝘢𝘦𝘭 𝘯𝘢 𝘢𝘯𝘨 𝘬𝘢𝘯𝘪𝘭𝘢𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴 𝘢𝘺 𝘥𝘶𝘮𝘢𝘵𝘪𝘯𝘨 𝘯𝘢, 𝘢𝘵 𝘮𝘢𝘺 𝘥𝘢𝘭𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢.” 𝗜𝗦𝗔𝗜𝗔𝗦 𝟲𝟮:𝟭𝟭 Paparating ang Diyos at Siya ay 𝘮𝘢𝘺 𝘥𝘢𝘭𝘢𝘯𝘨 𝘨𝘢𝘯𝘵𝘪𝘮𝘱𝘢𝘭𝘢. Ang Diyos ay palaging kumikilos upang magdala ng kaligtasan sa Kanyang mamamayan. Nagnanais din Siyang magbigay ng mga pagpapala at gantimpala hindi dahil karapat-dapat ang mga tao na tumanggap nito kundi dahil sa kung sino Siya. Matapat Siyang tumutupad sa Kanyang mga pangako at nagbibigay din Siya ng gantimpala. Ang mga ginawa at patuloy na ginagawa Niya ay maipapahayag 𝘴𝘢 𝘣𝘶𝘰𝘯𝘨 𝘮𝘶𝘯𝘥𝘰. Ipapadala ng Diyos ang Tagapagligtas, at makikita ng mga tao ang hatid Niyang kalayaan. Paano ginamit ng Diyos ang ibang tao upang ipahayag sa iyo ang Kanyang kaligtasan? 𝟯. 𝗔𝗻𝗴 𝗽𝗮𝗴𝗹𝗶𝗴𝘁𝗮𝘀 𝗻𝗴 𝗗𝗶𝘆𝗼𝘀 𝘀𝗮 𝗞𝗮𝗻𝘆𝗮𝗻𝗴 𝗺𝗮𝗺𝗮𝗺𝗮𝘆𝗮𝗻 𝗮𝘆 𝗺𝗮𝗸𝗶𝗸𝗶𝘁𝗮 𝗻𝗴 𝗹𝗮𝗵𝗮𝘁. “𝘛𝘢𝘵𝘢𝘸𝘢𝘨𝘪𝘯 𝘴𝘪𝘭𝘢𝘯𝘨 ‘𝘉𝘢𝘯𝘢𝘭’ 𝘢𝘵 ‘𝘐𝘯𝘪𝘭𝘪𝘨𝘵𝘢𝘴 𝘯𝘨 𝘗𝘈𝘕𝘎𝘐𝘕𝘖𝘖𝘕.’ 𝘈𝘵 𝘢𝘯𝘨 𝘑𝘦𝘳𝘶𝘴𝘢𝘭𝘦𝘮 𝘯𝘢𝘮𝘢𝘯 𝘢𝘺 𝘵𝘢𝘵𝘢𝘸𝘢𝘨𝘪𝘯𝘨, ‘𝘓𝘶𝘯𝘨𝘴𝘰𝘥 𝘯𝘢 𝘗𝘪𝘯𝘢𝘯𝘢𝘯𝘢𝘣𝘪𝘬𝘢𝘯’ 𝘢𝘵 ‘𝘓𝘶𝘯𝘨𝘴𝘰𝘥 𝘯𝘢 𝘩𝘪𝘯𝘥𝘪 𝘯𝘢 𝘗𝘪𝘯𝘢𝘣𝘢𝘺𝘢𝘢𝘯.’ ” 𝗜𝗦𝗔𝗜𝗔𝗦 𝟲𝟮:𝟭𝟮 Ang Diyos ay laging kumikilos upang tubusin ang Kanyang mamamayan at ibalik sila sa tamang ugnayan sa Kanya. Upang magawa ito, pinili Niya ang Israel upang maging Kanyang patotoo sa mundo. Ang Diyos ang maghahatid ng kalayaan sa Kanyang mamamayan, magtataguyod sa kanila sa lupain nila, at magpapatanyag sa kanila hindi lamang para sa kanilang kapakanan kundi upang makita at makilala din Siya ng iba pang grupo ng mga tao. Ipinadala Niya ang Kanyang Tagapagligtas—si Jesu-Cristo—sa pamamagitan ng mga Judio. Sila ay magiging lungsod na pinananabikan dahil nakipag-ugnayan sa kanila ang Diyos at hindi Niya sila kinamuhian sa kabila ng kanilang kasalanan at rebelyon. Makikita ng mga tao ang ginagawa ng Diyos sa kanilang mga buhay at hahangarin din nila ito. Tulad nito, nais ng Diyos na ipahayag ang Kanyang katotohanan sa pamamagitan natin. Sumusunod tayo sa Kanya at ipinapangaral natin ang Kanyang salita hindi dahil obligado tayong gawin ito kundi dahil sa Kanyang pagmamahal. Ang pagmamahal na nakipag-ugnayan sa atin ang nagtutulak sa ating makipag-ugnayan din ang iba. Ano ang sinasabi sa 2 Corinto 5:14–15 tungkol sa pagmamahal ni Cristo? 𝗔𝗣𝗣𝗟𝗜𝗖𝗔𝗧𝗜𝗢𝗡 • Anong bahagi ng buhay at pamilya mo ang ninanais mong baligtarin ng Diyos? Naniniwala ka ba na kayang gumawa ng Diyos ng isang himala sa isang sitwasyon na tila wala nang patutunguhan? Hingin sa Diyos na ipakita sa iyo kung ano ang ginagawa Niya para sa iyo sa pamamagitan ng sitwasyong ito. • Hingin sa Diyos na ipakita sa iyo ang motibo mo sa pangangaral ng ebanghelyo. Kung may ibang bagay maliban sa Kanyang pagmamahal na nagtutulak sa iyong gawin ito, hingin sa Kanya na baguhin ang puso mo at ibahagi sa iyo ang pagmamahal Niya para sa mga tao. • Sa iyong mga kapamilya at kaibigan, sino sa palagay mo ang nangangailangang makaranas ng tagumpay at kalayaan na ibinibigay ni Cristo? Hingin sa Diyos na bigyan ka ng mga pagkakataon upang maibahagi ang ginawa ni Cristo at upang maranasan din nila ang kalayaan. 𝗣𝗥𝗔𝗬𝗘𝗥 • Pasalamatan ang Diyos sa kalayaan na maaari nating matanggap kay Jesu-Cristo. Pasalamatan Siya dahil ginagawa ka Niyang bahagi ng Kanyang pagkilos upang makilala Siya ng iba at maranasan nila ang kalayaang inihahatid ni Jesus. • Ipanalangin na anuman ang sitwasyon mo, hindi mawawala ang pagkamangha mo sa ginawa ng Diyos upang ibalik tayo sa Kanya. Ipanalangin na ang Kanyang pagmamahal ang magtutulak sa iyo upang ipahayag ang ginawa ni Jesus sa krus para sa atin. • Hingin sa Diyos ang kalakasan at tapang upang maki-ugnay sa mga tao na maaari mong maimpluwensiyahan. Ipanalangin na lagi kang maging handang ibahagi ang pag-asa na mayroon ka kay Cristo.