The Light Youth English Service | 15 June 2024
June 15, 2024
The Light Youth English Service | 15 June 2024 [Follow us on] Facebook : http://facebook.com/thelightyouth.official Instagram : @thelightyouth.official David Lah Official YouTube : @davidlahofficial Instagram : @davidlah_official#davidlah #ဒေးဗစ်လား #dmi
Daily Bread
June 14, 2024 • Proverbs 11:21
“လူဆိုးတို့သည် အသင်းဖွဲ့သော်လည်း၊ အပြစ် ဒဏ်နှင့်မလွတ်ရကြ။ ဖြောင့်မတ်သောသူတို့၏ အမျိုး အနွှယ်မူကား လွတ်ရ၏။”(သုတ္တံ 11:21) လူဆိုးတွေရဲ့သဘာဝက သူများအောင်မြင်ခြင်း သူများကောင်းစားခြင်းကို ဝမ်းမမြောက်နိုင်ပဲ ဒေါသစိတ်တွေ ဖြစ်ပြီး အုပ်စုဖွဲ့နေတတ်သူတွေ ရှိကြတယ်။ မောရှေကိုကြည့်ပြီး ကောရ ဖြစ်သလိုမျိူးပဲ။ မောရှေပဲ လေဝိသားမဟုတ်ဘူး၊ သူတို့လည်း လေဝိသားတွေဖြစ်တယ်။ သူတို့ကိုယ်သူတို့လည်း ဘုရားက ရွေးကောက်ထားတဲ့သူ၊ ဘုရားကလည်း သူတို့ကို ကိုးကွယ်ဖို့ထား ထားပါတယ်လို့ ပြောကြတယ်။ ဒါပေမယ့် သူတို့မသိတာက ဘုရားက appoint လုပ်ပြီး anoint လု ပ်တာကို မသိကြဘူး။ ကောရက မောရှေလိုပဲ တရားဟောကောင်းတယ်။ မောရှေလိုပဲ လုပ်နိုင်ကိုင်နိုင်တယ်။ ဘုရားသခင်က ကျွမ်းကျင်တဲ့သူနဲ့ အလုပ်လုပ်တာမဟုတ်ဘူး၊ ဘုရားသခင်က အရည်အချင်းတွေ အပေါ်မှာ အလုပ်လုပ်တဲ့ ဘုရားသခင် မဟုတ်ဘူး။ နှလုံးသားကို ကြည့်ပြီးတော့မှ အလုပ်လုပ်တဲ့ ဘုရားဖြစ်တယ်။ နှလုံးသားကို ကြည့်ပြီးရွေးကောက်တဲ့ ဘုရားဖြစ်တယ်။ အယောက်စီတိုင်း ဘုရားသခင်နှစ်သက်သော နှလုံးသားများရှိကြပါစေ။
Daily bread
June 13, 2024 • Psalm 10:2
“မတရားသောသူသည် မာနစိတ်ရှိ၍၊ ဆင်းရဲ သော သူကိုညှဉ်းဆဲတတ်ပါ၏။ မိမိပြုသော ပရိယာယ်အားဖြင့် ထိုသူကို ဘမ်းဆီးတတ်ပါ၏။ မတရားသောသူသည် မိမိစိတ်အလို၌ ဝါကြွား တတ်ပါ၏။ လောဘကြီးသောသူသည် ထာဝရဘုရားကို ပယ်၍ မထီမဲ့မြင်ပြုတတ်ပါ၏။”(ဆာလံ 10:2) မတရားသောသူက မာနစိတ်ရှိသူလို့ နှုတ်ကပတ်တော်မှာ ပြောထားတာတွေ့ရတယ်။ မတရားသောသူတွေက မောက်မာတယ်၊ မသနားတတ်ဘူး။ဘုရားကို မထီမဲ့မြင်ပြုတယ်။ ဒီလိုလူမျိူးနဲ့သင်က ခင်မင်ရင်းနှီးပြီး သွားပေါင်းဖော်မိနေရင်တော့ သင့်ကို သူလိုတာပုံသွင်းဖို့ ကြိုးစားလာတော့မယ်။ ဘုရားရဲ့ နှုတ်ကပတ်တော်မရှိပဲနဲ့ လောကမှာ ငါလုပ်လို့ငါရတာဆိုတဲ့ အတွေးက မတရားသောသူတွေမှာ ရှိတတ်ကြတယ်။ ဒီလိုလူမျိူးတွေက သင့်ကို ဒါလုပ်ပါ၊ ဟိုဟာလုပ်ပါ၊ ဒီဟာလုပ်ပါလို့ ပြောလာတဲ့စကားတွေကို သင်လုံးဝ နားမထောင်မိပါစေနဲ့။ ဘုရားမရှိဘူးလို့ ပြောတဲ့သူက ဥာဏ်မရှိသူဖြစ်ပြီး အဲ့လိုလူမျိူးရဲ့ ချမ်းသာကြွယ်ဝမှူကို သင့်ကြည့်ပြီးတော့မှ သင်က သူ့ရဲ့အကြံဥာဏ်ကို သွားယူရင် သင်အမှားတွေကြုံရမှာဖြစ်တယ်။ သူတို့ကို သွားပြီး မတိုင်ပင်မိစေနဲ့။ ဘုရားသခင်ဆီက ဖွင့်ပြချက်ကိုပဲ ယူတတ်သောသူတွေ ဖြစ်ကြပါစေ။