𝗪𝗔𝗥𝗠-𝗨𝗣
• Sino ang pinakamagaling na taong kilala mo? Balikan ang pagkakataong nagpapaliwanag nito.
• Ikwento ang panahong natalo ang koponang gusto mo sa sports. Ano ang reaksyon mo?
• Ano ang pinakamalaking paligsahan o gawain na sinalihan mo? Ano ang kinailangan mo para dito, at ano ang naging bahagi mo dito?


𝗪𝗢𝗥𝗗
Sinabi niya, “Purihin ang Diyos magpakailanman. Siya ay matalino at makapangyarihan. Siya ang nagbabago ng panahon. Siya ang nagpapasya kung sino ang maghahari at siya rin ang nag-aalis sa kanila sa trono. Siya ang nagbibigay ng karunungan sa marurunong." DANIEL 2:20–21

Ano ang gagawin mo kung at kapag natalo sa eleksyon ang kandidatong sinusuportahan mo?

Patas ang tanong na ito. Dahil demokratiko ang eleksyon, alam na nating bahagi ng kabuuang proseso ng eleksyon ang pagkapanalo ng isa at pagkatalo ng iba. Ibig sabihin nito, lalabas ang opisyal na resulta ng eleksyon sa loob ng ilang araw matapos ang botohan, at marami sa atin ang mabibigo.

Walang may gustong matalo. Ngunit kung gusto nating panatilihin ang demokratikong pamumuhay, kailangan nating matuto kung paano maging mabuting talunan. At ang mga Kristiyano dapat ang nagpapakita kung paano matalo nang tama. Kung tutuusin, nagsimula ang pananampalataya natin sa inakalang pagkatalo ng mga tagasunod ni Cristo. Ang pagsisimula ng isang bagong relihiyon sa pagkamatay sa krus ay hindi karaniwan.

Dahil ibinigay natin ang ating pangunahing katapatan kay Haring Jesus, maaaring maging malalim ang pakikilahok ng mga Kristiyano sa eleksyon ngunit hindi pa rin sila madudurog kapag natalo ang kanilang kandidato. Noong nakita at naunawaan ni Daniel ang panaginip ni haring Nebucadnezar, pinuri niya ang Diyos dahil sa wakas, naintindihan na niya na ang pagpapalit ng mga hari at kaharian ay ginagabayan ng makapangyarihang kamay ng Diyos. Hindi man niya nagustuhan ang politika sa panahon niya, nalaman naman niyang nananatili ang mga layunin ng Diyos.

Bilang mga Kristiyano, ito ang postura na kailangan nating matutunan ngayong nakikilahok tayo sa eleksyon. Ipanalangin natin ang karunungan, kilalanin natin ang mga plataporma at track record ng mga kandidato, ikampanya natin ang mga programa, bumoto tayo nang malinis ang konsensya, at iwan natin ang resulta sa makapangyarihang kalooban ng Diyos. Kung manalo ang kandidato natin, ipagdiwang natin at ituloy natin ang buhay. Kung matalo ang kandidato natin, damdamin natin ang sakit at ituloy natin ang buhay. Ngayon, tingnan natin kung paano natin ito magagawa.

𝟭. 𝗔𝗹𝗮𝗹𝗮𝗵𝗮𝗻𝗶𝗻 𝗻𝗮 𝗮𝗻𝗴 𝗗𝗶𝘆𝗼𝘀 𝗮𝗻𝗴 𝗺𝗮𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻𝗴 𝗻𝗮𝗴𝘁𝗮𝘁𝗮𝗹𝗮𝗴𝗮 𝗻𝗴 𝗺𝗴𝗮 𝗵𝗮𝗿𝗶.
𝘚𝘪𝘯𝘢𝘣𝘪 𝘯𝘪𝘺𝘢, “𝘗𝘶𝘳𝘪𝘩𝘪𝘯 𝘢𝘯𝘨 𝘋𝘪𝘺𝘰𝘴 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯. 𝘚𝘪𝘺𝘢 𝘢𝘺 𝘮𝘢𝘵𝘢𝘭𝘪𝘯𝘰 𝘢𝘵 𝘮𝘢𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯. 𝘚𝘪𝘺𝘢 𝘢𝘯𝘨 𝘯𝘢𝘨𝘣𝘢𝘣𝘢𝘨𝘰 𝘯𝘨 𝘱𝘢𝘯𝘢𝘩𝘰𝘯. 𝘚𝘪𝘺𝘢 𝘢𝘯𝘨 𝘯𝘢𝘨𝘱𝘢𝘱𝘢𝘴𝘺𝘢 𝘬𝘶𝘯𝘨 𝘴𝘪𝘯𝘰 𝘢𝘯𝘨 𝘮𝘢𝘨𝘩𝘢𝘩𝘢𝘳𝘪 𝘢𝘵 𝘴𝘪𝘺𝘢 𝘳𝘪𝘯 𝘢𝘯𝘨 𝘯𝘢𝘨-𝘢𝘢𝘭𝘪𝘴 𝘴𝘢 𝘬𝘢𝘯𝘪𝘭𝘢 𝘴𝘢 𝘵𝘳𝘰𝘯𝘰. 𝘚𝘪𝘺𝘢 𝘢𝘯𝘨 𝘯𝘢𝘨𝘣𝘪𝘣𝘪𝘨𝘢𝘺 𝘯𝘨 𝘬𝘢𝘳𝘶𝘯𝘶𝘯𝘨𝘢𝘯 𝘴𝘢 𝘮𝘢𝘳𝘶𝘳𝘶𝘯𝘰𝘯𝘨." 𝗗𝗔𝗡𝗜𝗘𝗟 𝟮:𝟮𝟬–𝟮𝟭

Ang isang magandang bagay sa eleksyon ay may pribilehiyo tayong makisali sa isang makapangyarihang bagay na ginagawa ng Diyos sa ating bansa. Habang nakikilahok tayo sa pamamagitan ng pagboto, ang Diyos pa rin ang nagpapasya ng kakalabasan, na naaayon sa Kanyang disenyo at layunin. Ito ang naunawaan ni Daniel nang ipakita sa kanya ng Diyos ang panaginip ni Nebucadnezar.

Sa likod ng mga kilos ng tao at politikal na tagisan, ang Diyos ang makapangyarihang nagpapatupad ng Kanyang plano at layunin sa ating bansa. Ang ibig sabihin nito, walang resulta ng eleksyon na hindi planado. Walang nakakakuha ng makapangyarihang puwesto dahil lamang sa pagkakataon. Ang Diyos ang nagtatalaga sa mga tao sa sangay ng pamahalaan na naatasan sa pamamahala gayundin sa sangay na naatasan sa paggawa ng batas. Hindi man natin lubos na maintindihan kung paano matutupad ang plano ng Diyos, makasisiguro tayong mabuti at galing sa kagandahang-loob ang plano Niya sa lahat. Bilang mga mananampalataya, bakit dapat tayong tumingin sa Diyos at manalig sa Kanya, hindi sa tao? Bakit tayo makatutugon sa mga pangyayari sa ating bansa nang may katiyakan at kapayapaan?

𝟮. 𝗡𝗮𝗻𝗮𝗻𝗮𝘁𝗶𝗹𝗶 𝗮𝗻𝗴 𝗼𝗯𝗹𝗶𝗴𝗮𝘀𝘆𝗼𝗻𝗴 𝗶𝗽𝗮𝗻𝗮𝗹𝗮𝗻𝗴𝗶𝗻 𝗮𝗻𝗴 𝗮𝘁𝗶𝗻𝗴 𝗺𝗴𝗮 𝗽𝗶𝗻𝘂𝗻𝗼.
𝘜𝘯𝘢 𝘴𝘢 𝘭𝘢𝘩𝘢𝘵, 𝘪𝘱𝘪𝘯𝘢𝘱𝘢𝘬𝘪𝘶𝘴𝘢𝘱 𝘬𝘰𝘯𝘨 𝘪𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰. 𝘐𝘱𝘢𝘢𝘣𝘰𝘵 𝘯𝘪𝘯𝘺𝘰 𝘴𝘢 𝘋𝘪𝘺𝘰𝘴 𝘢𝘯𝘨 𝘬𝘢𝘩𝘪𝘭𝘪𝘯𝘨𝘢𝘯 𝘯ʼ𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢 𝘯𝘢𝘯𝘨 𝘮𝘢𝘺 𝘱𝘢𝘴𝘢𝘴𝘢𝘭𝘢𝘮𝘢𝘵. 𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘩𝘢𝘳𝘪 𝘢𝘵 𝘮𝘨𝘢 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘱𝘢𝘳𝘢 𝘮𝘢𝘬𝘢𝘱𝘢𝘮𝘶𝘩𝘢𝘺 𝘵𝘢𝘺𝘰 𝘯𝘢𝘯𝘨 𝘵𝘢𝘩𝘪𝘮𝘪𝘬 𝘢𝘵 𝘮𝘢𝘱𝘢𝘺𝘢𝘱𝘢 𝘯𝘢 𝘮𝘢𝘺 𝘬𝘢𝘣𝘢𝘯𝘢𝘭𝘢𝘯 𝘢𝘵 𝘵𝘢𝘮𝘢𝘯𝘨 𝘱𝘢𝘨-𝘶𝘶𝘨𝘢𝘭𝘪. 3𝘔𝘢𝘣𝘶𝘵𝘪 𝘪𝘵𝘰 𝘢𝘵 𝘯𝘢𝘬𝘢𝘭𝘶𝘭𝘶𝘨𝘰𝘥 𝘴𝘢 𝘋𝘪𝘺𝘰𝘴 𝘯𝘢 𝘢𝘵𝘪𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴. 𝟭 𝗧𝗜𝗠𝗢𝗧𝗘𝗢 𝟮:𝟭–𝟯

Anuman ang maging resulta ng eleksyon, manalo man o matalo ang mga kandidato natin, tinatawag pa rin ng Bibliya ang mga Kristiyano na ipanalangin ang lahat ng uri ng dasal para sa mga hari at ibang mas mababang pinuno (1 Timoteo 2:1–4). Nakakagulat ang paalalang ito kung maaalala nating isinulat ito ni Pablo noong emperador ng Roma si Nero. Kahit malupit, imoral, at naniniil o nang-uusig ng iglesya si Nero, tinawag pa rin ni Pablo ang mga Kristiyano na ipanalangin siya at ang iba pang pinunong gaya niya.

Ang obligasyon nating manalangin ay hindi nakasalalay sa kung gusto ba natin o hindi ang presidente ng ating bansa, kundi sa walang-hanggang salita ng Diyos. Ano ang maipapangako mong ipapanalangin para sa mga lider ng ating bansa? Paano mo sila ipapanalangin?

𝟯. 𝗞𝗮𝗶𝗹𝗮𝗻𝗴𝗮𝗻 𝗽𝗮 𝗿𝗶𝗻𝗴 𝗺𝗮𝗸𝗶𝗹𝗮𝗵𝗼𝗸 𝘀𝗮 𝗮𝗸𝘁𝘂𝘄𝗮𝗹 𝗻𝗮 𝗴𝗮𝘄𝗮𝗶𝗻 𝘂𝗽𝗮𝗻𝗴 𝗺𝗮𝗶𝘁𝗮𝘆𝗼 𝗮𝗻𝗴 𝗺𝗮𝗯𝘂𝘁𝗶𝗻𝗴 𝗹𝗶𝗽𝘂𝗻𝗮𝗻.
𝘐𝘬𝘪𝘯𝘶𝘸𝘦𝘯𝘵𝘰 𝘱𝘢 𝘴𝘢 𝘬𝘢𝘯𝘪𝘭𝘢 𝘯𝘪 𝘑𝘦𝘴𝘶𝘴 𝘢𝘯𝘨 𝘱𝘢𝘨𝘩𝘢𝘩𝘢𝘭𝘪𝘯𝘵𝘶𝘭𝘢𝘥 𝘯𝘢 𝘪𝘵𝘰: “𝘈𝘯𝘨 𝘬𝘢𝘩𝘢𝘳𝘪𝘢𝘯 𝘯𝘨 𝘋𝘪𝘺𝘰𝘴 𝘢𝘺 𝘬𝘢𝘵𝘶𝘭𝘢𝘥 𝘯𝘨 𝘪𝘴𝘢𝘯𝘨 𝘣𝘶𝘵𝘰 𝘯𝘨 𝘮𝘶𝘴𝘵𝘢𝘴𝘢 𝘯𝘢 𝘪𝘵𝘪𝘯𝘢𝘯𝘪𝘮 𝘯𝘨 𝘪𝘴𝘢𝘯𝘨 𝘵𝘢𝘰 𝘴𝘢 𝘬𝘢𝘯𝘺𝘢𝘯𝘨 𝘣𝘶𝘬𝘪𝘥. 𝘐𝘵𝘰 𝘢𝘯𝘨 𝘱𝘪𝘯𝘢𝘬𝘢𝘮𝘢𝘭𝘪𝘪𝘵 𝘴𝘢 𝘭𝘢𝘩𝘢𝘵 𝘯𝘨 𝘣𝘶𝘵𝘰. 𝘕𝘨𝘶𝘯𝘪𝘵 𝘬𝘢𝘱𝘢𝘨 𝘵𝘶𝘮𝘶𝘣𝘰 𝘢𝘵 𝘭𝘶𝘮𝘢𝘬𝘪 𝘯𝘢, 𝘯𝘢𝘨𝘪𝘨𝘪𝘯𝘨 𝘮𝘢𝘴 𝘮𝘢𝘵𝘢𝘢𝘴 𝘪𝘵𝘰 𝘬𝘢𝘺𝘴𝘢 𝘴𝘢 𝘪𝘣𝘢𝘯𝘨 𝘮𝘨𝘢 𝘩𝘢𝘭𝘢𝘮𝘢𝘯𝘨 𝘨𝘶𝘭𝘢𝘺, 𝘯𝘢 𝘱𝘢𝘳𝘢𝘯𝘨 𝘱𝘶𝘯𝘰𝘯𝘨𝘬𝘢𝘩𝘰𝘺 𝘢𝘯𝘨 𝘵𝘢𝘢𝘴, 𝘢𝘵 𝘱𝘪𝘯𝘶𝘱𝘶𝘨𝘢𝘳𝘢𝘯 𝘯𝘨 𝘮𝘨𝘢 𝘪𝘣𝘰𝘯 𝘢𝘯𝘨 𝘮𝘨𝘢 𝘴𝘢𝘯𝘨𝘢 𝘯𝘪𝘵𝘰.” 𝗠𝗔𝗧𝗘𝗢 𝟭𝟯:𝟯𝟭–𝟯𝟮

Kapag natalo ang kandidato mo sa eleksyon, nakakatuksong mainis, itigil ang pagtulong sa lipunan, at hindi na makialam sa politika. Ngunit, ang tawag sa ating maging asin at ilaw sa mundo ay hindi nakadepende sa politika. Ang tawag ng Kristyano na maging saksi para kay Cristo at sa ebanghelyo ay walang kinalaman sa kung sinuman ang nakaupo sa puwesto. Paulit-ulit na ipinakita sa atin ng kasaysayan na patuloy na lumalago ang iglesya kahit sa ilalim ng mga masasamang rehimen kung saan opisyal na ipinapatigil ang pamamahayag ng ebanghelyo. Bagama't mahalaga ang eleksyon, paano nagiging mahalaga ang mga taong nasa gitna ng mga eleksyon? Sa iyong palagay, bilang mga tagasunod ni Cristo, paano tayo dapat makilahok sa pagtataguyod ng ating bansa?


𝗔𝗣𝗣𝗟𝗜𝗖𝗔𝗧𝗜𝗢𝗡
• Paano ka tutugon sa mga bagay na hindi nangyayari ayon sa ninanais mo para sa iyong komunidad at bansa? Sa tingin mo, ano ang makatutulong sa iyo upang magtiwala sa kapangyarihan ng Diyos?
• Ano ang maipapangako mong ipapanalangin para sa mga lider ng ating bansa at sa pagtataguyod ng mabuting lipunan?
• Tukuyin ang ilang kaibigang kailangang makarinig ng mensaheng ito. Paano mo sila tutulungang magtiwala sa Diyos ngayong linggo?

𝗣𝗥𝗔𝗬𝗘𝗥
• Magpasalamat sa Diyos para sa Kanyang kapangyarihan, sa pamamahala Niya anuman ang mangyari at sinuman ang mamuno sa ating bansa. Ipahayag ang pagtitiwala mo sa Kanya.
• Ipanalangin ang karunungan, matuwid na pamumuno, at pagpapakumbaba para sa mga lider ng ating bansa. Ipanalangin natin na makilala at ipakilala nila ang Diyos.
• Ipanalangin na magtulungan ang mga mamamayan ng ating bansa upang maitatag ang isang mabuting lipunan, maging mga kinatawan ni Cristo, at makapagdisipulo.