𝗪𝗔𝗥𝗠 𝗨𝗣

• Kapag may mga bagay o tao na nag-aagawan sa atensyon o pinagkukunang-yaman mo, paano mo pinipili kung ano ang uunahin?

• Isipin ang isang pagkakataong nasa pagitan ka ng isang bagay na kailangan mo at isang gusto mo, at kailangan mong pumili. Ano ang pinili mo at bakit?

• Naranasan mo na bang manindigan para sa isang bagay na mahirap o opinyon na hindi sinasang-ayunan nang karamihan? Ano ang nangyari at paano ito nakaapekto sa mga relasyon mo?

𝗪𝗢𝗥𝗗

𝘚𝘪𝘯𝘢𝘣𝘪 𝘴𝘢 𝘬𝘢𝘯𝘺𝘢 𝘯𝘪 𝘗𝘦𝘥𝘳𝘰, “𝘗𝘢𝘢𝘯𝘰 𝘯𝘢𝘮𝘢𝘯 𝘱𝘰 𝘬𝘢𝘮𝘪? 𝘐𝘯𝘪𝘸𝘢𝘯 𝘯𝘢𝘮𝘪𝘯 𝘢𝘯𝘨 𝘭𝘢𝘩𝘢𝘵 𝘶𝘱𝘢𝘯𝘨 𝘴𝘶𝘮𝘶𝘯𝘰𝘥 𝘴𝘢 𝘪𝘯𝘺𝘰.” 𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘵𝘰𝘵𝘰𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘨-𝘪𝘸𝘢𝘯 𝘯𝘨 𝘣𝘢𝘩𝘢𝘺, 𝘮𝘨𝘢 𝘬𝘢𝘱𝘢𝘵𝘪𝘥, 𝘮𝘨𝘢 𝘮𝘢𝘨𝘶𝘭𝘢𝘯𝘨, 𝘮𝘨𝘢 𝘢𝘯𝘢𝘬, 𝘰 𝘮𝘨𝘢 𝘭𝘶𝘱𝘢 𝘥𝘢𝘩𝘪𝘭 𝘴𝘢 𝘢𝘬𝘪𝘯 𝘢𝘵 𝘴𝘢 𝘔𝘢𝘨𝘢𝘯𝘥𝘢𝘯𝘨 𝘉𝘢𝘭𝘪𝘵𝘢 𝘢𝘺 𝘵𝘢𝘵𝘢𝘯𝘨𝘨𝘢𝘱 𝘴𝘢 𝘱𝘢𝘯𝘢𝘩𝘰𝘯𝘨 𝘪𝘵𝘰 𝘯𝘨 𝘮𝘢𝘴 𝘮𝘢𝘳𝘢𝘮𝘪 𝘱𝘢 𝘬𝘢𝘺𝘴𝘢 𝘴𝘢 𝘬𝘢𝘯𝘺𝘢𝘯𝘨 𝘪𝘯𝘪𝘸𝘢𝘯: 𝘮𝘨𝘢 𝘣𝘢𝘩𝘢𝘺, 𝘮𝘨𝘢 𝘬𝘢𝘱𝘢𝘵𝘪𝘥, 𝘮𝘨𝘢 𝘪𝘯𝘢, 𝘮𝘨𝘢 𝘢𝘯𝘢𝘬, 𝘮𝘨𝘢 𝘭𝘶𝘱𝘢, 𝘱𝘢𝘵𝘪 𝘮𝘨𝘢 𝘱𝘢𝘨-𝘶𝘶𝘴𝘪𝘨. 𝘈𝘵 𝘵𝘢𝘵𝘢𝘯𝘨𝘨𝘢𝘱 𝘥𝘪𝘯 𝘴𝘪𝘺𝘢 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯 𝘴𝘢 𝘥𝘢𝘳𝘢𝘵𝘪𝘯𝘨 𝘯𝘢 𝘱𝘢𝘯𝘢𝘩𝘰𝘯.” 𝗠𝗔𝗥𝗖𝗢𝗦 𝟭𝟬:𝟮𝟴–𝟯𝟬

Matapos makipag-usap ni Jesus sa isang mayamang batang pinuno na hindi kayang iwan ang kanyang yaman (Marcos 10:17–22), sinabi ni Pedro kay Jesus na iniwan ng mga disipulo ang lahat para sumunod sa Kanya. Tiniyak ni Jesus sa kanila na ang sinumang magsasakripisyo ng mga relasyon o ari-arian para sa Kanya at sa ebanghelyo ay tatanggap ng maraming pagpapala—sa buhay dito sa mundo sa pamamagitan ng espirituwal na pamilya at ng mga biyaya mula sa Kanyang kaharian, at maging sa darating na buhay, ang buhay na walang hanggan. Sa araw na ‘to, titingnan natin ang tatlong bagay kung saan dapat nating unahin si Jesus.

𝟭. 𝗔𝗻𝗴 𝗽𝗮𝗴𝘀𝘂𝗻𝗼𝗱 𝗸𝗮𝘆 𝗝𝗲𝘀𝘂𝘀 𝗮𝘆 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻𝗴 𝘂𝘂𝗻𝗮𝗵𝗶𝗻 𝗻𝗮𝘁𝗶𝗻 𝗦𝗶𝘆𝗮 𝗸𝗮𝘆𝘀𝗮 𝘀𝗮 𝗮𝘁𝗶𝗻𝗴 𝗺𝗴𝗮 𝗮𝗿𝗶-𝗮𝗿𝗶𝗮𝗻.

𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘵𝘰𝘵𝘰𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘨-𝘪𝘸𝘢𝘯 𝘯𝘨 𝘣𝘢𝘩𝘢𝘺, 𝘮𝘨𝘢 𝘬𝘢𝘱𝘢𝘵𝘪𝘥, 𝘮𝘨𝘢 𝘮𝘢𝘨𝘶𝘭𝘢𝘯𝘨, 𝘮𝘨𝘢 𝘢𝘯𝘢𝘬, 𝘰 𝘮𝘨𝘢 𝘭𝘶𝘱𝘢 𝘥𝘢𝘩𝘪𝘭 𝘴𝘢 𝘢𝘬𝘪𝘯 𝘢𝘵 𝘴𝘢 𝘔𝘢𝘨𝘢𝘯𝘥𝘢𝘯𝘨 𝘉𝘢𝘭𝘪𝘵𝘢 . . .” 𝗠𝗔𝗥𝗖𝗢𝗦 𝟭𝟬:𝟮𝟵

Sinabi ni Jesus na bilang Kanyang mga disipulo, kailangan ay handa tayong talikuran ang mga materyal na bagay para sa ebanghelyo. Hindi ito nangangahulugan na tatanggihan na natin ang lahat ng bagay. Ibig sabihin lang ay walang anumang bagay—yaman man o ari-arian—na mas mahalaga kaysa sa debosyon natin kay Jesus at sa Kanyang misyon. Ang pagsunod kay Cristo ay nangangahulugang Siya ang pinakamahalaga sa lahat, at kinikilala natin na ang Kanyang kaharian at mga gantimpala ay mas mahalaga kaysa sa anumang bagay sa mundo. Sa Filipos 3:7–8, paano inilarawan ni Pablo ang mga bagay na kailangang isuko para makamtan si Cristo?

𝟮. 𝗔𝗻𝗴 𝗽𝗮𝗴𝘀𝘂𝗻𝗼𝗱 𝗸𝗮𝘆 𝗝𝗲𝘀𝘂𝘀 𝗮𝘆 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻𝗴 𝘂𝘂𝗻𝗮𝗵𝗶𝗻 𝗻𝗮𝘁𝗶𝗻 𝗦𝗶𝘆𝗮 𝗸𝗮𝘆𝘀𝗮 𝘀𝗮 𝗮𝘁𝗶𝗻𝗴 𝗺𝗴𝗮 𝗿𝗲𝗹𝗮𝘀𝘆𝗼𝗻.

𝘚𝘶𝘮𝘢𝘨𝘰𝘵 𝘴𝘪 𝘑𝘦𝘴𝘶𝘴, “𝘚𝘪𝘯𝘢𝘴𝘢𝘣𝘪 𝘬𝘰 𝘴𝘢 𝘪𝘯𝘺𝘰 𝘢𝘯𝘨 𝘵𝘰𝘵𝘰𝘰, 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘨-𝘪𝘸𝘢𝘯 𝘯𝘨 𝘣𝘢𝘩𝘢𝘺, 𝘮𝘨𝘢 𝘬𝘢𝘱𝘢𝘵𝘪𝘥, 𝘮𝘨𝘢 𝘮𝘢𝘨𝘶𝘭𝘢𝘯𝘨, 𝘮𝘨𝘢 𝘢𝘯𝘢𝘬, 𝘰 𝘮𝘨𝘢 𝘭𝘶𝘱𝘢 𝘥𝘢𝘩𝘪𝘭 𝘴𝘢 𝘢𝘬𝘪𝘯 𝘢𝘵 𝘴𝘢 𝘔𝘢𝘨𝘢𝘯𝘥𝘢𝘯𝘨 𝘉𝘢𝘭𝘪𝘵𝘢 . . .” 𝗠𝗔𝗥𝗖𝗢𝗦 𝟭𝟬:𝟮𝟵

Sinabi ni Jesus na may pagpapala para sa mga nag-iwan ng pamilya—magulang, anak, at kapatid—para sa Kanya at sa ebanghelyo. Hindi ibig sabihin nito na hindi mahalaga ang pamilya natin. Ang ibig sabihin ay kailangan muna nating unahin si Jesus bago ang lahat, kabilang na dito ang mga mahal natin sa buhay. Itinuturo ni Jesus na ang kaharian ng Diyos ay mas mahalaga kaysa sa lahat ng ating mga relasyon dahil ang buhay at walang hanggang gantimpala ay nagmumula sa Diyos. Ikwento ang isang pagkakataon na kinailangan mong unahin si Jesus kaysa sa mga mahal mo sa buhay.

𝟯. 𝗔𝗻𝗴 𝗽𝗮𝗴𝘀𝘂𝗻𝗼𝗱 𝗸𝗮𝘆 𝗝𝗲𝘀𝘂𝘀 𝗮𝘆 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻𝗴 𝘂𝘂𝗻𝗮𝗵𝗶𝗻 𝗻𝗮𝘁𝗶𝗻 𝗦𝗶𝘆𝗮 𝗸𝗮𝗵𝗶𝘁 𝗽𝗮 𝗺𝗮𝘆 𝗽𝗮𝗴𝘁𝘂𝘁𝗼𝗹.

“. . . 𝘢𝘺 𝘵𝘢𝘵𝘢𝘯𝘨𝘨𝘢𝘱 𝘴𝘢 𝘱𝘢𝘯𝘢𝘩𝘰𝘯𝘨 𝘪𝘵𝘰 𝘯𝘨 𝘮𝘢𝘴 𝘮𝘢𝘳𝘢𝘮𝘪 𝘱𝘢 𝘬𝘢𝘺𝘴𝘢 𝘴𝘢 𝘬𝘢𝘯𝘺𝘢𝘯𝘨 𝘪𝘯𝘪𝘸𝘢𝘯: 𝘮𝘨𝘢 𝘣𝘢𝘩𝘢𝘺, 𝘮𝘨𝘢 𝘬𝘢𝘱𝘢𝘵𝘪𝘥, 𝘮𝘨𝘢 𝘪𝘯𝘢, 𝘮𝘨𝘢 𝘢𝘯𝘢𝘬, 𝘮𝘨𝘢 𝘭𝘶𝘱𝘢, 𝘱𝘢𝘵𝘪 𝘮𝘨𝘢 𝘱𝘢𝘨-𝘶𝘶𝘴𝘪𝘨. 𝘈𝘵 𝘵𝘢𝘵𝘢𝘯𝘨𝘨𝘢𝘱 𝘥𝘪𝘯 𝘴𝘪𝘺𝘢 𝘯𝘨 𝘣𝘶𝘩𝘢𝘺 𝘯𝘢 𝘸𝘢𝘭𝘢𝘯𝘨 𝘩𝘢𝘯𝘨𝘨𝘢𝘯 𝘴𝘢 𝘥𝘢𝘳𝘢𝘵𝘪𝘯𝘨 𝘯𝘢 𝘱𝘢𝘯𝘢𝘩𝘰𝘯.” 𝗠𝗔𝗥𝗖𝗢𝗦 𝟭𝟬:𝟯𝟬

Tinitiyak sa atin ni Jesus na tatanggap tayo ng pagpapala—𝘮𝘢𝘴 𝘮𝘢𝘳𝘢𝘮𝘪 𝘱𝘢—sa buhay na ito, kasama na ang mga bagong espirituwal na relasyon at mga biyaya sa komunidad ng mga mananampalataya. Pero binanggit din Niya na magkakaroon ng mga 𝘱𝘢𝘨-𝘶𝘶𝘴𝘪𝘨 dahil ang pagsunod sa Kanya ay madalas na nagdudulot ng mga pagsubok. Sa kabila ng mga paghihirap na ito, nangako si Jesus na ang pansamantalang paghihirap ay maliit kumpara sa mga gantimpalang walang hanggan. Paano tayo hinihikayat ng Hebreo 12:2–3 na manatiling nakatutok kay Jesus kahit may mga hamon sa buhay?

Sinabi ni Jesus na ang marami sa mga nauna ay magiging huli, at ang mga huli ay mauuna (Marcos 10:31). Hindi tulad ng mundo, kung saan mahalaga ang estado, kapangyarihan, at yaman, sa kaharian ng Diyos, mas pinahahalagahan ang kababaang-loob, sakripisyo, at pagiging tapat kay Jesus. Kakailanganin natin ng pagbabago sa ating mga prayoridad—uunahin natin Siya kaysa sa ating mga ari-arian, relasyon, at ginhawa. Ang pagsunod kay Jesus ay may kasamang paghihirap at sakripisyo, pero sulit ang lahat dahil sa matatanggap natin—pakikipag-isa sa Diyos, masaganang buhay kay Jesus, at buhay na walang hanggan.

𝗔𝗣𝗣𝗟𝗜𝗖𝗔𝗧𝗜𝗢𝗡

• Ano ang mga bagay na mahalaga sa ’yo? Ano ang gagawin mo simula ngayon para ipakita na mas mahalaga si Jesus kaysa sa mga ito?

• Isipin ang mga pagkakataon na pinatunayan ng Diyos na Siya ay sapat para sa ’yo noong kinailangan mong iwan ang ilang bagay o unahin si Jesus kaysa ang iyong mga relasyon. Ano ang ipinakita sa ’yo ng Diyos tungkol sa Kanya?

• May kakilala ka ba na nakakaranas ng pagtutol o pag-uusig dahil sa ebanghelyo? Palakasin mo ang loob niya at tulungan siyang makilala ang ibang mananampalataya na makakapagbigay sa kanya ng gabay at lakas.

𝗣𝗥𝗔𝗬𝗘𝗥

• Pasalamatan ang Diyos para sa mga biyaya, pinagkukunang-yaman, at relasyon na mayroon ka. Hilingin sa Diyos na bigyan ka ng pusong handang unahin ang relasyon mo sa Kanya at ituring ito na pinakamahalaga kaysa sa anumang biyayang natatanggap mo.

• Hilingin sa Diyos na tulungan kang manatiling nakatutok kay Jesus kahit may mga pagsubok. Ipagdasal na manatili kang konektado sa iba pang mananampalataya na tutulong sa pagpapalakas ng relasyon mo sa Diyos.

• Hilingin sa Diyos na bigyan ka ng pagkakataong ipakita ang Kanyang pagmamahal sa mga tao sa paligid mo, maging sa mga nang-uusig sa ’yo dahil sa iyong pananampalataya.