𝗪𝗔𝗥𝗠-𝗨𝗣
• Magkwento tungkol sa kaibigan o minamahal mo sa buhay na madalas mong nakakausap (araw-araw o minsan sa isang linggo). Bakit mahalaga para sa iyo na makausap siya?
• Ano ang isang bagay na gusto mong makitang mangyari sa bansa mo? Bakit?
• Paano ka tumutugon kapag may mga nangyayari na hindi ayon sa kagustuhan mo? Ibahagi ang isang pangyayari na nagpapakita nito.


𝗪𝗢𝗥𝗗
𝘜𝘯𝘢 𝘴𝘢 𝘭𝘢𝘩𝘢𝘵, 𝘪𝘱𝘪𝘯𝘢𝘱𝘢𝘬𝘪𝘶𝘴𝘢𝘱 𝘬𝘰𝘯𝘨 𝘪𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰. 𝘐𝘱𝘢𝘢𝘣𝘰𝘵 𝘯𝘪𝘯𝘺𝘰 𝘴𝘢 𝘋𝘪𝘺𝘰𝘴 𝘢𝘯𝘨 𝘬𝘢𝘩𝘪𝘭𝘪𝘯𝘨𝘢𝘯 𝘯ʼ𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢 𝘯𝘢𝘯𝘨 𝘮𝘢𝘺 𝘱𝘢𝘴𝘢𝘴𝘢𝘭𝘢𝘮𝘢𝘵. 𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘩𝘢𝘳𝘪 𝘢𝘵 𝘮𝘨𝘢 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘱𝘢𝘳𝘢 𝘮𝘢𝘬𝘢𝘱𝘢𝘮𝘶𝘩𝘢𝘺 𝘵𝘢𝘺𝘰 𝘯𝘢𝘯𝘨 𝘵𝘢𝘩𝘪𝘮𝘪𝘬 𝘢𝘵 𝘮𝘢𝘱𝘢𝘺𝘢𝘱𝘢 𝘯𝘢 𝘮𝘢𝘺 𝘬𝘢𝘣𝘢𝘯𝘢𝘭𝘢𝘯 𝘢𝘵 𝘵𝘢𝘮𝘢𝘯𝘨 𝘱𝘢𝘨-𝘶𝘶𝘨𝘢𝘭𝘪. 𝘔𝘢𝘣𝘶𝘵𝘪 𝘪𝘵𝘰 𝘢𝘵 𝘯𝘢𝘬𝘢𝘭𝘶𝘭𝘶𝘨𝘰𝘥 𝘴𝘢 𝘋𝘪𝘺𝘰𝘴 𝘯𝘢 𝘢𝘵𝘪𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴. 𝘕𝘢𝘪𝘴 𝘯𝘪𝘺𝘢𝘯𝘨 𝘮𝘢𝘭𝘪𝘨𝘵𝘢𝘴 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰 𝘢𝘵 𝘮𝘢𝘭𝘢𝘮𝘢𝘯 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝟭 𝗧𝗜𝗠𝗢𝗧𝗘𝗢 𝟮:𝟭–𝟰

Kung naging aktibo ka sa 𝘴𝘰𝘤𝘪𝘢𝘭 𝘮𝘦𝘥𝘪𝘢 nitong mga nakaraang taon, maaaring alam mong kinukutya ng maraming tao ang ideya ng pananalangin bilang tugon sa mga isyung sosyo-politikal. “Ang pananalangin,” ayon sa kanilang pangangatwiran, “ay hindi sapat. Halos wala itong nagagawa sa totoong mundo. Isa lamang itong pahayag na nakasanayan nang sabihin ng maraming tao para itago ang hindi nila pagtugon sa mga trahedya at kawalan ng katarungan.”

Masakit ang akusasyong ito, hindi lang dahil totoo ito para sa ibang tao kundi dahil ipinapakita nito ang kakulangan nating harapin ang mga isyung panlipunan na hindi sakop ng ating kakayahan. Pero malamang na ito mismo ang punto.

Nananalangin tayo dahil kung mag-isa lang tayo, wala tayong kayamanan, kapangyarihan, panahon, at kapasidad upang makagawa ng mahahalagang bagay para sa lahat ng uri ng isyu sa lahat ng lugar at pagkakataon. Hindi tayo laging makagagawa ng mga 𝘳𝘦𝘭𝘪𝘦𝘧 𝘰𝘱𝘦𝘳𝘢𝘵𝘪𝘰𝘯 makapagbibigay ng mga 𝘤𝘰𝘶𝘯𝘴𝘦𝘭𝘪𝘯𝘨 𝘴𝘦𝘳𝘷𝘪𝘤𝘦, makatutulong sa mga 𝘢𝘯𝘪𝘮𝘢𝘭 𝘴𝘩𝘦𝘭𝘵𝘦𝘳, makalalaban sa pang-aabuso sa tahanan, at makagagawa ng mga 𝘸𝘦𝘣𝘪𝘯𝘢𝘳 tungkol sa 𝘮𝘦𝘯𝘵𝘢𝘭 𝘩𝘦𝘢𝘭𝘵𝘩 nang kasabay ang pagtatrabaho, pagpapalaki ng mga anak, pagdalo sa mga pagpupulong, pagluluto ng masustansyang pagkain, at pagboboluntaryo sa iglesya linggo-linggo. Kailangan nating piliin ang ilan sa pangangailangang kaya nating tugunan sa ating kapasidad at ibuhos sa mga ito ang ating lakas.

Dito natin kailangan ang pananalangin. Tuwing nagdarasal tayo, inaabot natin ang mga lugar at mga problemang hindi natin maaabot kung tayo lang. Tuwing nagdarasal tayo, inilalapit natin ang mga alalahanin natin sa trono ng ating Diyos. Siya lamang ang may hawak ng kapangyarihan sa lahat ng nasasakupan sa mundong ito. Dahil dito, ang pananalangin ay pagtanggap na tayo ay limitado at nangangailangan ng pagkilos ng Diyos sa gawain ng tao. Sa madaling salita, ang pagdarasal ay hindi lamang nararapat na tugon sa ating mga panlipunang suliranin. Ito dapat ang una at pangunahing tugon natin.

Ano ang kailangan nating ipanalangin? Depende sa mga pangangailangan natin ngayon, ganito natin masisimulang ipanalangin ang ating bansa:

𝟭. 𝗜𝗽𝗮𝗻𝗮𝗹𝗮𝗻𝗴𝗶𝗻 𝗮𝗻𝗴 𝗻𝗮𝘀𝗮 𝗯𝗮𝗹𝗶𝘁𝗮.
“𝘖 𝘋𝘪𝘺𝘰𝘴, 𝘱𝘢𝘬𝘪𝘯𝘨𝘨𝘢𝘯 𝘯ʼ𝘺𝘰 𝘢𝘬𝘰. 𝘛𝘪𝘯𝘨𝘯𝘢𝘯 𝘯ʼ𝘺𝘰 𝘢𝘯𝘨 𝘯𝘢𝘬𝘢𝘬𝘢𝘢𝘸𝘢 𝘯𝘢𝘮𝘪𝘯𝘨 𝘬𝘢𝘭𝘢𝘨𝘢𝘺𝘢𝘯 𝘢𝘵 𝘢𝘯𝘨 𝘸𝘢𝘴𝘢𝘬 𝘯ʼ𝘺𝘰𝘯𝘨 𝘣𝘢𝘺𝘢𝘯, 𝘬𝘶𝘯𝘨 𝘴𝘢𝘢𝘯 𝘬𝘪𝘯𝘪𝘬𝘪𝘭𝘢𝘭𝘢 𝘢𝘯𝘨 𝘪𝘺𝘰𝘯𝘨 𝘱𝘢𝘯𝘨𝘢𝘭𝘢𝘯. 𝘏𝘪𝘯𝘥𝘪 𝘬𝘢𝘮𝘪 𝘥𝘶𝘮𝘢𝘥𝘢𝘭𝘢𝘯𝘨𝘪𝘯 𝘴𝘢 𝘥𝘢𝘩𝘪𝘭𝘢𝘯𝘨 𝘬𝘢𝘮𝘪 𝘢𝘺 𝘮𝘢𝘵𝘶𝘸𝘪𝘥, 𝘬𝘶𝘯𝘥𝘪 𝘥𝘢𝘩𝘪𝘭 𝘴𝘢 𝘢𝘭𝘢𝘮 𝘯𝘢𝘮𝘪𝘯𝘨 𝘬𝘢𝘺𝘰 𝘢𝘺 𝘮𝘢𝘩𝘢𝘣𝘢𝘨𝘪𝘯.” 𝗗𝗔𝗡𝗜𝗘𝗟 𝟵:𝟭𝟴

Ang pinakamabisang paraan para mahanap ang listahan ng mga kailangang idulog sa panalangin para sa ating bansa ay ang pag-alam ng mga mahahalagang balita o mga trending na 𝘩𝘢𝘴𝘩𝘵𝘢𝘨 sa 𝘴𝘰𝘤𝘪𝘢𝘭 𝘮𝘦𝘥𝘪𝘢 Hindi man maipapakita ng mga ito ang buong realidad, ipinapakita ng mga ito ang dahilan ng takot at pagkabagabag ng mga mamamayang gaya natin. Tulad ni Daniel na lumapit sa Diyos alang-alang sa Jerusalem, ipanalangin natin ang mga alalahanin natin at magsumamo tayo para sa hustisya, paghilom, ginhawa, at probisyon para sa ating mga pangangailangan.
Marami ang matagal mag-isip ng mga 𝘱𝘳𝘢𝘺𝘦𝘳 𝘱𝘰𝘪𝘯𝘵 nila at pamamaraan ng pagdarasal na sa huli, nauuwi sila sa hindi pagdarasal. Ang kailangan lang natin para matutong manalangin ay magsimulang manalangin. Buksan mo ang mga labi mo at banggitin ang mga salitang gusto mong marinig ng Diyos. Halimbawa, maaari mong sabihing, “Panginoon, ang isyu na ito ay kawalan ng hustisya para sa mga mahihirap. Tumawag ka ng isang taong magtatanggol sa mga nagigipit sa bansang ito.”

Ano ang mga isyung panlipunan o mga kawalan ng hustisya na ipinagdasal mo noon? Bakit mo ipinagdasal ang mga ito?

𝟮. 𝗜𝗽𝗮𝗻𝗮𝗹𝗮𝗻𝗴𝗶𝗻 𝗮𝗻𝗴 𝗸𝗮𝗹𝗶𝗴𝘁𝗮𝘀𝗮𝗻 𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗴 𝗴𝗼𝗯𝘆𝗲𝗿𝗻𝗼.
𝘔𝘢𝘺 𝘪𝘴𝘢𝘯𝘨 𝘢𝘯𝘨𝘩𝘦𝘭 𝘯𝘨 𝘗𝘢𝘯𝘨𝘪𝘯𝘰𝘰𝘯 𝘯𝘢 𝘯𝘢𝘨𝘴𝘢𝘣𝘪 𝘬𝘢𝘺 𝘍𝘦𝘭𝘪𝘱𝘦, “𝘗𝘶𝘮𝘶𝘯𝘵𝘢 𝘬𝘢 𝘢𝘨𝘢𝘥 𝘴𝘢 𝘵𝘪𝘮𝘰𝘨, 𝘢𝘵 𝘴𝘶𝘯𝘥𝘢𝘯 𝘮𝘰 𝘢𝘯𝘨 𝘥𝘢𝘢𝘯 𝘯𝘢 𝘮𝘶𝘭𝘢 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘱𝘢𝘱𝘶𝘯𝘵𝘢𝘯𝘨 𝘎𝘢𝘻𝘢.” (𝘈𝘯𝘨 𝘥𝘢𝘢𝘯𝘨 𝘪𝘺𝘰𝘯 𝘢𝘺 𝘣𝘪𝘩𝘪𝘳𝘢 𝘯𝘢 𝘭𝘢𝘯𝘨 𝘥𝘢𝘢𝘯𝘢𝘯.) 𝘒𝘢𝘺𝘢 𝘶𝘮𝘢𝘭𝘪𝘴 𝘴𝘪 𝘍𝘦𝘭𝘪𝘱𝘦, 𝘢𝘵 𝘥𝘰𝘰𝘯 𝘢𝘺 𝘯𝘢𝘬𝘪𝘵𝘢 𝘯𝘪𝘺𝘢 𝘢𝘯𝘨 𝘵𝘢𝘰𝘯𝘨 𝘵𝘢𝘨𝘢-𝘌𝘵𝘪𝘰𝘱𝘪𝘢. 𝘗𝘢𝘶𝘸𝘪 𝘯𝘢 𝘪𝘵𝘰 𝘨𝘢𝘭𝘪𝘯𝘨 𝘴𝘢 𝘑𝘦𝘳𝘶𝘴𝘢𝘭𝘦𝘮 𝘬𝘶𝘯𝘨 𝘴𝘢𝘢𝘯 𝘴𝘪𝘺𝘢 𝘴𝘶𝘮𝘢𝘮𝘣𝘢 𝘴𝘢 𝘋𝘪𝘺𝘰𝘴. 𝘔𝘢𝘵𝘢𝘢𝘴 𝘢𝘯𝘨 𝘬𝘢𝘯𝘺𝘢𝘯𝘨 𝘵𝘶𝘯𝘨𝘬𝘶𝘭𝘪𝘯 𝘥𝘢𝘩𝘪𝘭 𝘴𝘪𝘺𝘢 𝘢𝘯𝘨 𝘱𝘪𝘯𝘢𝘨𝘬𝘢𝘬𝘢𝘵𝘪𝘸𝘢𝘭𝘢𝘢𝘯 𝘯𝘨 𝘬𝘢𝘺𝘢𝘮𝘢𝘯𝘢𝘯 𝘯𝘨 𝘊𝘢𝘯𝘥𝘢𝘤𝘦. (𝘈𝘯𝘨 𝘊𝘢𝘯𝘥𝘢𝘤𝘦 𝘢𝘺 𝘳𝘦𝘺𝘯𝘢 𝘯𝘨 𝘌𝘵𝘪𝘰𝘱𝘪𝘢.) 𝘕𝘢𝘬𝘢𝘴𝘢𝘬𝘢𝘺 𝘴𝘪𝘺𝘢 𝘴𝘢 𝘬𝘢𝘯𝘺𝘢𝘯𝘨 𝘬𝘢𝘳𝘸𝘢𝘩𝘦 𝘢𝘵 𝘯𝘢𝘨𝘣𝘢𝘣𝘢𝘴𝘢 𝘯𝘨 𝘢𝘬𝘭𝘢𝘵 𝘯𝘪 𝘗𝘳𝘰𝘱𝘦𝘵𝘢 𝘐𝘴𝘢𝘪𝘢𝘴. 𝘚𝘪𝘯𝘢𝘣𝘪 𝘯𝘨 𝘉𝘢𝘯𝘢𝘭 𝘯𝘢 𝘌𝘴𝘱𝘪𝘳𝘪𝘵𝘶 𝘬𝘢𝘺 𝘍𝘦𝘭𝘪𝘱𝘦, “𝘗𝘶𝘯𝘵𝘢𝘩𝘢𝘯 𝘮𝘰 𝘢𝘵 𝘮𝘢𝘬𝘪𝘴𝘢𝘣𝘢𝘺 𝘬𝘢 𝘴𝘢 𝘬𝘢𝘯𝘺𝘢𝘯𝘨 𝘬𝘢𝘳𝘸𝘢𝘩𝘦.” 𝗠𝗚𝗔 𝗚𝗔𝗪𝗔 𝟴:𝟮𝟲–𝟮𝟵

Ang kwento ng isang opisyal na taga-Etiopia ay isa sa mga kamangha-manghang kwento ng pagbabagong-loob sa Bagong Tipan. Sinabihan ng anghel ng Panginoon ang ebanghelistang si Felipe na ipangaral ang ebanghelyo sa opisyal ng Etiopia na naglalakbay noong panahong ito. Bagama't ang kuwento sa Bibliya ay nagtapos sa pagbabautismo ng opisyal, makikita sa kasaysayan na pagkaraan ng ilang siglo, nagkaroon ng masiglang iglesya sa Etiopia. Iniuugnay ito ng mga mananalaysay sa nangyari sa opisyal na binanggit sa ikawalong kabanata ng Mga Gawa. Ipinapakita nito na ang kaligtasan ng isang taong nasa maimpluwensyang posisyon ay maaaring gamitin ng Diyos upang pagpalain ang buong bansa.
Ilang dekada matapos ang pagbabalik-loob sa Panginoon ng opisyal ng Etiopia, dumaan ang iglesya sa panahon ng matinding pag-uusig sa mga kamay ng mga Romanong emperador. Ang mga tagasunod ni Jesus ay napilitang magtago, sapilitang pinalaban sa 𝘢𝘳𝘦𝘯𝘢 bilang mga 𝘨𝘭𝘢𝘥𝘪𝘢𝘵𝘰𝘳, at sinunog bilang mga pailaw sa mga hapunang pagtitipon o kasiyahan sa imperyo. Isang araw, nakipaglaban sa giyera sa ibang lugar ang Romanong emperador na si Constantine at nakita niya ang simbolo ng krus sa langit. Nang bumalik siyang matagumpay, tinanggap niya ang Kristiyanismo at itinanghal ito bilang opisyal na relihiyon sa buong estado. Maraming mananalaysay ang nagtatanong kung totoo nga bang naging tagasunod ni Jesus si Constantine, pero hindi maitatanggi ninuman na dahil sa kanya, ipinagbawal ang pagpapako sa krus, labanan ng mga 𝘨𝘭𝘢𝘥𝘪𝘢𝘵𝘰𝘳, pag-abandona sa mga sanggol, at panggagahasa. Ngayon, sa mismong ampiteatro kung saan libu-libong Kristiyano ang isinakripisyo para sa isang 𝘴𝘱𝘰𝘳𝘵 o aliwan, nakatayo ang isang malaking krus—isang tahimik na pagpapatotoo na kapag ang mga namumuno sa politika ay binago ng salita ng Diyos, maaaring magbago ang buong bansa. Paano nagbago ang isang bansa dahil sa pagsunod ni Felipe sa Banal na Espiritu? Sa palagay mo, paano babaguhin ng pagsunod natin ang ating bansa?

𝟯. 𝗜𝗽𝗮𝗻𝗮𝗹𝗮𝗻𝗴𝗶𝗻 𝗮𝗻𝗴 𝗽𝗮𝗴𝗸𝗮𝗸𝗮𝗿𝗼𝗼𝗻 𝗻𝗴 𝗺𝗴𝗮 𝗺𝗮𝗸𝗮𝘁𝗮𝗿𝘂𝗻𝗴𝗮𝗻 𝗮𝘁 𝗺𝗮𝘁𝗮𝗽𝗮𝘁 𝗻𝗮 𝗽𝗼𝗹𝗶𝘀𝗶𝘆𝗮.
𝘛𝘪𝘨𝘪𝘭𝘢𝘯 𝘯𝘢 𝘯𝘪𝘯𝘺𝘰 𝘢𝘯𝘨 𝘮𝘢𝘪𝘯𝘨𝘢𝘺 𝘯𝘪𝘯𝘺𝘰𝘯𝘨 𝘢𝘸𝘪𝘵𝘢𝘯. 𝘈𝘺𝘰𝘬𝘰𝘯𝘨 𝘮𝘢𝘬𝘪𝘯𝘪𝘨 𝘴𝘢 𝘵𝘶𝘨𝘵𝘰𝘨 𝘯𝘨 𝘪𝘯𝘺𝘰𝘯𝘨 𝘮𝘨𝘢 𝘢𝘭𝘱𝘢. 𝘚𝘢 𝘩𝘢𝘭𝘪𝘱, 𝘯𝘢𝘪𝘴 𝘬𝘰𝘯𝘨 𝘮𝘢𝘬𝘪𝘵𝘢 𝘯𝘢 𝘱𝘪𝘯𝘢𝘪𝘪𝘳𝘢𝘭 𝘯𝘪𝘯𝘺𝘰 𝘢𝘯𝘨 𝘬𝘢𝘵𝘢𝘳𝘶𝘯𝘨𝘢𝘯 𝘢𝘵 𝘢𝘯𝘨 𝘬𝘢𝘵𝘶𝘸𝘪𝘳𝘢𝘯 𝘯𝘢 𝘱𝘢𝘳𝘢𝘯𝘨 𝘪𝘭𝘰𝘨 𝘯𝘢 𝘱𝘢𝘵𝘶𝘭𝘰𝘺 𝘯𝘢 𝘶𝘮𝘢𝘢𝘨𝘰𝘴. 𝗔𝗠𝗢𝗦 𝟱:𝟮𝟯–𝟮𝟰

Pinuna ni Amos, isa sa mga propeta sa Lumang Tipan, ang mababaw na espirituwalidad ng mga mamamayan ng Israel habang pinahihintulutan nila na maging normal ang kawalan ng hustisya at kasamaan sa lipunan. Ang pagpuna niya sa Israel ay dapat ding ipahayag ng mga iglesya ngayon: hindi mapupunan ng malakas na pag-awit at pagsamba sa Diyos ang pagpapahintulot natin na umiral ang kawalan ng husisya at kasamaan sa ating bansa. Kailangang kumilos ng mga mamamayan ng Diyos at kabilang sa pagkilos na ito ang pagdarasal at pakikibahagi sa mga nangyayari sa lipunan. Ang pagdarasal ay isang uri ng pagpoprotesta sa pinakamataas na awtoridad sa buong sanlibutan, at ang pakikilahok naman sa mga nagaganap sa lipunan ay isang uri ng pagpoprotesta sa may awtoridad sa isang lugar.

Ang uring ito ng pagdarasal at pakikilahok sa mga nangyayari sa lipunan ay naglalayong hikayatin ang mga may kapangyarihan na sumulat at magpatupad ng mga batas na nagtataguyod ng hustisya para sa mga mahihirap at katuwiran para sa mga nangangailangan. Ano ang isa sa pinakamalalaking pahirap sa iyong bansa, at ano ang panalangin mo para dito?

𝟰. 𝗜𝗽𝗮𝗻𝗮𝗹𝗮𝗻𝗴𝗶𝗻 𝗮𝗻𝗴 𝗺𝗮𝗸𝗮-𝗗𝗶𝘆𝗼𝘀 𝗻𝗮 𝗽𝗮𝗺𝘂𝗺𝘂𝗻𝗼 𝗮𝘁 𝗮𝗻𝗴 𝗽𝗮𝗴-𝘂𝗻𝗹𝗮𝗱 𝗻𝗴 𝗹𝗮𝗵𝗮𝘁.
𝘜𝘯𝘢 𝘴𝘢 𝘭𝘢𝘩𝘢𝘵, 𝘪𝘱𝘪𝘯𝘢𝘱𝘢𝘬𝘪𝘶𝘴𝘢𝘱 𝘬𝘰𝘯𝘨 𝘪𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰. 𝘐𝘱𝘢𝘢𝘣𝘰𝘵 𝘯𝘪𝘯𝘺𝘰 𝘴𝘢 𝘋𝘪𝘺𝘰𝘴 𝘢𝘯𝘨 𝘬𝘢𝘩𝘪𝘭𝘪𝘯𝘨𝘢𝘯 𝘯ʼ𝘺𝘰 𝘱𝘢𝘳𝘢 𝘴𝘢 𝘬𝘢𝘯𝘪𝘭𝘢 𝘯𝘢𝘯𝘨 𝘮𝘢𝘺 𝘱𝘢𝘴𝘢𝘴𝘢𝘭𝘢𝘮𝘢𝘵. 𝘐𝘱𝘢𝘯𝘢𝘭𝘢𝘯𝘨𝘪𝘯 𝘯ʼ𝘺𝘰 𝘢𝘯𝘨 𝘮𝘨𝘢 𝘩𝘢𝘳𝘪 𝘢𝘵 𝘮𝘨𝘢 𝘮𝘢𝘺 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘱𝘢𝘳𝘢 𝘮𝘢𝘬𝘢𝘱𝘢𝘮𝘶𝘩𝘢𝘺 𝘵𝘢𝘺𝘰 𝘯𝘢𝘯𝘨 𝘵𝘢𝘩𝘪𝘮𝘪𝘬 𝘢𝘵 𝘮𝘢𝘱𝘢𝘺𝘢𝘱𝘢 𝘯𝘢 𝘮𝘢𝘺 𝘬𝘢𝘣𝘢𝘯𝘢𝘭𝘢𝘯 𝘢𝘵 𝘵𝘢𝘮𝘢𝘯𝘨 𝘱𝘢𝘨-𝘶𝘶𝘨𝘢𝘭𝘪. 𝘔𝘢𝘣𝘶𝘵𝘪 𝘪𝘵𝘰 𝘢𝘵 𝘯𝘢𝘬𝘢𝘭𝘶𝘭𝘶𝘨𝘰𝘥 𝘴𝘢 𝘋𝘪𝘺𝘰𝘴 𝘯𝘢 𝘢𝘵𝘪𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴. 4𝘕𝘢𝘪𝘴 𝘯𝘪𝘺𝘢𝘯𝘨 𝘮𝘢𝘭𝘪𝘨𝘵𝘢𝘴 𝘢𝘯𝘨 𝘭𝘢𝘩𝘢𝘵 𝘯𝘨 𝘵𝘢𝘰 𝘢𝘵 𝘮𝘢𝘭𝘢𝘮𝘢𝘯 𝘢𝘯𝘨 𝘬𝘢𝘵𝘰𝘵𝘰𝘩𝘢𝘯𝘢𝘯. 𝟭 𝗧𝗜𝗠𝗢𝗧𝗘𝗢 𝟮:𝟭–𝟰

May ilang taong hindi sumasang-ayon sa ideya ng pananalangin para sa mga lider na hindi naman ginagawa kung ano ang tama para sa mga nasasakupan niya. Minsan ay mas madaling insultuhin at sumpain ang mga taong ito kaysa ipanalangin sa Diyos na baguhin ang kanilang mga isipan. Ngunit sa liham niya para kay Timoteo, hinimok ni Pablo ang iglesya na ipagdasal ang mga taong may kapangyarihan, kahit pa ang emperador noong panahong ito ay si Nero, isa sa mga pinakamalupit na tagapag-usig ng iglesya. Ang ganitong pananalangin ay nagdudulot ng mapayapa at tahimik na buhay para sa mas nakararami.
Sa madaling salita, itinuturo ng Bibliya ang kaugnayan ng maka-Diyos na pamumuno sa kalidad ng buhay ng mga ordinaryong mamamayan. Kapag ipinagdarasal natin ang ating mga pinuno, ipinapanalangin din natin na pagpalain ng Diyos ang buong bansa. Ano ang 𝘮𝘢𝘣𝘶𝘵𝘪 𝘢𝘵 𝘯𝘢𝘬𝘢𝘭𝘶𝘭𝘶𝘨𝘰𝘥 𝘴𝘢 𝘋𝘪𝘺𝘰𝘴 𝘯𝘢 𝘢𝘵𝘪𝘯𝘨 𝘛𝘢𝘨𝘢𝘱𝘢𝘨𝘭𝘪𝘨𝘵𝘢𝘴? Ano ang nais ng Diyos?


𝗔𝗣𝗣𝗟𝗜𝗖𝗔𝗧𝗜𝗢𝗡
• Ipinagdarasal mo ba ang iyong bansa at ang mga opisyal ng gobyerno? Bakit oo o bakit hindi? Ano ang isang bagay na gusto mong simulang gawin, ayon sa paksa ngayon?
• Ano ang dalangin mo para sa ating bansa? Saan ito nakaangkla o konektado?
• Hilingin sa dalawa o tatlo mong kaibigan na manalangin kasama mo para sa gobyerno ng iyong bansa. Itakda ngayong linggo kung ano ang ipagdarasal ninyo at kung gaano kadalas kayo magdarasal nang magkakasama.


𝗣𝗥𝗔𝗬𝗘𝗥
• Magpasalamat sa Diyos para sa banal na layunin Niya para sa iyong bansa. Manalangin at manalig na tutuparin ito ng Diyos.
• Ipanalangin ang mga opisyal ng gobyernong alam mo ang pangalan. Hilingin sa Diyos na mapalibutan sila ng mga maka-Diyos na impluwensya. Ipagdasal na maligtas sila at maipatupad nila ang mga makatarungan at matuwid na polisiya sa bansa.
• Ipanalangin ang pag-unlad ng mga mamamayan sa iyong bansa. Ipanalangin na makilala nila si Cristo at maipakilala nila Siya sa iba pang tao.